1 Te̩s 5:8 - O̩TAKADA O̩LA O̩JO̩ 1970

⁸ Ama abu kʼa chʼabo o̩ro̩ka eju-wa ki chene̩, kʼa kʼe̩wñ ube̩do̩ma e-e̩do̩ ekono kpʼufe̩do̩ nyʼo̩la, ukata ebije-wa kʼi chʼukibeno e-ujadu.

1 Te̩s 5:8 ပူးပေါင်းရင်းမြစ်များ

1 Pita 1:13

Todule̩ me̩ nafʼe̩wñ lʼago e-ibe-me̩ de. Ibe-me̩ ki chʼewane̩, ku me̩ kibeno ufe̩de̩nyo̩ ku ma ane̩ wa ñwu me̩ ef ebite̩ ku ma abi Jisus Kraisti te̩ tʼukpoji.

Abo E̩fe̩sus 6:11

Me̩ nakʼe̩wñ ogu O̩jo̩ chaka nyʼo̩la, ku me̩ nʼukpahiu ebʼugbeleke e-Abulumone̩ le̩ jo̩.

Aizaya 59:17

I mʼo̩kpakpa du bʼe̩do̩ ma dab e̩wñ ido̩na ogu, i la dʼukata ujadu dʼoji; e̩wñ o̩la kʼi nyi chʼache̩ ena, tak i dʼogu eja bʼoji e-le̩ ma.

Abo Hibru 6:19

A nʼe-le̩ dab ugbo onugo-wa, e̩wñ o̩kpaka kʼi lonyane̩ i che, i ño̩ mugudu tʼejefu ukpo ugbo̩na,

1 Abo Ko̩rint 13:13

Oñ fai e̩do̩ ekono kpʼibe eko̩no̩ kpʼufe̩do̩ la jo̩-i, e̩wñ me̩ta-i; ama e-ki tʼo̩gba chʼufe̩do̩.

1 Te̩s 5:5

Todu o̩chaka-me̩ chʼamo̩ma ugane̩ kpʼamo̩ma o̩ro̩ka. A chʼabo odu kpʼabo e̩chubi n.

1 Jo̩n 1:7

iche̩wñ kʼa muda tale ef ugane̩, alu kʼowñ def ugane̩, mak a nʼuta ata kpʼomune̩, oñ e̩bie̩ Jisus O̩ma-wñ nʼawa agwe̩ hiolo bʼadure du te̩.

1 Pita 2:9

Ame̩ muda chʼo̩lo̩pu kʼO̩jo̩ chi. Me̩ chʼuche̩ amatama kʼo̩wo̩ onu ne̩ me̩, abo uche̩ichi kiafo̩, amone̩ todu kʼo̩wo̩-wñ ki ne̩ me̩ ki nʼugbo ku me̩ akʼunyo̩-wñ dufu, owñ ki fʼume̩ do̩ kwef e̩chubi tef ugane̩-wñ ki chʼawuwu le̩.

2 Abo Ko̩rint 6:7

ef o̩la ochochi, ef ukpahiu O̩jo̩; lef ido̩na ogu e-o̩kpakpa e-o̩wo̩ awo̩to̩ kpʼe-awohi,

Edinaku 3:26

i chenyo̩ kʼone̩ ki kibeno kʼi laño̩ nʼede ujadu Jihofa yo̩o̩;

Abo E̩fe̩sus 6:23

Ure̩do̩ ki dʼugbo amo̩maye kpai ufe̩do̩ manyʼe̩do̩-ekono kwʼugbo O̩jo̩ Ata kpai Ondu Jisus Kraist.

Abo Galatia 5:5

Todu kwef e̩do̩ ekono ef Afu a jʼafejutʼo̩na anede o̩kpakpa kʼa kibenʼo le̩.

Eli Eko̩ DʼO̩jo̩ 43:5

E̩wñ chi kʼe̩ dʼoji lo̩, O onugo-mi? E̩wñ chi kʼe̩ la dʼefu-mi akpogu? KibenʼO̩jo̩; todu omi agogbodʼo̩ chuu, owñ chʼujadu eju-mi kpʼO̩jo̩-mi.

Eli Eko̩ DʼO̩jo̩ 42:11

E̩wñ chi kʼe̩ dʼoji lo̩, O onugo-mi? E̩wñ chi kʼe̩ la dʼefu-mi akpogu? E̩ kibenʼO̩jo̩, todu omi agogbodʼo̩ chuu, owñ chʼujadu eju-mi kpʼO̩jo̩-mi.

Eli Eko̩ DʼO̩jo̩ 42:5

E̩wñ chi kʼe̩ dʼoji lo̩ efu-mi, O onugo-mi? E̩wñ chi kʼe̩ la dʼef umi akpogu? E̩ kibenʼO̩jo̩; todu omi agogbodʼo̩ chuu, owñ chʼujadu eju-mi kpai O̩jo̩-mi.

2 Abo Te̩se̩lonaika 2:16

Oñ Ondu-wa Jisus Kraisti onugo kpʼO̩jo̩ Ata-wa kʼi fe̩do̩ wa kʼi laño̩ mʼugbe̩do̩ e-ogbegbele̩ kpʼe̩wñ o̩me̩-me̩le̩ kʼa akibeno ko ñw a ef ufe̩de̩nyo̩,