1 Amonu 8:1 - O̩TAKADA O̩LA O̩JO̩ 1970

¹ Taku So̩lo̩mo̩n kʼabogijo Israe̩l kpai amuto̩gba o̩lo̩pu, o̩lo̩pu, owñ chʼamidachi ef amata amo̩ma Israe̩l, jeju ugbo So̩lo̩mo̩n onu. Je̩rusale̩m, kʼama ki dʼakpati alo Jihofa kwef ewo Defid, Zayo̩n, wa.

1 Amonu 8:1 ပူးပေါင်းရင်းမြစ်များ

1 Iko Iko E̩wñ 15:25

Abe̩le̩ Defid kpʼabogijo Israe̩l kpʼamagboji one̩ icham nyʼo̩gwo̩ko̩, icham nyʼo̩gwo̩ko̩, nyʼadʼakpati alo Jihofa kwef unyi Obe̩d-ido̩m te̩gu wa kpʼuyo̩.

1 Pita 2:6

Todu i dʼef O̩takada O̩la O̩jo̩ kakini, Go, nadʼokuta kʼu chi kʼi chʼakoko chʼunyane̩ alo efu Zayo̩n. I la anʼugbo du kʼanyo̩ amu ake̩do̩nʼowñ n.

Aizaya 46:13

nadʼo̩kpakpa e-mi wa me̩rʼanane̩, i ñʼadʼo̩najiji ge̩ n, ujadu-mi la ache̩du n; nadʼujadu te̩ efu Zayo̩n, todu Israe̩l ojima-mi.

Aizaya 28:16

todule̩ abu kʼOndu Jihofa aka de̩ kakini, Go, omi adʼokuta chʼe̩re̩ unyi efu Zayo̩n, ma fʼokuta le̩ ñwago me̩, i chʼokuta akoko, kʼi chʼudane̩ alo unyi kʼe̩re̩-wñ chʼo̩kpaka; e̩ne̩ ki dʼo̩ rʼochochi anaju n.

Eli Eko̩ DʼO̩jo̩ 102:21

ku ma dʼodu Jihofa kpogo efu Zayo̩n, kpai uwohi-wñ efu Je̩rusale̩m,

Eli Eko̩ DʼO̩jo̩ 9:11

Me̩ ki keli do̩ Jihofa ki dodo Zayo̩n! Dʼe̩wñ kʼi che kpogo ñw amone̩ du!

E̩zra 3:1

Tak e̩gba kʼochu ekebie jo̩, kʼabo Israe̩l la jo̩ ewo ewo amone̩ le̩ kʼo̩-la ma wa jeju Je̩rusale̩m ugboʼkate.

2 Iko Iko E̩wn 30:1

Taku He̩ze̩kaya fʼuche̩ kpe̩rʼabo Israe̩l kpʼabo Juda chaka; i ño̩ fʼo̩takada ko̩rʼabo Ifraim kpai Manasa, kʼama ki wʼunyi Jihofa Je̩rusale̩m ku ma fʼElaloji de ñwu Jihofa, O̩jo̩ e-Israe̩l.

1 Iko Iko E̩wñ 28:1

Taku Defid kʼamagboji Israe̩l chaka wa jeju Je̩rusale̩m owñ chʼamagboji o̩lo̩pu o̩lo̩pu-ma kpʼamagboji ukpe̩ru ukperu amone̩ ku ma che e̩wñ ñw onu kpʼamagboji one̩ icham nyʼo̩gwo̩ko̩, icham nyʼo̩gwo̩ko̩, kpʼamagboji one̩ ogume̩lu, ogume̩lu, kpʼabo ku ma nʼo̩da ane̩ kpʼame̩wñ ukpa kʼonu kpʼamo̩ma-wñ ne̩, manyʼamonoji kpʼamagbiti kpʼame̩nuwohi chaka.

1 Iko Iko E̩wñ 15:29

Oñ i lewatu, abu kʼakpati alo Jihofa lewa ewo Defid, Maikal, o̩ma So̩l le̩, nyʼope go, oñ i li abu ku Defid, ki chʼonu, do̩mo̩ atido, kʼi achiya, oñ i chʼe̩de̩te̩-wñ ef e̩do̩-wñ.

1 Iko Iko E̩wñ 15:3

Taku Defid kʼabo Israe̩l du wa jeju Je̩rusale̩m, ku ma dʼakpati Jihofa te̩gu wa uña-wñ e-kʼi ñwo̩che tane̩ ñw u.

1 Iko Iko E̩wñ 11:7

Taku Defid kwododo ef aku le̩; todule̩ oñ ma dʼodu-wñ ko̩ Ewo Defidi.

1 Amonu 3:15

Taku So̩lo̩mo̩n mʼolu ji; e̩ la go, o̩na ena i che: oñ i lewa Je̩rusale̩m, i la kwodago o̩gba akpati alo e-Jihofa, oñ i kʼe̩wñ iche̩bo̩ e̩gujo wache, kpʼe̩wñ iche̩bo̩ ure̩do̩, oñ i fʼo̩je̩ uyo̩ hi ñw abuko̩lo̩-wñ chaka.

2 Samiue̩l 6:6

Tak e̩gba ku ma lewa oj ajita ugbo ku Nakon agwʼo̩ka-wñ, Ura fʼo̩wo̩ nadala kadʼakpati O̩jo̩, oñ i gwo̩nyʼu, todu e̩re̩ amokuno̩ kʼe̩wñʼka e̩me̩.

Jo̩shua 24:1

Taku Jo̩shua fʼabo o̩lo̩pu Israe̩l chaka do̩ wa jeju She̩ke̩m, oñ i fʼabogijo Israe̩l kpai abo ku ma dʼoji dufu efu ma kpai amakajo̩-ma kpai amako̩takada-ma chaka do̩ wa; tak ama le̩ kʼo̩la-ma wajo̩ o̩gba O̩jo̩.

Jo̩shua 23:2

Jo̩shua fʼabo Israe̩l chaka do̩ wa, abogijo-ma kpai abo ku ma dʼoji dufu efu-ma kpai amakajo̩-ma kpai amako̩takada-ma, oñ i ka ñwu ma kakini, Omi chʼogijo, u kwojolugbo nana me̩;

Ekaluka 1:4

Oñ e̩ne̩ʼka e̩ne̩ʼka kʼi kwʼef o̩lo̩pu o̩lo̩pu du amanyʼuwe̩; e̩ne̩ne̩ne̩ne̩ abo le̩ achʼuto̩gba unyi amata-wñ.

1 Amonu 2:10

Oñ Defid cholu manyʼamata-wñ. Ma la mʼu du ji ewo Defid.