1 Amonu 7:14 - O̩TAKADA O̩LA O̩JO̩ 1970

¹⁴ Owñ chʼo̩ma o̩yaukuo̩ko̩ kʼi chʼabo o̩lo̩pu Naftali, ata-wñ la chʼe̩ne̩ Taya, e̩ne̩ ki ache uko̩lo̩ ebijeikpa i che; ibe kpai oji e̩wñ ema kpai o̩ka uko̩lo̩ eche chʼe̩kʼefu-wñ, i ache uko̩lo̩ du ku ma nʼebijeikpa che. Oñ e̩ne̩ le̩ lewa ugbo So̩lo̩mo̩n onu, i la fʼuko̩lo̩-wñ che chaka.

1 Amonu 7:14 ပူးပေါင်းရင်းမြစ်များ

2 Iko Iko E̩wn 4:16

kpʼucha ucha-wñ kpʼuko̩che̩-wñ, kpʼuko̩-wñ ku ma ko ta tʼe̩la, kpʼe̩wñ eku-wñ chaka, e-le̩ du Huram Abi nʼebije ikpa ki ade̩ che todu So̩lo̩mo̩n onu kpai todu unyi Jihofa.

2 Iko Iko E̩wn 2:14

Owñ chʼo̩ma onobule̩ ki dʼef amo̩ma Dan, ata-wñ la chʼabo Taya ki chʼo̩ka uko̩lo̩ o̩jamalia kpʼajifa kpʼebijeikpa kpʼebije dudu kpʼokuta kpʼoli kpʼodufa ekpikpa kpʼodufa kpʼukpo line̩n ku ma hi reju kpʼekpikpa kʼi laño̩ chʼo̩ka ina ojoji ojoji eko̩ nyʼe̩wñ kʼi ache teju alu du ku ma ñʼo̩ manyʼamo̩ka e-we̩, kpai manyʼamo̩ka odu-mi Defid, ata-we̩.

Aizaya 28:26

Todu O̩jo̩-wñ akʼo̩ tʼo̩kpakpa, i la adʼibe ñw u.

2 Iko Iko E̩wn 4:11

Oñ Huram fʼucha kpʼuko̩che̩ kpʼo̩chibu-wñ che. Abe̩le̩ Huram fʼuko̩lo̩ kʼi ache ñwu So̩lo̩mo̩n, onu, ef unyi O̩jo̩ le̩ kpoji.

Akwodufu 36:8

Oñ aboke̩le̩ du ku ma nʼofili ef e̩do̩ chaka ku ma jʼef abo ku ma che uko̩lo̩ le̩ kʼibali ukpo me̩gwa ta che uña ugugu le̩; ukpo-wñ che line̩n ku ma hi reju kʼowu-wñ chʼe̩da bie̩, kʼi chʼodufa kpai odufa ekpikpa kpai ekpikpa; ma famiche̩rub chenyʼu e̩te̩le̩.

Akwodufu 35:30

Taku Mose̩s ka ñw amo̩ma Israe̩l kakini, Me̩ go, Jihofa la dʼodu Be̩zale̩l, o̩ma Uri, ki chʼo̩ma He̩r kʼi chʼabo o̩lo̩pu Juda;

Akwodufu 28:3

Uwe̩ ki ka ñw abo du ku ma nʼibe efu, e-kʼomi mʼafu e-ibe du tʼuma efu e̩ko̩, kʼama ki fʼe̩wñ o̩la Aro̩n ga, ku ma je̩ ñw u ki nafo̩, todu kʼi chʼatama kʼi ache e̩wñ ñwu mi.

Akwodufu 35:31

i la je̩ ñw u chʼe̩ko̩ ñw Afu O̩jo̩, ef ibe kpai oji e̩wñ ema kpai e̩wñ ema kpai uko̩lo̩ o̩wo̩ ojoji ojoji du eche,

Akwodufu 35:35

I je̩ ñw ibe chʼe̩ko̩ ef e̩do̩-ma ku ma chʼuko̩lo̩ o̩wo̩ ojoji ojoji du, uko̩lo̩ alo̩ egwu kpai o̩ka uko̩lo̩ kpai e̩ne̩ ki achiya nyʼukpo odufa kpai odufa ekpikpa kpai ekpikpa kpai e-line̩n ku ma hi reju, kpai e̩ne̩ kʼi ahi ukpo—owñ chʼabo ku ma chʼuko̩lo̩ du, kpai abo ku ma ñw ibe ina e̩te̩le̩ eko̩ nyʼe̩wñ.

Akwodufu 36:1

Taku Be̩zale̩l kpai Oholiab kpai e̩ne̩ du ki nʼofili efu, owñ chʼe̩ne̩ ku Jihofa mʼibe kpai oji e̩wñ ema du tʼowñ efu kʼi meju uko̩lo̩ du tod e̩wñ ef uña kiafo̩ le̩ eche, achʼuko̩lo̩ likpa alu du ki Jihofa ñwa ñwu ma.

2 Iko Iko E̩wn 2:6

E̩ne̩ muda nʼukpahiu kʼi akʼunyi ñw u? Abu kʼefojale kpʼefojale e-efojale ma bo̩jo̩ kʼi agbʼo̩ n? Mak e̩ne̩ omi che kʼomi akʼunyi ñw u? Chai todu otulale egujo o̩gba-wñ ofo.