1 Amonu 5:4 - O̩TAKADA O̩LA O̩JO̩ 1970

⁴ Fa-i Jihofa O̩jo̩-mi la mʼuñmi du ñwu mi ugbo tʼugbo du; i nʼe̩no̩la du kpai e̩wñ e̩bie̩ne̩ ki wa che emi ge̩ n.

1 Amonu 5:4 ပူးပေါင်းရင်းမြစ်များ

1 Iko Iko E̩wñ 22:9

Go, ma abi o̩ma e̩ne̩ke̩le̩ ñw e̩ e-kʼi achʼe̩ne̩ yo̩o̩; oñ nadʼuñmi ñw u kʼi añmi ñw ame̩nebi-wñ du ku ma ajo̩ lʼo daka; todu ma adʼodu-wñ ko̩ So̩lo̩mo̩n; omi adʼuñmi kpʼure̩do̩ ñw abo Israe̩l o̩kpanachi e-wñ:

1 Amonu 4:24

Todu owñ nʼo̩da ejʼemi ohimini le̩ chaka, akwo Tifsa gbogbo wa Gaza, amonu du ku ma jʼej emi ohimini le̩ jʼef o̩wo̩-wñ: ane̩ la bo̩ ñw u ugbo du lʼo daka.

E̩wñ kʼAme̩nukpuche̩ Che 9:31

Todule̩ ujeju abudo̩ Ondu ojane̩ Judia chaka kpai Galili kpai Samaria fʼure̩do̩ ne̩, abu ku ma ne ma eju nyo̩gbe̩; ma la nʼule̩ ale ef ubailo Ondu kpai ef ugbe̩do̩ kʼAfu Kiafo̩ adu ñwu ma, i ño̩ nana nyo̩gba.

Aizaya 9:7

Enyo̩gba o̩da-wñ kpai ure̩do̩ anʼuloji n, oj ede Defid kpai ojane̩-wñ, kʼi fu lonyane̩, kʼi la nʼajo̩ o̩kpakpa kpai e̩wñ o̩kpakpa eche gwo̩nyʼu dago akwʼe̩gba-i tʼogbegbele̩. E̩do̩ Jihofa ki nʼe̩wñ du ki tʼe̩wñ-i ache.

Eli Eko̩ DʼO̩jo̩ 72:7

O̩kpanachi e-wñ oñ e̩wñ ara ñw ame̩no̩kpakpa, ure̩do̩ la achʼololo, gbogbo tak ochu ma ño̩ do̩mo̩ ge̩ n!

2 Samiue̩l 7:5

Lo kʼe̩ ka ñw adu-mi Defid kakini, Abu ku Jihofa ka de̩ kakini, Uwe̩ ako̩ unyi todu kʼomi ki gugu ef uwñ?

Jo̩shua 15:47

Ashdo̩d manyu adogbe adogbe-wñ kpai ikpo unyi ikpo unyi-wñ; Gaza manyu adogbe adogbe-wñ kpai ikpo unyi ikpo unyi-wñ; gbogbo wa aji Ijipti kpai Ohimini Elile kpai o̩la-wñ ge̩.

1 Amonu 5:18

Oñ amakʼunyi e-So̩lo̩mo̩n kpai amakʼunyi Hairam kpai abo Ge̩bal chʼabo ku ma da; ma la fʼigbo oli kpai okuta ñwo̩che ku ma ne̩ kʼunyi le̩.

1 Amonu 11:25

Owñ le̩ la chʼe̩nuja abo Israe̩l o̩kpanachi So̩lo̩mo̩n chaka. E-le̩ manyʼe̩bie̩ne̩ ki Hadad che ma. Abe̩le̩ e̩de̩te̩ abo Israe̩l achʼo, i la jʼonu Siria.

2 Amonu 18:8

I fʼabo Filistia kpa gbogbo wa Gaza kpai alo̩me̩-wñ, akwo o̩do̩go̩ abide gbogbo wa ewo kʼi nʼaku.

E̩zra 4:20

Amonu ki gbiti nʼo̩da Je̩rusale̩m igbele, ma ño̩ nʼo̩da udaba ohimini le̩ chaka, abo kibo̩ la dʼo̩ko̩ are̩, kpʼo̩ko̩ ane̩, kpʼo̩ko̩ ku ma bu ñwu ma ñw amonu le̩.