1 Jo̩n 4:11 - O̩TAKADA O̩LA O̩JO̩ 1970

¹¹ Ame̩nufe̩do̩, iche̩wñ kʼO̩jo̩ la fe̩do̩ wa abe̩le̩, mak i ño̩ dukpe̩ kʼawa ki fe̩do̩ omune̩.

1 Jo̩n 4:11 ပူးပေါင်းရင်းမြစ်များ

Abo Ko̩lo̩se 3:13

me̩ naje̩ kpai omune̩. Iche̩wñ kʼone̩ nʼe̩ro̩la kpʼe̩ne̩ du, me̩ ki chʼufe̩de̩nyo̩ kpai o̩la-me̩. Alu kʼOndu chʼufe̩de̩nyo̩ kpʼame̩, ame̩ ki ño̩ che abe̩le̩ ge̩.

Jo̩n 13:34

O̩la uko̩ tito̩ nadu ñwu me̩-i, todu ku me̩ ki fe̩do̩ omune̩; alu kʼu fe̩do̩ me̩ todu kʼame̩ ki ño̩ fe̩do̩ omune̩ abe̩le̩ ge̩.

1 Jo̩n 3:23

E̩wñ ki la chʼuko̩-wñ le̩ de̩, kakini, Todu kʼa ki ke̩do̩nʼodu O̩ma-wñ Jisus Kraist kʼa la afe̩do̩ omune̩, alu kʼi tʼuko̩ ñw a le̩.

Luku 10:37

Oñ i kakini, E̩ne̩ ki chʼejumomi ñw u le̩. Taku Jisus ka ñw u kakini, E̩ nalo kʼuwe̩ ki ño̩ che abe̩le̩ ge̩.

Abo E̩fe̩sus 4:31

Me̩ namʼo̩la ulukoko kpai uke̩do̩fulu kpai uwe̩do̩ du kpai ukwa kpai achakpabie̩ ko bʼo̩la-me̩ te̩, manyʼe̩wñ e̩bie̩ne̩ du.

1 Jo̩n 2:7

Ame̩nufe̩do̩, i chʼo̩la uko̩ etito̩ oñ nako̩ rʼume̩-i n, chai uko̩ igbele e-kʼame̩ ne̩ kwʼabakwane̩; e-igbele chʼo̩la kʼame̩ gbo̩ le̩.

1 Jo̩n 3:11

Todu e̩wñ ki chʼuche̩ kʼame̩ gbo̩ kwʼabakwane̩ le̩ de̩ kakini, Todu kʼawa ki fe̩do̩ omune̩,

1 Jo̩n 4:7

Ame̩nufe̩do̩, a ki fe̩do̩ omune̩; todabu kʼe̩te̩ ufe̩do̩ chʼO̩jo̩, e̩ne̩ du ki chʼe̩nufe̩do̩, O̩jo̩ chʼe̩te̩-wñ ku ma bi, i la chemʼO̩jo̩.

2 Jo̩n 1:5

Oñ fai o̩ko̩ nagba bʼuwe̩, Odu-mi onobule̩, i dabe̩ne̩ kʼuko̩ etito̩ ku ma te̩ oñ nako̩ rʼuwe̩-i n, chai e-kʼa ne̩ kwʼabakwane̩ le̩, todu kʼa ki fe̩do̩ omune̩.