1 Amonu 7:48 - O̩TAKADA O̩LA O̩JO̩ 1970

⁴⁸ So̩lo̩mo̩n la fʼe̩wñ eku du ki jʼef unyi Jihofa le̩ che: ubo̩ iche̩bo̩ o̩jamalia le̩, kpʼitebulu ku ma kʼakala eju jʼoji-wñ, o̩jamalia abʼe-le̩ che;

1 Amonu 7:48 ပူးပေါင်းရင်းမြစ်များ

2 Iko Iko E̩wn 4:8

I ño̩ fʼitebulu me̩gwa che ge̩, oñ i mʼu ko jʼef unyi O̩jo̩. E̩lu-wñ jʼo̩wo̩ awo̩to̩, e̩lu-wñ la jʼo̩wo̩ awohi. Tak i nʼo̩jamalia fʼochibu ogu me̩lu che.

Akwodufu 39:36

itebulu-wñ kpai e̩wñ eku-wñ chaka kpai akala e-eju le̩,

1 Abo Ko̩rint 10:21

Ame̩ neke ñmo̩ ago Ondu kpʼago amebili n; me̩ la neke mana nyʼe̩wñ oj itebulu Ondu kpʼe̩wñ oj itebulu amebili n.

Malakai 1:12

Ame̩ muda adʼo̩ ji, owñ chʼabu ku me̩ kakini, itebulu Jihofa mudaji me̩, e̩ro e̩wñ ki jʼoji-wñ, owñ chʼuje̩wñ-wñ, chʼe̩wñ ide̩te̩.

Izikie̩l 44:16

Ama agudu wʼef uña-mi kiafo̩, ama la ate̩me̩rʼitebulu-mi ku ma che e̩wñ ñwu mi; ama le̩ la ade e̩wñ kʼu ñwañwu ma.

Izikie̩l 41:22

ubo̩ iche̩bo̩ ku ma nʼoli che; o̩gba-wñ chʼohibo̩wo̩ me̩ta, ujiji-wñ chʼohibo̩wo̩ meji; alo-wñ kpʼo̩wo̩ ujiji-wñ kpʼo̩do̩-wñ chʼoli. Tak i ka ñwu mi kakini, Itebulu ki dʼo̩gba Jihofa le̩ de̩.

Izikie̩l 40:42

Itebulu me̩le̩ ku ma nʼokuta ku ma da che chʼutodu e̩wñ iche̩bo̩ e̩gujo, ujiji-wñ chʼo̩hibo̩wo̩ʼka nyʼe̩kpe̩-reji, unabe̩-wñ la chʼohibo̩wo̩ʼka nyʼe̩kpe̩reji, o̩gba-wñ la chʼohibo̩wo̩ʼka; o̩mo̩ ma kʼe̩wñ eku ku ma ne̩ kpa e̩wñ iche̩bo̩ e̩gujo kpʼe̩wñ iche̩bo̩ du jo̩.

Izikie̩l 40:39

Oñ ef agbaru alaku le̩ itebulu meji jo̩ ejemi, itebulu meji laño̩ jʼejano̩mo̩, ku ma fʼe̩wñ iche̩bo̩ e̩gujo kpʼe̩wñ iche̩bo̩ adure kpʼe̩wñiche̩bo̩abi kwu oji-wñ.

2 Iko Iko E̩wn 4:19

So̩lo̩mo̩n la nʼo̩jamalia hiolo che e̩wñ eku du ki jʼef unyi O̩jo̩, kpʼubo̩ o̩jamalia le̩ ge̩, kpʼitebulu itebulu kʼakala e-eju le̩ jʼoji-wñ;

Akwodufu 40:26

Oñ i mʼubo̩ iche̩bo̩ e-o̩jamalia du tef unyabo ujeju o̩gba ukpo ugbeju le̩,

Akwodufu 39:38

kpai ubo̩ iche̩bo̩ e-o̩jamalia kpai ekpo ku ma du batʼo̩la kpai otulale ku ma gujo ki akpo kpai ukpo uro̩na tod alo̩na unyabo le̩;

Matiu 12:4

Abu kʼi mugudu tef unyi O̩jo̩ kʼi la mʼakala ku ma ko te̩ jʼo̩mo̩ ko je̩; o̩da la je̩ ñw u kpʼabo ku ma jʼugbo-wñ je̩ n, chai amatama kate.

2 Amonu 12:13

Ma muda nʼo̩ko̩ ku ma ko wʼef unyi Jihofa le̩ che ago ajifa n kpʼe̩wñ ku ma ne̩ kpʼuna lu kpʼochibu kpʼo̩kakachi kpʼe̩wñ eku o̩jamalia du, abe̩k e̩wñ eku ajifa n;

2 Amonu 24:13

Tak i mʼe̩wñ akoko unyi Jihofa chaka, kpai e̩wñ unyi onu ko kwʼo̩mo̩, oñ i fʼe̩wñ eku ku ma nʼo̩jamalia che ko̩da rinyo̩ pe̩le̩pe̩le̩, owñ chʼe-ku So̩lo̩mo̩n onu Israe̩l che ef unyi Jihofa, alu ki Jihofa ka le̩.

2 Amonu 25:15

Kpai aido-wñ kpai o̩chibu-wñ, e-du ki chʼo̩jamalia, ma mʼo̩jamalia-wñ ko, e-du kʼi chʼajifa, ma mʼajifa-wñ ko, agboji abide le̩ mʼe-le̩ ko le.

Job 28:1

I chenʼura ku ma gwa kʼajifa jʼefu-wñ chuu, i la chenʼugbo ku ma gwe̩ o̩jamalia.