1 Pita 3:8 - O̩TAKADA O̩LA O̩JO̩ 1970

⁸ Ukpoji-wñ la de̩ kakini, Ibe-me̩ ki chʼoka, me̩ nakwo̩lawo̩ omune̩, me̩ che̩do̩ omune̩ dab amo̩maye, me̩ chʼiwo̩ omune̩, ibe-me̩ ki che̩hiwane̩;

1 Pita 3:8 ပူးပေါင်းရင်းမြစ်များ

Abo Rom 12:10

I chʼeche̩do̩ amo̩maye, me̩ ki che̩do̩ omune̩ dabe̩ne̩ ku me̩ chʼefu; i chʼebumʼone̩, me̩ ki dʼomune̩ tʼo̩gba.

1 Pita 1:22

Abu ku me̩ fʼonugo-me̩ gworinyo̩ ef ochochi ku me̩ mugbagbo̩ kʼeche̩do̩ amo̩maye-me̩ ki we enʼakoru, me̩ ki fe̩do̩ omune̩ kpʼe̩do̩-me̩ gbali,

Abo E̩fe̩sus 4:31

Me̩ namʼo̩la ulukoko kpai uke̩do̩fulu kpai uwe̩do̩ du kpai ukwa kpai achakpabie̩ ko bʼo̩la-me̩ te̩, manyʼe̩wñ e̩bie̩ne̩ du.

Jeme̩s 3:17

E̩wñ ki dʼo̩gba ef ibe ki akwʼate̩ wa muda chʼede̩ yaala, tak i chʼe-ure̩do̩, i ache e̩wñ yo̩o̩; i chʼebo̩la, i che̩ko̩ ñw ejumomi one̩ eli kpʼe̩ro ki nyo̩; i añwa tʼemi tʼemi n, i nʼako̩ru n.

Abo E̩fe̩sus 4:2

Ibe-me̩ ki chʼewane̩ chaka, kʼame̩ ki jo̩ chikimi, manyʼe̩do̩ eje̩, me̩ ki je̩ kpʼomune̩ ef ufe̩do̩;

Ze̩karaya 7:9

Abu ki Jihofa ki nʼe̩wñ du ka le̩ de̩ kakini, Me̩ ki nʼochochi kpʼoji ajo̩, e̩ne̩ne̩ne̩ne̩ ki chʼufe̩denyo kpʼo̩maye-wñ kʼi ño̩ liʼi ejumomi,

Abo Ko̩lo̩se 3:12

Todule̩, abu ku me̩ chʼabo kʼO̩jo̩ chi me̩, ku me̩ chʼabo kiafo, kʼi te̩tafe̩do̩ me̩, me̩ ki ko e̩do̩ ki ali one̩ eju kpai umo̩la kpai o̩la-ehiwane̩ kpai o̩chikimi kpai e̩do̩-eje̩ nyʼo̩la;

1 Abo Ko̩rint 12:26

E̩wñ año̩laʼka chaka li uwa, e̩wñ ki ronyʼaño̩la le̩ du abʼo̩ li uwa; ma chaka dʼojima ñw e̩wñ año̩laʼka, e̩wñ año̩la le̩ du abʼo̩ yo̩.

Matiu 18:33

I ño̩ dukpe̩ kʼe̩ li e̩ne̩ kʼuwe̩ kpʼowñ chʼadu le̩ ejumomi n? dabalu kʼomi li uwe̩ ejumomi n?

1 Jo̩n 3:14

Awa chema ka kʼa kwʼef uku le tef iñmi todabu kʼa afe̩do̩ amo̩maye. E̩ne̩ ki ma chʼe̩nufe̩do̩ n gugu ef uku ta.

1 Abo Ko̩rint 1:10

Oñ nagbo̩ko̩bʼume̩, amo̩maye, lef odu Ondu-wa Jisusi Kraisti, todu kʼo̩chaka-me̩ ki kʼomu okate, kʼudate̩ i ojoji ki we edʼef ume̩: ku me̩ la chʼe̩ñwo̩che rʼalukate te̩, kʼibe-me̩ ki chʼoka. Oñ alu kʼe̩wñ de̩ eju-me̩ ki ño̩ chʼoka ge̩.

E̩wñ kʼAme̩nukpuche̩ Che 4:32

Oñ e̩do̩ ugwe̩ko̩ amone̩ ku ma ke̩do̩no le̩ kpʼonugo-ma chʼoka; i la nʼe̩ne̩ kate kʼi ka kʼe̩wñ kʼi ne̩ chʼe-wñ o̩to̩to̩la-wñ n; e̩wñ du la chʼe-ma de̩de̩.

1 Pita 5:5

Abe̩le̩, ame̩, abimo̩to̩, me̩ ki fʼo̩la-me̩ kamuhite̩ ñw abogijo. O̩chaka-me̩, me̩ ki fʼe̩do̩ ehiwane̩ daku nyʼo̩la-me̩ ku me̩ che e̩wñ ñw omune̩; todabu kʼO̩jo̩ ako bʼabo ku ma hi o̩la-ma ne, i muda adu ufe̩de̩nyo̩ ñw abo ku ma hi o̩la-ma wane̩.

Abo Hibru 13:1

Eche̩do̩ o̩maye ki nado̩mo̩ alo waa.

2 Pita 1:7

kpai eche̩do̩ o̩maye mʼekpe̩do̩rʼO̩jo̩, kpai ufe̩do̩ mʼeche̩do̩ o̩maye.

1 Pita 2:17

Me̩ bʼumʼe̩ne̩ du. Me̩ fe̩do̩ amo̩maye. Me̩ railo O̩jo̩. Me̩ nabumʼOnu.

Eli Eko̩ DʼO̩jo̩ 103:13

Alu kʼata achejumomi amo̩ma-wñ, alu le̩ Jihofa achejumomi abo ku ma railo-wñ.

Jeme̩s 5:11

Me̩ go, a aka kʼabo ku ma fʼe̩do̩ lichi gbede: ame̩ la gbʼinabali e̩do̩ lichi e-Job me̩; me̩ laño̩ li ukpoji Ondu, kakini, Ondu nʼe̩do̩ ki achʼiwo̩ one̩ gbe̩, i ali ejumomi one̩.

Jeme̩s 2:13

Todu ajo̩ e̩ne̩ ki ma ali ejumomi one̩ n anʼejumomi eli ef uwñ n. Ejumomi muda abuba ñw ajo̩.

Abo Filipai 3:16

Alu du ki de̩, ugbo kʼa lewa tu, a ki nalule̩ tʼeju e-le̩ gbage̩de̩.

Abo Rom 15:5

O̩jo̩ e-e̩do̩-elichi kpai e-ugbe̩do̩ ki nadu ñwu me̩ kʼibe-me̩ ki chʼokate kpai omune̩ alu ku Kraisti Jisus neku;

E̩wñ kʼAme̩nukpuche̩ Che 28:7

Ame̩ru o̩wo̩ o̩mo̩ le̩ ane̩ uche̩ e̩nuto̩gba ala le̩ de̩, odu e̩ne̩ le̩ ko̩ Publius; i mʼuwa gba ru unyi-wñ ache̩-do̩ wa o̩jo̩ me̩ta.

E̩wñ kʼAme̩nukpuche̩ Che 27:3

O̩jo̩ñwa-wñ a lewa mʼane̩ Saido̩n; Julius la bʼo̩wo̩ lo̩ ñw Po̩l, i je̩ ñw u nyʼugbo amonuku-wñ ku ma dejutʼo̩.

E̩wñ kʼAme̩nukpuche̩ Che 2:1

Oñ abu kʼo̩jo̩ e̩kʼooje-wñ jo̩ o̩chaka-ma jʼugbo kate.

Ita, Ita 28:8

E̩ne̩ ki ache mʼane̩-wñ lugbo o̩ko̩ eta kpai ile eje̩, mak i ayajo̩ tod e̩ne̩ ki ali ame̩nu-bie̩ ejumomi.

Luku 10:33

Ama e̩ne̩ Samariaʼka, abu kʼi dʼej o̩na ule̩, i lewa ugbo kʼe̩ne̩ le̩ de̩; oñ abu kʼi fʼu li, ejumomi-wñ je̩ ñw u n.

Abo E̩fe̩sus 4:32

Me̩ ki la mud abo ku ma mo̩la ñw omune̩, e̩do̩-me̩ ki chʼafu, me̩ nache ufe̩de̩nyo̩ ñw o̩la-me̩ alu kʼO̩jo̩ che ufe̩de̩nyo̩ ñwu me̩ efu Kraisti.

Abo Filipai 2:3

me̩ ki che e̩wñ du lo̩na edane̩kpeju kpʼo̩na ojima owai etene n, ibe-me̩ ki muda chʼe̩hiwane̩, abo omune̩ ki tʼume̩ le eju e̩ne̩ne̩ne̩ne̩;