1 Pita 1:1 - O̩TAKADA O̩LA O̩JO̩ 1970

¹ Pita, e̩nukpuche̩ Jisusi Kraisti, tʼugbo amilowa ku ma che̩kpatuka jʼane̩ Po̩nto̩s kpai Galatia kpai Kapadosia kpai Esia kpai Be̩tunia.

1 Pita 1:1 ပူးပေါင်းရင်းမြစ်များ

Jeme̩s 1:1

Jeme̩s, adu O̩jo̩ kpʼe-Ondu Jisus Kraisti, tʼugbo abo̩lo̩pu me̩gweji ku ma chʼe̩kpatuka jo̩ le̩, Me̩ agba-oo!

Abo Hibru 11:13

Abo-i chaka leku lo̩na e̩do̩ ekono, abu kʼe̩wñ ku ma kʼo̩la-wñ tane̩ le̩ ma tʼuma o̩wo̩ n, ma muda li kwʼo̩najiji, ma laño̩ yo̩ ñw u, oñ ma gbalu ka kʼama chʼabononojo kpʼamilowa ane̩ ile̩.

Abo E̩fe̩sus 2:19

Todule̩ ame̩ ño̩ chʼononojo kpai ilowa fai ge̩ n, ame̩ kpai abo kiafo̩ le̩ la chʼamo̩mane̩, me̩ la chʼabo unyi O̩jo̩.

Eli Eko̩ DʼO̩jo̩ 44:11

Uwe̩ ko wa jo̩ dab ame̩wño̩re̩ egini ku ma kpaje̩, uwe̩ la fʼuwa fiatuka rʼef abo uche̩ichi me̩.

E̩wñ kʼAme̩nukpuche̩ Che 8:4

Todule̩ abo ku ma mukpatuka le̩ tale ajʼuche̩nyo̩ o̩lO̩jo̩.

Jo̩n 11:52

i la chʼutodu abuche̩ichi e-le̩ kate n, ama todu kʼi mʼamo̩ma O̩jo̩ ku ma kpa ma tuka ko wa jeju rʼokate.

Matiu 24:22

I la che̩wñ ku ma ma bʼo̩jo̩ le̩ wane̩ n, ma ma jadu o̩re̩la du n. Ama todu abo ku ma chi ma tane̩, ma abʼo̩jo̩ le̩ wane̩.

1 Pita 2:11

Ame̩nufe̩do̩, nagbo̩ko̩bʼume̩ ku me̩ hi ubi bʼe̩ño̩ e̩wñ o̩re̩la te̩ dabe̩ne̩ kʼame̩ chʼabononojo kpʼamilowa emi; owñ chʼe̩wñ kʼo̩re̩la achʼe̩ño̩-wñ ki akʼogu bʼonugo one̩.

E̩sta 3:8

Taka Heman ka ñw onu Ahasurus kakini, Amone̩ʼka do̩mo̩ ku ma chʼe̩kpatuka jo̩ ugbo tʼugbo du ef amone̩-i ojane̩ ojane̩ o̩fe̩-we̩ du; o̩lo̩da-ma chʼojoji ñw o̩lo̩da amone̩ du, ma la de o̩lo̩da onu-i n: todule̩ i dukpe̩ kʼonu aje̩ kpai ama n.

O̩lo̩da Eduwa Onukeji 28:64

Jihofa la afʼe̩ kpatuka rʼef amone̩ du, akwo ukpoji ile̩ o̩wo̩ʼka gbogbo tʼukpoji ile̩ o̩wo̩ ekeji; o̩mo̩ uwe̩ la ate̩ amo̩jo̩ omune̩ ku ma chʼoli kpʼokuta e-ku we̩ ma ma ma mama ta n, tʼuwe̩ tʼamata-we̩ ma ma n.

O̩lo̩da Eduwa Onukeji 4:27

Jihofa la akpa me̩ tuka rʼef amone̩ amone̩, tak ame̩ abo rere ef abo uche̩ichi uche̩ichi ugbo ki Jihofa ane̩ me̩ nyi.

2 Pita 1:1

Saimo̩n Pita, adu kpʼe̩nukpuche̩ Jisusi Kraisti, tʼugbo abo ku ma fʼe̩do̩ ekono kʼakoko-wñ chʼokujo̩ kpʼe-wa je̩ ef o̩kpakpa O̩jo̩ kpai E̩najadu-wa Jisusi Kraisti:

Abo E̩fe̩sus 2:12

kakini, Ame̩ jo̩ e-me̩ ojoji ñwu Kraist iko le̩, o̩wo̩-me̩ la dʼef e̩wñ ane̩ Israe̩l in, abu ku me̩ chʼononojo ugbo alo ku ma kpe̩ ugbo e̩wñ ku ma ko̩la-wñ tane̩ le̩, me̩ nʼukibeno n, me̩ nʼO̩jo̩ n, me̩ jo̩ ile̩-i ofofo.

2 Abo Ko̩rint 1:8

Amo̩maye i dʼuwa e̩do̩ kʼame̩ ki chʼugbodu-wñ n, owñ chʼugbo o̩bata kʼa li Esia, kak adu-wñ fʼuwa ka ololo, i tʼukpahiu-wa le, todabe̩le̩ a mema kʼa ñʼadeju ge̩ n.

E̩wñ kʼAme̩nukpuche̩ Che 18:2

tak abu kʼi fʼe̩ne̩Juʼka kʼodu-wñ ko̩ Akwila, kʼi chʼo̩lo̩pu Pontus kʼowñ kpai o̩ya-wñ Prisila ma kwo Itali wa kpo̩kpe̩ n li (todabu ki Klaudius dʼo̩da te̩ ka kʼamaju chaka ki kwo bo̩ Rom te̩); i lewa ugbo ma;

Izikie̩l 6:8

Omi muda atʼe̩bo̩bo̩ abo-me̩ no̩ ku me̩ deju. Owñ chʼabo ku ma fʼalu o̩kwo̩chageli o̩wo̩ ef abo uche̩ichi kʼame̩ ane̩, e̩gba ku me̩ la che̩kpatuka rʼojane̩ ojane̩ jo̩.

O̩la E̩bite 1:11

i kakini, E̩wñ kʼuwe̩ ali-i e̩ nako̩ nyʼo̩takada kʼe̩ dʼu kpuche̩ rʼujeju ujeju abudo̩ Ondu mebie le̩, owñ chʼE̩fe̩sus kpai Sme̩rna kpai Pe̩rgamo̩s kpai Tayataira kpai Sardis kpai Filade̩lfia kpai Leode̩sia.

2 Timoti 1:15

E̩ chema ka kʼabo du ku ma jʼEsia muna ubi bʼumi te̩ me̩; Faige̩lus kpai Hermagonis la jʼef uma.

Abo Galatia 1:2

Po̩l-i manyʼamo̩maye du ku ma jʼugbo mi tʼugbo ujeju ujeju abudo̩ Ondu ojane̩ Galatia.

1 Abo Ko̩rint 16:19

Ujeju ujeju abudo̩ Ondu e-Esia agwa me̩. Akwila kpai Priska manyʼujeju abudo̩ Ondu ki dʼef unyi-ma agwa me̩ nana ef Ondu.

E̩wñ kʼAme̩nukpuche̩ Che 19:10

E-le̩ che gbogbo o̩do̩ meji; todabe̩le̩ amone̩ du ku ma dodo Esia gbo̩ o̩la Ondu, tʼamaJu, tʼama-Grik.

E̩wñ kʼAme̩nukpuche̩ Che 18:23

Tak abu kʼi kpo̩kpe̩ o̩mo̩ pe̩ i kwʼo̩mo̩ le, oñ i lale gu ane̩ Galatia kpai Frigia du aro̩ne aro̩ne, i hi amako̩che̩ le̩ chaka e̩re̩ nyane̩.

E̩wñ kʼAme̩nukpuche̩ Che 6:9

Ama abo iche̩ka ef unyi ujeju ku ma do̩ kʼAbo Libe̩rta-ini kpʼabo Sairini kpʼabo Ale̩kisandria kpʼabo ku ma kwo Silisia kpai Esia kwane̩ ku ma bo̩ Stifan jiñwa.

Jo̩n 7:35

Todule̩ amaJu ka kpʼo̩la-ma kakini, Ugbo e̩ne̩-i ache kʼi nyi, kʼawa ma ali owñ n? i ache kʼi nyʼugbo abo ku ma fʼuma kpatuka rʼef amaGrik, kʼi ako̩ amaGrik e̩wñ?

Matiu 10:2

Odu ame̩nukpuche̩ me̩gweji le̩ la de̩: e-ejodudu ko̩ Saimo̩n ku ma do̩ ko̩ Pita, kpʼAnduru o̩maye-wñ; kpai Jeme̩s e-Ze̩be̩di kpai Jo̩n o̩maye-wñ;

Matiu 4:18

Oñ abu kʼi alule̩ etʼohimini Galili, i fʼamo̩maye meji li, Saimo̩n ku ma do̩ ko̩ iPita kpʼAnduru, o̩maye-wñ; ma jʼarʼiga ef ohimini; todu ma chʼamekwuji.

Abo Lifai 26:33

Nakpa me̩ tuka rʼef abo uche̩ichi, oñ u nawʼugbada atʼume̩ ubi; ane̩-me̩ la amud alache̩, oñ ewo ewo-me̩ achihi rinyo̩.

O̩lo̩da Eduwa Onukeji 32:26

U kakini, Nakpʼuma tuka rʼo̩najiji, i dʼumi e̩do̩ kʼu du urewa-ma kwo bʼef amone̩ te̩,

Luku 18:7

Oñ i ma nʼugbo du kʼO̩jo̩ anʼache̩ abo-wñ kʼi tutane̩ ku ma jʼakwadʼo̩ o̩ro̩ka kpai odu n? E̩do̩ i muda aje̩ ugbo ma le̩.