2 Abo Ko̩rint 7:8 - O̩TAKADA O̩LA O̩JO̩ 1970

⁸ Todu dagba u chaka gwʼume̩ e̩do̩dudu ef o̩takada-mi le̩, ki la wo̩ mi, i wo̩ mi ge̩ n; u cheli ka kʼo̩takada le̩ gwʼume̩ e̩do̩dudu, dagba i chaka chʼiko auwa kate,

2 Abo Ko̩rint 7:8 ပူးပေါင်းရင်းမြစ်များ

O̩la E̩bite 3:19

Aluka amone̩ du kʼu nache̩do̩ ma, nadʼo̩la bi ma oñ nako̩ ma o̩la ge̩: todule̩ e̩ nago̩laru kʼe̩ la ribe̩da.

2 Abo Ko̩rint 7:11

Todu me̩ go, e̩wñ kide̩ gbage̩de̩, owñ ebʼe̩do̩dudu ki chʼeju-wñ ñw e̩ne̩ O̩jo̩ ku me̩ che le̩, alu ki chʼuko̩lo̩ e̩do̩chacha ef ume̩, ku me̩ kʼomu e-me̩, kʼi wo̩ me̩, ku me̩ railo, ku me̩ ñeju, ku me̩ go̩larʼe̩wñ e̩nyo̩, ku me̩ bʼudu ñw u! ef e̩wñ du me̩ dʼo̩la-me̩ dago ku me̩ de̩ yaala ugbo o̩la le̩.

2 Abo Ko̩rint 7:6

Ama e̩ne̩ ki adugbe̩do̩ ñw abo kʼe̩do̩-ma chʼe̩kpabie̩, owñ chʼO̩jo̩, dugbe̩do̩ ñw a lef ewa Taito̩s,

Jo̩n 21:17

I ka ñw u onu e̩ke̩ta kakini, Saimo̩n, o̩ma Jo̩n, e̩ che̩do̩ mi? Pita chʼe̩do̩dudu todabu kʼi ka ñw u onu e̩ke̩ta le̩ kakini, E̩ che̩do̩ mi? Oñ i ka ñw u kakini, Ondu, uwe̩ chema e̩wñ du; uwe̩ chema ka kʼu nache̩do̩ we̩. Jisus ka ñw u kakini, Kʼuje̩wñ ñw amala-mi.

Jo̩n 16:6

Ama todabu kʼu ko̩la e̩wñ kide̩ ñwu me̩ e̩do̩dudu che̩ko̩ efu me̩.

Edinaku 3:32

todu dagba kʼi chaka gwʼone̩ e̩do̩dudu, i ali ejumomi teju alu kʼuwewe ufe̩de̩nyo̩-wñ de̩;

2 Abo Ko̩rint 7:7

i la chʼef ewa-wñ kate n, ama i ño̩ chʼef ugbe̩do̩ kʼi ne̩ ugbo e-me̩, abu kʼi fʼinabali eñeju kʼame̩ ñeju, ku me̩ dogeneji, ku me̩ go̩larʼe̩wñ todu mi ka ñw mi; todabe̩le̩ omi ño̩ yo̩ tule.

2 Abo Ko̩rint 7:9

fa-i nayo̩, i chʼutodu ku me̩ chʼe̩do̩dudu n chai todabu ku me̩ chʼe̩do̩dudu tef ibe erida; todu i je̩ ñw me̩ chʼe̩do̩dudu alu ki chʼeju-wñ ñw e̩ne̩ O̩jo̩, todu kʼawa ki we echʼe̩wñ kʼofu bʼume̩ ef e̩wñ du.

2 Abo Ko̩rint 7:12

Todule̩ abu kʼu chaka kʼo̩takada ru me̩ le̩, i chʼutodu e̩ne̩ ki chʼuji le̩ n, i la chʼutod e̩ne̩ ku ma chʼo uji n, chai todu kʼe̩do̩chacha ku me̩ che todu wa le̩ ki kwotejugede eju O̩jo̩.