1 Te̩s 2:6 - O̩TAKADA O̩LA O̩JO̩ 1970

⁶ A la tene ojima ugbo amone̩ n, i chaka chʼugbo me̩, i chaka chʼugbo abo omune̩, abu kʼa ma neke woji nʼume̩ ukpe̩ kʼa chʼame̩nukpuche̩ Kraisti.

1 Te̩s 2:6 ပူးပေါင်းရင်းမြစ်များ

Abo Galatia 1:10

Todu one̩ nache kʼu gbʼo̩ ibe-i? abe̩kʼO̩jo̩? abe̩k one̩ nafeju kʼu nyo̩ eju? I ma chʼone̩ u che kʼu nyʼo̩ eju ta, u ma chʼadu Kraisti n.

1 Te̩s 2:9

Todu ame̩ rewa akanya-wa kpʼo̩bata uko̩lo̩-wa, amo̩maye, abu kʼa chʼuko̩lo̩ odu kpʼo̩ro̩ka kʼa we edʼadu nʼe̩ne̩ du ef ume̩ oji, oñ a fʼakoya Uche̩nyo̩ O̩jo̩ ta ñwu me̩.

Jo̩n 5:44

Ame̩ ku me̩ gba ojima kwʼugbo o̩la-me̩, ku me̩ ma tene ojima ki kwugbo O̩jo̩ kate le̩ n, abile ku me̩ neke ake̩do̩no ke?

Jo̩n 5:41

Nagba ojima kwʼugbo one̩ n.

1 Timoti 5:17

Abogijo ku ma kad o̩gba o̩me̩me̩le̩ ki nabʼukpe̩ ubumo̩ meji jo̩ eju-me̩, e-abo ku ma chʼakanya ef o̩la kpai uko̩-o̩la le̩ ki toji.

Abo Galatia 5:26

Me̩ ki mud abo ku me̩ bʼukpa tʼo̩la-me̩ ofo ku me̩ kʼomune̩ e̩che̩ achʼe̩bie̩ne̩ ku me̩ ño̩ lie̩na omune̩ n.

2 Abo Ko̩rint 13:10

Lef e-le̩ oñ nakʼo̩takada e̩wñ-i abu kʼu ma dane̩ n, todu e̩gba kʼu dane̩ kʼu we ekpuna ñw me̩ teju o̩da kʼOndu du ñw mi kʼu ne one̩ nyo̩gba, i la chʼutodu kʼu gulo̩ wane̩ n.

2 Abo Ko̩rint 4:5

Todu i chʼo̩la-wa oñ a takoya-wñ n, chai Kraisti Jisus Ondu, kʼawa onugo la chʼadu-me̩ lefu Jisus.

1 Abo Ko̩rint 11:9

todu ma la nyi e̩ne̩ke̩le̩ tod onobule̩ n, chai onobule̩ tod e̩ne̩ke̩le̩.

Jo̩n 12:43

todu ma fe̩do̩ ojima e-one̩ tʼojima e-O̩jo̩ le.

Jo̩n 7:18

E̩ne̩ ki agʼe̩do̩la-wñ ako̩la afeju kʼowñ onugo ki nʼojima, ama e̩ne̩ ki feju kʼe̩ne̩ ki kpʼo̩ uche̩ ki nʼojima, owñ le̩ chʼe̩ne̩ ochochi, uji du la dʼef uwñ n.

Danie̩l 4:30

Onu fʼo̩la ka kakini, I che Babilo̩n lile kʼomi nʼugbiti ukpahiu-mi ko̩ ki chʼunyi onu le̩ de̩ n? todu kʼi chʼojima unana e-mi n?

Ita, Ita 25:27

I nyo̩ kʼone̩ ki je̩ iño̩ ololo n, abe̩le̩ one̩ ki tene ojima ñw o̩la-wñ i chʼojima de̩ n.

E̩sta 5:11

Taku Heman da nʼo̩la ojima anana-wñ aka ñwu ma, kpai uwewe amo̩ma-wñ kpai e̩wñ du e-kʼonu dʼowñ nyo̩gba ef uwñ, kpai alu kʼi dʼowñ tʼo̩gba ñw amagboji kpai abuko̩lo̩ onu.

E̩sta 1:4

e̩gbale̩ i kʼe̩wñ akoko ojane̩-wñ ki nʼojima kpai anana e-ojima onu-wñ kʼi je̩ ña ma o̩jo̩ wewe, owñ chʼo̩jo̩ o̩gbo̩ me̩la.

Abo Galatia 6:13

Todu ichaka chʼabo ku ma de̩pi le̩, ma la de o̩lo̩da n; i muda dʼuma e̩do̩ ku me̩ de̩pi, todu ku ma ki buba ef o̩re̩la-me̩.