1 Jo̩n 2:8 - O̩TAKADA O̩LA O̩JO̩ 1970

⁸ Omune̩ ño̩ de̩: o̩la uko̩ etito̩ oñ nako̩ rʼume̩-i, owñ chʼe-kʼi chʼochochi ef uwñ kpʼef ume̩ ge̩; todabu kʼe̩chubi alale me̩, ugane̩ ogbolo la kwotejugede.

1 Jo̩n 2:8 ပူးပေါင်းရင်းမြစ်များ

Abo E̩fe̩sus 5:8

Todu ame̩ chʼe̩chubi e̩gba le̩, ame̩ muda chʼugane̩ ef Ondu fai me̩: me̩ natale dab amo̩ma ugane̩

Abo Rom 13:12

O̩jo̩ du kpo̩kpe̩ me̩; o̩jo̩ la me̩ eñwa; todule̩ awa ki mʼuko̩lo̩ e̩chubi gwojane̩, kʼa la mʼe̩wñ ido̩na ogu ugane̩ ko nyʼo̩la.

Jo̩n 13:34

O̩la uko̩ tito̩ nadu ñwu me̩-i, todu ku me̩ ki fe̩do̩ omune̩; alu kʼu fe̩do̩ me̩ todu kʼame̩ ki ño̩ fe̩do̩ omune̩ abe̩le̩ ge̩.

Jo̩n 8:12

Todule̩ Jisus ño̩ dabi ko̩la ñwu ma kakini, Omi chʼugane̩ ile̩; e̩ne̩ ki atʼumi ubi alule̩ ef e̩chubi n, i muda ane̩ ugane̩ e-iñmi.

Jo̩n 1:9

Ugane̩ e-ogbolo chʼe-ki agane̩ ñw e̩ne̩ du abu kʼi awʼile̩.

Jo̩n 12:46

Omi kʼu chʼugane̩, u lewa ef ile̩ me̩, todu kʼe̩ne̩ du ki ake̩do̩nʼomi ki we egugu ef e̩chubi.

1 Jo̩n 4:21

Uko̩ kʼa ne̩ kwʼugbo-wñ la de̩, todu kʼe̩ne̩ ki afe̩do̩ O̩jo̩ kʼi nafe̩do̩ o̩maye-wñ.

Malakai 4:2

Ama olu e-o̩kpakpa akwane̩ ñw ame̩ ku me̩ railo odu e-mi, o̩ga echekpa adʼ ika-wñ. Tak ame̩ adufu añwugu dab amo̩ma okuno̩ ku ma kwef unyi dufu.

1 Jo̩n 4:11

Ame̩nufe̩do̩, iche̩wñ kʼO̩jo̩ la fe̩do̩ wa abe̩le̩, mak i ño̩ dukpe̩ kʼawa ki fe̩do̩ omune̩.

2 Timoti 1:10

fai i la mʼu du tejugede lef ukwotejugede E̩najadu-wa Kraist Jisus kʼi fʼuku gbogili te̩ i laño̩ mʼiñmi kpʼewe eche̩, ejeji-wñ, ko wʼugbo ugane̩ lef Uche̩nyo̩;

2 Abo Ko̩rint 8:9

Todu ame̩ chema ufe̩de̩nyo̩ e-Ondu-wa Jisus Kraist, kakini, Abu kʼi chaka chʼanana, todu me̩ i mud e̩nale, todu kʼame̩ ki mud anana lef ale-wñ le̩.

E̩wñ kʼAme̩nukpuche̩ Che 26:18

kʼe̩ mʼuma eju chi kʼama ki rida kwef e̩chubi tef ugane̩ kpai kwef o̩da Setan tugbo O̩jo̩, ku ma gba utʼadure no̩ kpʼukpe̩ e̩wñ ogu ef abo ku ma fo̩ lugbo e̩do̩ ekono ki dʼef umi.

E̩wñ kʼAme̩nukpuche̩ Che 17:30

Todule̩ abu kʼO̩jo̩ fʼeju kpʼiko ugbodu kide̩ bo, fa-i i aka ñw amone̩ du ugbo du ku ma ribeda:

Luku 1:79

kʼi mane̩ ne̩ ñw abo ku ma gugu ef e̩chubi kpai ef ebo uku; kʼi je̩ ñw e̩re̩-wa hitʼo̩na ure̩do̩.

Eli Eko̩ DʼO̩jo̩ 36:9

Todu ugbo-we̩ oñ e̩bi omi iñmi de̩; ef ugane̩-we̩ tak a anʼugane̩.

Eli Eko̩ DʼO̩jo̩ 27:1

Jihofa chʼugane̩-mi kpai ujadu-mi; e̩ne̩ oñ omi arailo-wñ? Jihofa chʼaku iñmi-mi; e̩ne̩ abʼumi ailo?

Jo̩n 12:35

Todule̩ Jisus ka ñwu ma kakini, Ugane̩ le̩ ade̩ ef ume̩ pe̩ ta. Me̩ ki tale abu ku me̩ chene̩ ugane̩ le̩, todu kʼe̩chubi ki we ebʼume̩ ma; e̩ne̩ ki tale ef e̩chubi ama ugbo kʼi anyi n.

Matiu 4:16

amone̩ du ku ma te̩te̩ gugu ef e̩chubi le̩ fʼugane̩ lile li me̩; ugane̩ la mutadufu ñw abo ku ma te̩te̩gugu oj ane̩ uku kpʼef e̩bo-wñ.

Aizaya 9:2

Amone̩ ku ma te̩talule̩ ef e̩chubi le̩ fʼugane̩ lile li me̩; abo ku ma dodo ane̩ ojiji uku, ugane̩ muta bʼuma ma me̩.

Eli Eko̩ DʼO̩jo̩ 84:11

Todu Jihofa O̩jo̩ chʼolu kpai ikpa-ko; Jihofa adʼufe̩de̩nyo̩ kpai ojima wa. I la nʼe̩wñ e̩nyo̩ du kʼi ado̩wo̩mo̩ ñw abo ku ma lule̩ tʼo̩kpakpa n.

1 Pita 1:21

ku me̩ ke̩do̩nʼO̩jo̩ lefuwñ. Owñ chʼO̩jo̩ kʼi dʼowñ kwane̩ kwef abo ki ku, kʼi laño̩ mʼojima du ñw u, todu kʼuke̩do̩no-me̩ kpʼukibeno-me̩ ki chʼO̩jo̩.

1 Jo̩n 3:23

E̩wñ ki la chʼuko̩-wñ le̩ de̩, kakini, Todu kʼa ki ke̩do̩nʼodu O̩ma-wñ Jisus Kraist kʼa la afe̩do̩ omune̩, alu kʼi tʼuko̩ ñw a le̩.