1 Timoti 2:4 - O̩TAKADA O̩LA O̩JO̩ 1970

⁴ kʼi du owñ e̩do̩ kʼamone̩ du ki tʼujadu ku ma ño̩ lewa tef ochochi ema ogbolo.

1 Timoti 2:4 ပူးပေါင်းရင်းမြစ်များ

Izikie̩l 18:32

Todu uku e̩ne̩ ki aku nyo̩ mi eju re n, Ondu Jihofa ka-i; todule̩ me̩ ki rʼo̩la-me̩ da ku me̩ deju.

2 Pita 3:9

I cheka kʼOndu afo̩kpane̩ ugbo o̩la kʼi katane̩ alu kʼefo̩kpane̩ de̩ eju abo iche̩ka n; e̩do̩ i muda aje̩ ugbo me̩, i neku kʼe̩ne̩ du ki lenyo̩ n, chai kʼo̩chaka amone̩ ki tu eribeda.

Izikie̩l 18:23

Uku ame̩ne̩bibi nyo̩ mi eju re? Ondu Jihofa ka-i; kʼi ma chʼedabi bʼo̩na-wñ te̩ kʼi deju n?

Taito̩s 2:11

Todu ufe̩do̩-e̩nyo̩ e-O̩jo̩ kʼi ane̩ ujadu wa ñw e̩ne̩ du kwotejugede me̩,

Izikie̩l 33:11

E̩ ka ñwu ma kakini, Oji-mi, Ondu Jihofa ka-i. U nʼe̩do̩ e̩bo̩ ugbo uku e̩ne̩bibi n; chai kʼe̩ne̩-bibi ki rida bʼo̩na-wñ te̩ kʼi deju. Me̩ rida, me̩ rida bʼo̩na o̩na-me̩ ki bie̩ne̩ te̩; todu e̩wñ chi kʼame̩ aku, O abo unyi Israe̩l.

2 Timoti 2:25

i ako̩ abo ku ma kujabʼo̩la-ma o̩la ef o̩chikimi. Ukani O̩jo̩ adu ñwu ma ku ma ribeda ku ma ki fʼochochi ma,

1 Timoti 4:10

Todu e̩wñ ki chi kʼa chakanya kʼa la fʼeju gbiti-i de̩, owñ che todabu kʼa kibenʼO̩jo̩ e-ki deju, kʼi chʼE̩najadu amone̩ du, e-abo ku ma ke̩do̩no tʼoji.

Aizaya 45:22

Me̩ rʼeju da go mi, kʼama ki fʼume̩ jadu, ame̩ ukpoji ukpoji ane̩ ile̩-i du! todu omi chʼO̩jo̩, i la nʼomune̩ du n.

Luku 24:47

ku ma ki ño̩ fʼakoya ibe erida kpai adure eto̩no̩ ta ef odu-wñ ugbo abo uche̩ichi chaka, kʼama ki chane̩ Je̩rusale̩m.

O̩la E̩bite 14:6

Tak u li onuche̩ omune̩ abu kʼi awu alumeji ojale, i nʼuche̩nyo̩ e-ogbegbele̩ kʼi aje̩rʼabo ku ma dodo ane̩ ile̩ kpʼabo uche̩ichi du kpʼo̩lo̩pu du kpʼalichi du kpʼamone̩ du,

Jo̩n 14:6

Jisus ka ñw u kakini, Omi chʼo̩na kpʼochochi kpʼiñmi: i ma lʼef umi n, e̩ne̩ du awʼugbo Ata n.

Matiu 28:19

Todule̩ me̩ nyʼafʼabo uche̩ichi uche̩ichi du chʼamako̩che̩; me̩ nache ma baptism tef odu Ata kpai e-O̩ma kpai e-Afu Kiafo̩;

Taito̩s 1:1

Po̩l, adu O̩jo̩ kʼi ño̩ chʼe̩nukpuche̩ Jisus Kraist, lʼo̩na e̩do̩-ekono e-abo kʼO̩jo̩ chi ma tane̩ kpai ochochi le̩ ema ogbolo lʼo̩na ekpe̩do̩rʼO̩jo̩,

Aizaya 55:1

Uwe̩, e̩ne̩ du kʼolugbe̩ akpʼo̩, me̩ lewʼugbo omiofo-i; kpai e̩ne̩ ki ma nʼo̩ko̩ n, me̩ lewa la ku me̩ je̩! Me̩ lewa lʼomi achiwebe̩te̩ma kpai omi e̩nya, i nʼo̩ko̩ oji n, i nʼalu aja n.

2 Timoti 3:7

ma jʼako̩che̩ e̩wñ e̩gba du, ma la neke wʼugbo ochochi ema n.

Luku 14:23

Tak odu-wñ ka ñw adu le̩ kakini, E̩ dufu nyʼojikpadala kpʼugbo o̩gba o̩gba, kʼe̩ kute̩ ma ku ma lewa, todu kʼunyi-mi ki ko̩ ñw one̩.

Luku 1:77

kʼe̩ je̩ ñw amone̩-wñ ma ujadu ef eto̩no̩ kʼi atʼadure-ma no̩ ñwu ma,

Aizaya 49:6

oñ i kakini, Todu kʼuwe̩ ki chʼadu-mi kʼe̩ kʼabo̩lo̩pu o̩lo̩pu Jeko̩b kwane̩, kʼe̩ kʼabo Israe̩l ku ma fejutʼo̩ le̩ dabi tʼe̩gu-ma, chʼe̩wñ fuye̩ tʼuwe̩ le; naño̩ dʼuwe̩ chʼugane̩ ñw abo uche̩ichi, kʼuwe̩ ki chʼujadu-mi gbogbo tʼukpoji ane̩ ile̩.

Jo̩n 17:17

Che ma ku ma chʼabo kiafo̩ ef ochochi; o̩la-we̩ le̩ chʼochochi.

Jo̩n 6:37

E̩wñ du kʼAta adu ñwu mi atʼugbo mi, oñ e̩ne̩ ki awʼugbo mi, i nugbo du kʼu nadu rikpolo tʼo̩do̩da n.

Mark 16:15

Tak i ka ñwu ma kakini, Me̩ lo tef ile̩ du, ku me̩ natakoya uche̩nyo̩ ñw e̩wñ du kʼO̩jo̩ nyi.

Abo Hibru 10:26

Todu a gwejugede dure abu kʼa mʼuma e-ochochi le̩ gba, iche̩bo̩ ño̩ bo̩ tod adure ge̩ n.

Habakuk 2:14

Todu ile̩-i ako̩ ñw ojima Jihofa ema, alu kʼomi bʼohimini abadi ma.

Aizaya 53:11

i ali e̩wñ kwef uko̩lo̩ akanya kʼonugo-wñ ache, e̩do̩-wñ abo̩; lef e̩wñ kʼi ma oñ adu-mi o̩kpakpa le̩, adʼo̩kpakpa ñw amone̩ wewe; i la achʼudu-ma.

Abo Rom 11:14

natene ugbo du kʼu nanyʼabo o̩re̩la-mi le̩ ogu eja, kʼu fʼiche̩kibo̩ jadu kwef uma.

Jeme̩s 3:14

I muda che̩wñ kʼogu eja ki lukoko kpʼibe edane̩kpeju jʼef e̩do̩-me̩, me̩ ki buba n, me̩ ki la rʼolemi nyʼochochi n.

2 Jo̩n 1:1

Ogijo-i tʼugbo odu-mi onobule̩ ku ma chi le̩ kpai amo̩ma-wñ kʼomi afe̩do̩ ma ef ochochi, i la chʼomi kate n, abo du ku ma te̩tama ochochi le̩ manyʼumi kpo̩fo̩,