2 Abo Ko̩rint 3:18 - O̩TAKADA O̩LA O̩JO̩ 1970

¹⁸ Ma la bi e̩wñ le̩ rʼuwa eju chaka kʼa jʼago ojima Ondu dabe̩ne̩ kʼef ogigo, oñ i amʼuwa da tef ojibo e-le̩ gbage̩de̩ kwugbo ojima tef ojima, dabe̩ne̩ ki kwugbo Ondu ki chʼAfu le̩.

2 Abo Ko̩rint 3:18 ပူးပေါင်းရင်းမြစ်များ

2 Abo Ko̩rint 4:6

Todabu kʼO̩jo̩ kʼi kakini, Ef e̩chubi oñ ugane̩ amʼane̩ ne̩ kwo, owñ le̩ mʼane̩ ne̩ ef e̩do̩-wa, todu kʼeju ki ne̩ ugbo ojima O̩jo̩ ema ef eju Jisusi Kraist.

Abo Rom 12:2

Me̩ ki che ku me̩ dab abo o̩kpanachi-i eju one̩ n, ama ibe-me̩ ki dʼetito̩ alo waa kʼi rʼume̩ da ojoji, kʼame̩ ki nañwa e̩wñ ki dʼO̩jo̩ e̩do̩, kʼi nyo̩ kʼi ño̩ nyo̩ eju, kʼi la mufu kpa, go ka kʼo̩me̩me̩le̩ i che.

2 Abo Ko̩rint 4:4

Owñ chʼef abo kʼo̩jo̩ e-okpanachi-i fʼeju ibe e-abo ku ma ma ke̩do̩no n chubi, todu kʼugane̩ Uche̩-nyo ojima Kraisti e-kʼi chʼojibo O̩jo̩ ki we eta dufu.

1 Abo Ko̩rint 13:12

Todu abajo̩-i a gane̩ lef ogigo ef ita ta, ama e̩gbale̩ eju meji ade: abajo̩-i u chema e̩wñ kado̩na; ama e̩gbale̩ nama ogbolo, dabalu ku ma ma mi ogbolo.

Abo Ko̩lo̩se 3:10

ku me̩ la mʼe̩ne̩ etito̩ e-ki achʼetito̩ alo waa tef e̩wñ ema ogbolo teju alu kʼe̩ne̩ ki nyʼi de̩ dutʼo̩la:

Abo Rom 8:29

Todu, abo kʼi ma ma tane̩, i fʼuma date̩ tane̩ ku ma chʼuche̩ ojibo o̩ma e-wñ, kʼowñ ki chʼo̩mo̩gba ef amo̩maye wewe:

1 Abo Ko̩rint 15:49

Oñt dabalu kʼa fʼojibo e-ebutu le̩ ne̩, abe̩le̩ a ñʼane̩ ojibo e-efojale le̩ ge̩.

2 Abo Ko̩rint 5:17

Todabe̩le̩ iche̩wñ kʼe̩ne̩ du dʼefu Kraist, enyi kʼO̩jo̩ nyiʼi etito̩ i che: e̩wñ igbele lale rinyo̩; me̩ go, i mud etito̩.

Jo̩n 1:14

O̩la kʼa ka-i la mud ore̩la oñ i ge̩ne̩ ef uwa, (a la fʼojima-wñ li, ojima-wñ dab e-omokpono ugbo Ata-wñ), i che̩ko̩ ñw ufe̩de̩nyo̩ kpʼochochi.

Jeme̩s 1:23

Todu iche̩wñ kʼe̩ne̩ʼka chʼagbo o̩la le̩, kʼi ma la chʼache n, e̩ne̩ le̩ dab e̩ne̩ke̩le̩ kʼi ago eju-wñ ef ogigo alu kʼi de̩ ku ma bi u.

Jo̩n 17:24

Ata-mi, i dʼumi e̩do̩ todu kʼabo kʼe̩ ko ñwu mi ki jʼugbo mi ugbo kʼomi de̩, todu kʼama ki gʼojima e-mi kʼe̩ mudu ñwu mi, todabu kʼuwe̩ fe̩do̩ mi o̩gba taku ma kpʼe̩re̩ ile̩-i.

Taito̩s 3:5

i kwʼef uko̩lo̩ eche o̩kpakpa kʼa jʼache n, chai alu kʼejumomi e-wñ de̩ oñ i jadu wa, lef egwe̩ ku ma gwe̩ wa, ebi wa etito̩ le̩, kpai eñwo̩che kʼAfu Kiafo̩ añwʼuwa che etito̩.

Abo Rom 8:7

lef e-le̩ oñ ibe o̩re̩la chʼe̩nebi e̩wñ O̩jo̩; todu i chʼe̩kamuhite̩ ñw e̩wñ o̩loda O̩jo̩ n, i la neke che n;

Abo Rom 8:4

todu kʼe̩wñ o̩kpakpa e-o̩lo̩da ki jo̩ kpa ef awa kʼa ma tale tʼikpa o̩re̩la n, chai tʼikpa Afu.

Jo̩n 12:41

Aizaya ko̩la kide̩ todabu kʼi fʼoji-ma-wñ li, o̩la-wñ i la ka le̩.

Abo Rom 13:14

Me̩ kʼi muda mʼOndu Jisus Kraisti dutʼo̩la; me̩ ki kpʼibe tane̩ tod e̩wñ kʼo̩re̩la achʼe̩ño̩-wñ n.

Abo Galatia 6:15

Todu tʼe̩pi-eda chʼe̩wñ du n, tʼe̩pi odukulu chʼe̩wñ du n, chai one̩ e̩nyi etito̩.

1 Timoti 1:11

ki alʼikpa Uche̩nyo̩ ojima O̩jo̩ kʼi nʼele, e-ku ma ke̩do̩no mi ku ma dʼu nyʼumi o̩wo̩ le̩.

Eli Eko̩ DʼO̩jo̩ 84:7

Ma lo kwef ukpahiu tef ukpahiu alo waa; okoke-ma du atejugede o̩gba O̩jo̩ efu Zayo̩n.

Jo̩n 17:22

Omi la mʼojima e-kʼe̩ du ñwu mi du ñwu ma me̩, todu kʼama ki chʼoka alu kʼAwa chʼoka.

2 Abo Ko̩rint 3:17

Ondu la chʼAfu le̩; oñ ugbo du kʼAfu Ondu de̩, o̩mo̩ “omi nʼo̩la-mi” de̩.

1 Jo̩n 3:2

Ame̩nufe̩do̩, fai a chʼamo̩ma O̩jo̩ me̩; alu kʼa la ade̩ ejo̩gba tejugede ta n, a chema ka kʼowñ kwotejugede a adab owñ, ukpe̩ kʼa ali owñ alu kʼi de̩.