1 Jo̩n 3:13 - O̩TAKADA O̩LA O̩JO̩ 1970

¹³ Iche̩wñ kʼile̩-i nʼulaka-me̩ ache i ki chʼaye ñwu me̩ n, amo̩maye.

1 Jo̩n 3:13 ပူးပေါင်းရင်းမြစ်များ

Jo̩n 17:14

Omi mʼo̩la-we̩ du ñwu ma me̩, ile̩ la chulaka ma, todabu kʼe̩te̩-ma ma chʼabo ile̩ n, dabalu kʼe̩te̩-mi ma chʼabo ile̩ n.

Luku 21:17

E̩ne̩ du la anʼulaka-me̩ ache tod odu-mi.

Jeme̩s 4:4

Ame̩ amajo̩ko̩! me̩ ma ka kʼonuku ile̩-i eche chʼe̩nebi O̩jo̩ eche n? Todule̩ e̩ne̩ du kʼi neku echʼonuku ile̩ mʼo̩la-wñ du chʼe̩nebi O̩jo̩.

2 Timoti 3:12

Ochochi ma achʼe̩ne̩ du kʼi dʼu e̩do̩ kʼi deju ache̩wñ akpe̩do̩rʼO̩jo̩ efu Kraist Jisus o̩bata.

Mark 13:13

Amone̩ du la achulaka me̩ todu odu-mi; e̩ne̩ ki muda afe̩do̩ lichii gbogbo wa tʼotitala, owñ le̩ ma ajadu.

Abo Rom 8:7

lef e-le̩ oñ ibe o̩re̩la chʼe̩nebi e̩wñ O̩jo̩; todu i chʼe̩kamuhite̩ ñw e̩wñ o̩loda O̩jo̩ n, i la neke che n;

Jo̩n 16:33

U ko̩la e̩wñ kide̩ ñwu me̩ todu kʼame̩ ki nʼure̩do̩ efu mi. Me̩ nʼo̩bata ef ile̩-i, ama me̩ fe̩do̩ ne̩, omi fʼile̩ du me̩.

Jo̩n 7:7

Abile̩ neke chulaka me̩ n; i muda achulaka mi, todabu kʼomi gbibenu o̩la-wñ kakini, Uko̩lo̩-wñ chʼuko̩lo̩ bibi.

Luku 6:22

Me̩ gbede, e̩gba kʼamone̩ achulaka me̩, kpai e̩gba ku ma fʼume̩ date̩ bʼo̩la-ma te̩ ku ma la kicha ñwu me̩, ku ma la dʼodu-me̩ tinyo̩ dabe̩ne̩ kʼe̩wñ bibi tod O̩ma One̩.

Matiu 24:9

E̩gba le̩ ma amʼume̩ ko jʼef o̩bata, ma la akpa me̩. Tak abo uche̩ichi du achʼulaka me̩ tod odu-mi.

Matiu 10:22

Amone̩ du la achulaka me̩ tod odu-mi; e̩ne̩ ki muda fʼe̩do̩ lichi nyʼukpoji, ma afʼu jadu.

Ako̩la ñw Ujeju 5:8

Iche̩wñ kʼe̩ li abu ku ma tʼame̩nu-kpa mane̩, kʼame̩nafuma mʼoii ajo̩ ochochi, kpʼo̩kpakpa ko bʼoj ane̩ʼka te̩, o̩la le̩ ki chʼe̩ awuwu n; todu e̩ne̩ ki dʼate̩ ñw abo ate̩ anyeti; abo ku ma jʼate̩ ñw ama do̩mo̩.

E̩wñ kʼAme̩nukpuche̩ Che 3:12

Oñ abu ki Pita li i dʼohi ñw amone̩ le̩ kakini, Aboke̩le̩ Israe̩l, e̩wñ chi ku me̩ yaye e̩wñ-i? e̩wñ chi ku me̩ la mʼeju-me̩ korʼawa dabe̩ne̩ ki chʼukpahiu e-wa, abe̩k e̩do̩ kʼawa kparʼO̩jo̩ oñ a ne̩ che kʼowñ alule̩-i?

Jo̩n 16:2

Ma ache ku me̩ kwef ujeju-ma tane̩, oñ auwa awa todu kʼe̩ne̩ du ki akpa me̩ ado̩ kʼe̩wñ ucholo oñ i adu ñw O̩jo̩,

Jo̩n 3:7

Uwe̩ ki we eyaye todabu kʼu ka ñw e̩ ka ki dukpe̩ ku ma bi me̩ etito̩ tila.

O̩la E̩bite 17:7

Tak onuche̩ le̩ ka ñw mi kakini, E̩wñ chi kʼe̩ yaye? Nakʼoji afili onobule̩ kpʼe-e̩la ki nʼoji mebie kpʼigba me̩gwa kʼi tanʼo le̩ ñw e̩.

Ita, Ita 29:27

E̩nuji la chʼe̩wñ ihie̩ne̩ ñw abokpa-kpa, ama e̩ne̩ ki ache e̩wñ teju-wñ ej o̩na le̩ la chʼe̩wñ ihie̩ne̩ ñw e̩ne̩bibi.