1 Amonu 5:9 - O̩TAKADA O̩LA O̩JO̩ 1970

⁹ Abuko̩lo̩-mi akʼo gwo̩ru kwo Le̩bano̩n wa o̩la ohimini abadi; tak u nafʼigbo igbo oli le̩ tamʼomune̩ ki nʼeju ohimini alo tʼugbo kʼuwe̩ aka ñwu mi, tak u naje̩ ñwu ma fʼu ko̩da bʼomune̩ te̩ o̩mo̩, tak uwe̩ amʼu ko; e̩ kʼuje̩wñ wa tod abo unyi-mi, mak e̩ fʼe̩wñ kʼu natene chekpa me̩.

1 Amonu 5:9 ပူးပေါင်းရင်းမြစ်များ

Izikie̩l 27:17

Juda kpʼane̩ Israe̩l chʼamanyaja ugbo-we̩, ama ko o̩ka wit e-mi nit kpai e̩wñ ayaga ki rinyo̩ kpai omi iño̩ kpai ekpo kpai balm kpailo e̩wñ aja-we̩.

E̩zra 3:7

Ma ño̩ kʼo̩ko̩ ñw abo ku ma ne kpai abo ku ma fʼoli; kpʼuje̩wñ kpai omi kpai ekpo ñw abo Saido̩n kpai abo̩ Taya, todu ku ma ko oli sidar kwʼoko Le̩bano̩n wʼo̩la ohimini Jo̩pa, alu ki Sairo̩s, onu Pe̩rsia le̩, bu ñwu ma.

E̩wñ kʼAme̩nukpuche̩ Che 12:20

O̩la abo Taya kpai abo Saido̩n la chʼe̩bie̩ nyʼu e̩do̩; oñ ma falujo̩ lewʼugbo-wñ, tak abu ku ma gba Blastus ki nʼo̩da unyi olu onu ibe kʼi chʼonuku-ma, ma tʼo̩ ene kʼure̩do̩ ki dʼagbagba-ma, todabu kʼabo ojane̩-ma ali uje̩wñ je̩ ojane̩ onu le̩.

2 Iko Iko E̩wn 2:16

oñ a adʼoli kwʼefoko Le̩bano̩n wa; alu du kʼeku-wñ aku uwe̩; tak a akʼo ji mʼomune̩ kʼa la ko nʼej omi wʼugbo we̩ Jo̩pa; tak uwe̩ ane̩ te̩gu nyi Je̩rusale̩m.

2 Iko Iko E̩wn 1:15

Oñ onu che kʼajifa kpʼo̩jamalia ki jo̩ Je̩rusale̩m dabe̩ne̩ kʼokuta. I la che kʼoli sida ki wewe jo̩ dab oli sikamo̩r ane̩ o̩go̩.

O̩lo̩da Eduwa Onukeji 3:25

Nagbo̩ko̩bʼe̩ kʼe̩ je̩ ñwu mi daba kʼu li ane̩ ki nyo̩ ki dʼudaba Jo̩rdan-i, ane̩ uwo ki nyo̩ le̩ kpai Le̩bano̩n.

1 Amonu 5:8

Taku Hairam fʼuche̩ kpe̩ru So̩lo̩mo̩n kakini, Uche̩ e̩wñ kʼe̩ kpe̩ru mi le̩ u gbo̩ me̩: nache alu du kʼe̩ tene ugbo igbo oli sida le̩ kpai ugbo igbo oli fir ge̩.

1 Amonu 5:10

Abe̩le̩ Hairam mʼigbo oli sida kpai oli fir ko ñwu So̩lo̩mo̩n alu du kʼi tene.

1 Amonu 9:27

Taku Hairam fʼamibolo-wñ, ku ma chʼamagwo̩ko̩ ku ma ma alu kʼohimini de̩ kpe̩ manyʼamibolo So̩lo̩mo̩n ef o̩ko̩ ku ma che jo̩ le̩.

1 Amonu 3:12

go, omi che alu kʼe̩ ka me̩: go, u mʼe̩do̩ ibe kpai e-ki amʼoji o̩la du ñw e̩, todabe̩le̩ i nʼe̩ne̩ du kʼi dab uwe̩ o̩gba tak e̩ wa n, i la anʼe̩ne̩ du kʼi akwane̩ kʼi adab uwe̩ ubi-we̩ ge̩ n.

1 Amonu 4:20

Abo Juda kpai abo Israe̩l la wewe dabe̩ne̩ kʼe̩lanyi ki dʼeti ohimini, abʼuwewe-ma de̩ de̩. Oñ ma jo̩ aje̩ e̩wñ, kpai eñmo̩, kpai iya eche.

2 Iko Iko E̩wn 9:22

Oñ abe̩le̩ So̩lo̩mo̩n fʼamonu ane̩ile̩ du du ef e̩wñ anana kpʼibe.

Job 32:8

Afuʼka muda dʼef e̩ne̩ du, iñmi kʼOdobao̩gagu añmi i adʼoji e̩wñ ema ñw one̩.

Ako̩la ñw Ujeju 1:16

U ka ef e̩do̩-mi kakini, Go, u mud e̩ne̩ lile me̩, u ño̩ fʼibe ne̩ tʼabo du ku ma nʼo̩da Je̩rusale̩m o̩gba-mi le. I-i, e̩do̩-mi la fʼe̩wñ ibe kpʼe̩wñ ema li ololo.