1 Pita 4:17 - O̩TAKADA O̩LA O̩JO̩ 1970

¹⁷ Todu iko kʼajo̩ chane̩ kwʼunyi O̩jo̩ lewa me̩; i la che̩wñ ki chane̩ ugbo e-wa ejodudu mak e̩wñ chʼukpoji abo ku ma ko̩ egbʼUche̩nyo̩ e-O̩jo̩ gbo̩ ke?

1 Pita 4:17 ပူးပေါင်းရင်းမြစ်များ

Je̩re̩maya 25:29

Todu go, u chane̩ uko̩lo̩ e̩bie̩ne̩ eche ugbo ewo ku ma dʼodu-mi mʼo̩ le̩, ma ñʼawe ebʼudu ñw me̩ ge̩? Ma awe ebʼudu ñw me̩ n, todu omi do̩mo̩ adʼo̩kwo̩chageli udo̩ abʼabo du ku ma dodo ane̩ ile̩-i ma, Jihofa ki nʼe̩wñ du aka-i.

2 Abo Te̩se̩lonaika 1:8

I adʼache̩ ena wa abʼabo ku ma ma mʼO̩jo̩ n kpai abo ku ma ma la gbʼo̩la Uche̩nyo̩ Ondu-wa Jisus gbo̩ n oji ma.

Izikie̩l 9:6

Fʼabogijo kpʼabokolobia kpʼabobule̩ ku ma mʼe̩ne̩ke̩le̩ n kpʼabimo̩to egini kpʼabobule̩ kpa rinyo̩; me̩ ki muda dʼo̩wo̩ kado e̩ne̩ du kʼuhiuko̩ le̩ dʼo̩la-wñ n. Me̩ chane̩ ugbo uña-mi kiafo̩. Abe̩le̩ ma chane̩ ugbo abogijo ku ma jo̩ o̩gba unyi le̩.

1 Pita 2:8

kpai, Okuta uke̩re̩ kpʼo̩pata okuta ki adʼone̩ hi. Todu ma dʼe̩re̩ ko̩ o̩la le̩ abu ku ma ko̩ egbagbo̩. Abu ku ma la du te̩ ñwu ma de̩.

Abo Rom 2:9

O̩pe̩cha kpʼuwa adʼoji onugo one̩ du ki nʼuko̩lo̩ e̩bie̩ne̩ ache, tʼe̩ne̩ Ju ejodudu kpʼe̩ne̩ Grik ge̩.

Luku 23:31

Todu iche̩wñ ku ma chʼe̩wñ kide̩ ef oli emimi, e̩wñ awate̩ ef e-e̩gbe̩ ge̩?

Malakai 3:5

Tak omi ate̩me̩rʼume̩ tod ajo̩; oñ nagbibenu piopio nyʼamochu, kpai abo ku ma tene o̩ya one̩ kpai abo ku ma go̩ olemi kpai abo ku ma che abuko̩lo̩ uji ef o̩me̩ ku ma ra ñwu ma, kpai abo ku ma che o̩yaukuo̩ko̩ kpai e̩ne̩ ki ma nʼata n uji; kpai abo ku ma fʼilowa ke̩che̩ tʼo̩wo̩ʼka, ku ma ma la railo mi n, Jihofa ki nʼe̩wñ du ka-i.

Emo̩s 3:2

Ame̩ kate oñ omi ma ef abo unyi unyi abo ile̩-i; todule̩ oñ omi anʼe̩wñ ugbite̩re̩-me̩ du wa afejudo me̩.

Aizaya 10:12

Todule̩ i awatu ka kʼe̩gba kʼOndu fʼuko̩lo̩-wñ chaka che abʼoj uwo Zayo̩n kpai abʼiJe̩rusale̩m ma, i abʼudu ñw e̩wñ kʼi dʼe̩do̩ onu Asiria kʼi agba kpai eju-wñ ki chʼeju eke.

Abo Hibru 5:9

oñ abu kʼi mufu kpoji i mud e̩wñ ki chi kʼujadu ogbegbele̩ do̩mo̩ ñw abo du ku ma gbʼo̩la-wñ gbo̩,

Abo Hibru 2:4

abu kʼO̩jo̩ onugo nabʼuma gbibenu lugbo ujiwe kpʼuno̩ kpʼuko̩lo̩ ukpahiu ojoji ojoji, kpʼAfu Kiafo̩ kʼi kpe̩ ñw amone̩ likpa alu ki dʼowñ e̩do̩.

Abo Hibru 2:2

Todu iche̩wñ kʼo̩la ku ma ka lef alu amonuche̩ le̩ mud o̩la ki lonyane̩, kʼuchada du kpʼeko̩-gbo̩la du mʼuro̩me̩ ki chʼeju-wñ gba,

Abo Galatia 5:7

Ule o̩me̩me̩le̩ me̩ te̩tʼara le̩, e̩ne̩ kpʼo̩na nyʼume̩ kʼame̩ ma gbʼochochi gbo̩ ni ge̩?

Abo Hibru 11:8

E̩do̩ ekono chʼe̩wñ kʼEbraham gbʼo̩la abu ku ma fʼu do̩ le̩ kʼi ledufu tef uña e-kʼi ache kʼi gba e̩wñ o̩gu; oñ i ledufu, i ma ugbo kʼi anyi o̩gbolo n.

Abo Galatia 3:1

Ame̩ abo Galatia ame̩nidada, e̩ne̩ kʼume̩ eju ne e̩wñʼka, ame̩, ku ma fu Jisus Kraist jiwe te̩ foo eju-me̩ abu kʼi chʼe̩kamoli le̩?

Je̩re̩maya 49:12

Todu abu ki Jihofa aka de̩, kakini, Abo ku ma ma kpʼoji ajo̩-ma ka ku ma añmo̩ ago-i n; añmʼo tila; uwe̩ ñʼachʼe̩ne̩ kʼudu echi afʼuwe̩ oji hioko? Udu echi la afʼuwe̩ oji n, uwe̩ la añmʼo̩ chuu.

Abo Rom 1:1

Po̩l, adu Jisus Kraisti, e̩nukpuche̩ lugbo edo̩ ku ma do̩, ku ma fʼu date̩ ñw Uche̩nyo̩ O̩jo̩,

Abo Galatia 6:10

Todule̩, alu kʼa nʼiko, a ki chuko̩lo̩ ki nyo̩ ñw e̩ne̩ du, a ki muda che ñw abo unyi e̩do̩-ekono tule.

1 Timoti 3:15

ama iche̩wñ kʼu kpo̩kpe̩, todu kʼuwe̩ ki ma alu ki dukpe̩ kʼone̩ ki hi ofe mane̩ ache e̩wñ ef unyi O̩jo̩ e-kʼi chʼujeju abudo̩ e-O̩jo̩ ki deju, ujeju le̩ chʼugbogaga kpai ofe emane̩ kʼochochi ne̩.

Abo Hibru 3:6

Kraisti muda chʼalu kʼo̩ma de̩ kʼabunyi-wñ jʼef o̩wo̩-wñ; awa chʼabunyi e-wñ, iche̩wñ kʼa gwo̩nyʼeju-e̩gbo̩ kpʼuba e-ibe ekono-wa le gaga gbogbo wʼukpoji.

1 Pita 2:5

Ama ño̩ jʼako me̩ ne unyi e-Afu dabe̩ne̩ kʼame̩ chʼokuta ki deju, ku me̩ chʼuche̩ amatama kiafo̩, kʼame̩ ki kʼe̩wñ iche̩bo̩ Afu e-ki nyo̩ O̩jo̩ eju kʼi gba lefu Jisus Kraisti wa.