1 Jo̩n 1:3 - O̩TAKADA O̩LA O̩JO̩ 1970

³ e̩wñ kʼa fuli, kʼa la gbo̩, a ño̩ du ka ñwu me̩, todu kʼame̩ ki ño̩ nʼuta eta kpʼawa; oñ a nʼuta-wa ala kpʼAta kpʼO̩ma-wñ Jisus Kraisti.

1 Jo̩n 1:3 ပူးပေါင်းရင်းမြစ်များ

1 Abo Ko̩rint 1:9

O̩jo̩ chʼachubi one̩, lef uwñ ma fʼume̩ do̩ tef uta e-O̩ma-wñ Jisusi Kraist Ondu-wa, eta.

Jo̩n 17:3

E̩wñ ki la chʼiñmi ogbegbele̩ le̩ de̩, todu kʼama ki mʼuwe̩ kʼuwe̩ kate chʼO̩jo̩ ogbolo, kpʼe̩ne̩ kʼe̩ kpe̩ wa le̩—owñ che Jisus Kraist.

E̩wñ kʼAme̩nukpuche̩ Che 4:20

todu e̩wñ kʼa li kpʼe̩wñ kʼa gbo̩ a neke we eka n.

Jo̩n 17:21

todu kʼo̩chaka-ma ki chʼoka, alu kʼuwe̩, Ata, dʼef umi, kʼomi la dʼef uwe̩, todu kʼama ki jʼef uwa abe̩le̩, todu kʼabile̩ ki ke̩do̩no ka kʼuwe̩ kpe̩ mi wa.

Abo Filipai 2:1

Todule̩ iche̩wñ kʼi nʼugbe̩do̩ ki dʼefu Kraist, iche̩wñ kʼi nʼenyʼone̩ e̩do̩ e-ufe̩do̩, iche̩wñ ki nʼuta eta e̩-Afu, iche̩wñ kʼi nʼe̩do̩ ki achʼiwo̩ one̩ kpai ejumomi,

2 Abo Ko̩rint 13:14

Ufe̩de̩nyo̩ Ondu Jisusi Kraisti, kpʼufe̩do̩ O̩jo̩ kpʼuta Afu Kiafo̩ ki dʼugbo me̩ chaka.

1 Jo̩n 1:7

iche̩wñ kʼa muda tale ef ugane̩, alu kʼowñ def ugane̩, mak a nʼuta ata kpʼomune̩, oñ e̩bie̩ Jisus O̩ma-wñ nʼawa agwe̩ hiolo bʼadure du te̩.

1 Jo̩n 1:1

E̩wñ ki do̩mo̩ kwʼabakwane̩, e̩wñ kʼa gbo̩, e̩wñ kʼa nʼeju-wa li, e̩wñ kʼa go, kʼo̩wo̩-wa la kadʼo ugbo o̩la e-iñmi le̩ de̩.

Abo Hibru 3:14

Todu awa mud abo ku ma mananyu Kraisti me̩, iche̩wñ kʼa mʼuchane̩ o̩kpaka e̩do̩-wa le̩ ne̩ gaga gbogbo wʼukpoji,

Abo Filipai 3:10

kʼu fʼowñ kpai ukpahiu udajikwane̩-wñ ma kʼu tuta kpʼowñ ef uwa-wñ kʼu de̩ alu ki dukpe̩ kʼu de̩ ñw uku-wñ alo waa;

1 Pita 5:1

Todule̩, omi kʼu chʼe̩nogijo kpai ama kpai e̩ne̩ ki ño̩ gbibenu uwa e-ku Kraisti li kʼu laño̩ chʼe̩ne̩ ki atuta ef ojima e-ku ma che ku ma bite̩ le̩ nadʼugbe̩do̩ ñw abogijo ku ma jʼef ume̩ le̩ kakini;

Abo Hibru 3:1

Todule̩, amo̩maye kiafo̩, kʼame̩ mananyʼudo̩ e-efojale, me̩ nadibetʼe̩nukpuche̩ kpʼagboji amatama e-ugbalu kʼa gbalu-wñ le̩, owñ che Jisus;

Abo Ko̩lo̩se 1:13

Owñ le̩ mʼuwa gba kwef o̩da e̩chubi, oñ i mʼuwa ko rʼef ojane̩ e-O̩ma ufe̩do̩-wñ;

E̩wñ kʼAme̩nukpuche̩ Che 20:27

todu u dʼo̩wo̩ mʼuneku O̩jo̩ du kʼu we eduka ñw me̩ n.

1 Jo̩n 1:5

E-i la chʼuche̩ kʼa gbo̩ ugbo-wñ, oñ a adʼinabali-wñ ñwu me̩ kakini, O̩jo̩ chʼugane̩, e̩chubi la dʼef uwñ kili-kili n.

Abo Hibru 2:12

i kakini, Nadʼodu-we̩ ka ñw amo̩maye-mi, alumeji ujeju nakeli we̩.

1 Timoti 6:2

Oñ abo kʼodu-ma ake̩do̩nʼo, ama ki kerʼuma ukpe̩ ku ma chʼamo̩maye n; ama ma nachuko̩lo̩ adu ñwu ma tule, ukpe̩ kʼabo ku ma gba uko̩lo̩ e̩nyo̩ le̩ chʼame̩nuke̩do̩no kpai abo ufe̩do̩. E̩wñ-i e̩ nako̩ ma, e̩ nadugbe̩do̩ ñwu ma ku ma che.

Abo Filipai 1:7

I chʼo̩kpakpa ñw omi kʼu nibe abe̩le̩ todu me̩ chaka, todu ene̩ kʼu ne̩ me̩ ef e̩do̩-mi, abu kʼo̩chaka me̩ jʼabʼumi tuta ef ufe̩de̩nyo̩-mi ef eji ku ma ji mi-i, kpai ef ohi kʼu nadu, kpai ef Uche̩nyo̩ elonyane̩.

Abo E̩fe̩sus 3:6

O̩wñ chʼeka kʼabo uche̩ichi kpai amaju chʼabo kʼama de̩de̩ aje̩ e̩wñ ogu le̩, ama de̩de̩ la chʼaño̩laʼka, ama de̩de̩ la ñʼadama nyʼe̩wñ ku ma ko̩la-wñ tane̩ le̩ efu Kraist Jisus lef Uche̩nyo̩,

1 Abo Ko̩rint 1:30

Owñ la chʼe̩te̩-me̩ efu Kraisti Jisusi kʼi mud ofili ñw wa kwugbo O̩jo̩, tʼo̩kpakpa tʼefo̩, tʼula-one̩-tane̩:

1 Te̩s 1:10

ku me̩ la gugu anode O̩ma-wñ kʼi akwʼefojale wa, owñ chʼe-kʼi dʼu kwane̩ kwef abo ki ku, owñ che Jisus kʼi agba wa bʼuwe̩do̩ ki awa te̩.

1 Abo Ko̩rint 15:1

Oñ naje̩ ñw me̩ ma, amo̩maye, ka kʼuche̩nyo̩ e-kʼu je̩ ru me̩ le̩, e-ku me̩ ño̩ mugba le̩, e-ku me̩ la dago ef uwñ le̩,

Abo Rom 15:27

Todu erʼuma e̩do̩ i rʼuma e̩do̩, ame̩no̩me̩-ma ma la che. Todu iche̩wñ kʼabo uche̩ichi tuta kpai ama ef e̩wñ e-afu, mak ama le̩ la nʼuma o̩me̩ ku ma chʼabune̩-ma ef e̩wñ o̩re̩la.

E̩wñ kʼAme̩nukpuche̩ Che 13:41

Me̩ go, ame̩ amakerʼone̩, ku me̩ yaye, ku me̩ lenyo̩ pioo̩; todu nache uko̩lo̩ʼka iko e-me̩, uko̩lo̩ ki ma nʼugbo du kʼame̩ ado̩rʼochochi n, dagba one̩ ki choli ñw me̩ okoke.

E̩wñ kʼAme̩nukpuche̩ Che 13:32

Oñ a ajuche̩nyo̩ e̩wñ ku ma katane̩ ñw amo̩ra-wa rʼume̩-i, kakini,

E̩wñ kʼAme̩nukpuche̩ Che 2:42

Oñ ma jʼakute̩ uko̩-o̩la ame̩nukpuche̩ kpai uta-ma eta kpai akala ebu kpai adua eche.

Jo̩n 17:25

Ata o̩kpakpa, ile̩ la mʼuwe̩ n, omi la mʼuwe̩, tak abo-i ma ka kʼuwe̩ kpe̩ mi wa.

Jo̩n 17:11

U la dʼef ile̩ fa-i ge̩ n, ama le̩ la jʼef ile̩, oñ omi awʼugbo we̩. Ata Kiafo̩, dejute̩ abo kʼe̩ ko ñwu mi ef odu-we̩, todu ku ma ki chʼoka, alu kʼawa la de̩.

Eli Eko̩ DʼO̩jo̩ 22:22

Alu kʼodu-we̩ de̩ nacholi jane̩ ñw amo̩maye-mi; naje̩nyu ñw e̩ alumeji ujeju:

Aizaya 66:19

tak u nadʼujiwe dago efu-ma. Oñ nakʼabo-ma ku ma fʼo̩wo̩ tane̩ kpuche̩ rʼabo uche̩ichi, nyi Tarshish kpai Pul kpai Lud ku ma tʼo̩fa, kpai Tubal kpai Jafan, tʼugbo ala ala ki jʼo̩najiji, kʼama ma gbʼuwohi-mi n, ku ma ma la li ojima-mi n; tak abo le̩ adʼojima-mi ka dufu ef abo uche̩ichi.

Eli Eko̩ DʼO̩jo̩ 2:7

Alu kʼuhio̩me̩-wñ de̩, naka dufu: Jihofa ka ñw mi kakini, Uwe̩ chʼo̩ma-mi, omi fʼuwe̩ bi eñini-i.

Jo̩n 19:35

E̩ne̩ ki la li mʼibenu-wñ gba me̩, ibenu-wñ kʼi gba le̩ la chʼogbolo, e̩ne̩ le̩ ño̩ chema ka kʼochochi i aka-i, todu kʼame̩ ki ño̩ ke̩do̩no ge̩.

2 Pita 1:16

Todu i chʼalo̩ ku ma nʼibe elo̩ oñ a tʼo̩ ubi tak a je̩ ñwu me̩ ma ukpahiu kpai ewa e-Ondu-wa Jisusi Kraisti n, ama awa onugo la mud abo kʼeju-wa li e̩gahi-wñ.

Ekaluka 10:32

I la che̩wñ kʼe̩ lebʼuwa, ochochi, e̩nyo̩ du ku Jihofa ache ñw a, o-le̩ a ache ñw e̩.

Job 13:1

Go, eju-mi fʼe̩wñ-i du li me̩, eti-mi gbo̩, oñ i fʼoji-wñ ma.