1 Amonu 8:64 - O̩TAKADA O̩LA O̩JO̩ 1970

⁶⁴ O̩jo̩ le̩ gbage̩de̩ onu fʼalumeji ologbo kʼi dʼo̩gba unyi Jihofa le̩ che kʼi fo̩; todu o̩mo̩ oñ i kʼiche̩bo̩ e̩gujo wa che kpai e̩wñ ele, kpai ula e̩wñ iche̩bo̩ ure̩do̩, todabu kʼubo̩ iche̩bo̩ ku ma nʼebijeikpa che e-ki dʼo̩gba Jihofa le̩ nyarʼe̩wñ iche̩bo̩ e̩gujo, kpai e̩wñ ele, kpai ula iche̩bo̩ ure̩do̩ e̩gba.

1 Amonu 8:64 ပူးပေါင်းရင်းမြစ်များ

2 Iko Iko E̩wn 4:1

Ubile̩ i fʼubo̩ iche̩bo̩ ebije ikpa che, ujiji-wñ chʼohiba ogu, unabe̩-wñ la chʼohiba o̩gu, oñ o̩gba-wñ chʼohiba me̩gwa.

2 Iko Iko E̩wn 7:7

So̩lo̩mo̩n la fʼalumeji ologbo kʼi dʼo̩gba unyi Jihofa che ki fo̩; todu o̩mo̩ i kʼe̩wñ iche̩bo̩ e̩gujo kpʼula iche̩bo̩ ure̩do̩ wa che, todu kʼubo̩ iche̩bo̩ ebije ikpa ki So̩lo̩mo̩n che le̩ ma bʼe̩wñ iche̩bo̩ e̩gujo kpʼe̩wñ ele kpʼula le̩ jo̩ kʼi agba n.

Akwodufu 36:7

Todu e̩wñ ku ma ne̩ bʼuko̩lo̩ le̩ jo̩ kwubo̩.

Abo Lifai 3:9

Tak i adu kwef e̩wñ iche̩bo̩ e-ure̩do̩ le̩ wa ñwu Jihofa lugbo una, owñ chʼula-wñ, kpai odukulu otihi-wñ ki chʼula le̩, i abʼu ugbo o̩gbo̩lo̩ ubi-wñ kpakpa kpai aya ki bʼifi-wñ ma kpai ula du ki bʼifi-wñ ma,

Izikie̩l 45:17

Oñ i adukpe̩ kʼidachi le̩ ki kʼe̩wñ iche̩bo̩ e̩gujo, kpʼe̩wñ ele, kpʼe̩wñ iche̩bo̩ omi wa, ef uje̩wñ uyo̩-ma, kpʼiko ochu etito̩, kpʼo̩jo̩ uñmi o̩jo̩ uñmi, kpʼe̩gba kʼiko du kʼo̩jo̩ uje̩wñ ku ma date̩ ñw abo unyi Israe̩l jo̩; owñ le̩ añwʼe̩wñ iche̩bo̩ adure kpʼe̩wñ ele kpʼe̩wñ iche̩bo̩ e̩gujo kpʼe̩wñ iche̩bo̩ ure̩do̩ che, kʼi che e̩wñ e̩boma tod abo unyi Israe̩l.