2 Abo Ko̩rint 1:17 - O̩TAKADA O̩LA O̩JO̩ 1970

¹⁷ Todule̩ eneku kʼu neku ewʼugbo me̩ le̩ chʼe̩wñ fuye̩e̩ eju-me̩? e̩wñ kʼu neku-wñ, naneku-wñ likpa o̩re̩la, todu kʼi-i, i-i, kpai o̩da, o̩da, ki dʼugbo mi?

2 Abo Ko̩rint 1:17 ပူးပေါင်းရင်းမြစ်များ

Matiu 5:37

Ama o̩la kʼe̩ ka kʼi chʼEba, eba; O̩da, o̩da; e-du kʼi tʼe-i le kwʼugbo e̩ne̩bibi le̩.

Jeme̩s 5:12

E̩wñ ki muda tʼo̩gba e̩wñ du la de̩, amo̩maye-mi, me̩ ki ge̩bo̩ n, tʼe-efojale, tʼe-ane̩-ile̩-i, tʼe-e̩bo̩ omune̩ du. I-i-me̩ ki chʼi-i ke, oda-me̩ ki chʼo̩da! todu e̩gba ku me̩ ñwa tʼef ajo̩.

Jo̩n 8:15

Ame̩ kajo̩ alu kʼo̩re̩la de̩; omi akajo̩ e̩ne̩ du n.

Je̩re̩maya 23:32

Go, omi chʼe̩nagwunyʼabo ku ma kache̩ o̩na ku ma na olemi ofo, Jihofa aka-i, oñ ma mʼu du ka, ku ma la nʼolemi-ma kpʼuba-ma ibe̩te̩ kʼamone̩-mi la. I la chʼomi kpʼuma uche̩ n, u la ñwa ñwu ma abe̩le̩ n, ma la nʼile du ñw amone̩-i n, Jihofa aka-i.

2 Abo Ko̩rint 1:12

Todu e̩wñ ki chʼuba kʼa ba de̩, owñ chʼibenu kʼakone̩ o̩la ki dʼef uwa agba kakini, Ef efo̩ kpʼo̩yala e-O̩jo̩, i la chʼef o̩fili o̩re̩la n, chai ef ufe̩de̩nyo̩ e-O̩jo̩, a jo̩ achʼe̩wñ ef ile̩-i, ugbo e-me̩ itʼoji.

Ze̩fanaya 3:4

Amakache̩-wñ chʼame̩ne̩fule̩fu, ma dʼo̩wo̩ tʼef ukpo aro̩kpo̩; amatama-wñ fʼuña kiafo̩ le̩ daji me̩, ma chʼuko̩-o̩la le̩ afuma.

Amakajo̩ 9:4

Taku ma mʼo̩ko̩ ajifa e̩te̩gwa ko kwef unyi Beal-be̩rit ñw u, e-le̩ i ko chʼo̩gu ñw ame̩no̩wai kpai ame̩ne̩fule̩fu, oñ ma tʼo̩ ubi.

1 Te̩s 2:18

Todule̩ oñ i dʼuwa e̩do̩ kʼa wʼugbo me̩ onu meji ñw e̩ta, owñ chʼomi Po̩l, Setan muda kpʼo̩na nyʼuwa.

Abo Galatia 2:2

Ete̩gu kʼu te̩gu le̩ teju alu kʼo̩la bite̩. Oñ u mʼUche̩nyo̩ e-kʼu natakoya-wñ ef abo uche̩ichi du kajane̩ ñwu ma. U muda ka ej ubi o̩gba abojima, tode̩gba kʼule kʼu ra akwobi abe̩k e-kʼu nara abajo̩-i amud ofofo.

Abo Galatia 1:16

kʼi mʼO̩ma-wñ dubite̩ ef umi, todu kʼu du owñ chʼUche̩nyo̩ kʼu naje̩rʼabo uche̩ichi; ababale̩ u nyʼojuju kpʼo̩re̩la kpʼe̩bie̩ n;

Matiu 1:19

Oñ abu ku Jose̩f o̩ko̩-wñ chʼe̩no̩kpakpa, ki ma la dʼowñ e̩do̩ kʼi adʼu nye̩ña ejo̩ja n, i nʼeku etʼo̩ no̩ ejubi.

2 Abo Ko̩rint 11:18

Alu kʼamone̩ wewe abuba likpa o̩re̩la, omi ñʼaba ge̩.