1 Amonu 4:29 - O̩TAKADA O̩LA O̩JO̩ 1970

²⁹ Abe̩le̩ O̩jo̩ dʼibe kpai oji o̩la ema ñwu So̩lo̩mo̩n nana tabale, kpai e̩do̩ ki de̩ gbagada, i dabe̩ne̩ kʼe̩lanyi eti ohimini.

1 Amonu 4:29 ပူးပေါင်းရင်းမြစ်များ

1 Amonu 3:12

go, omi che alu kʼe̩ ka me̩: go, u mʼe̩do̩ ibe kpai e-ki amʼoji o̩la du ñw e̩, todabe̩le̩ i nʼe̩ne̩ du kʼi dab uwe̩ o̩gba tak e̩ wa n, i la anʼe̩ne̩ du kʼi akwane̩ kʼi adab uwe̩ ubi-we̩ ge̩ n.

Jeme̩s 3:17

E̩wñ ki dʼo̩gba ef ibe ki akwʼate̩ wa muda chʼede̩ yaala, tak i chʼe-ure̩do̩, i ache e̩wñ yo̩o̩; i chʼebo̩la, i che̩ko̩ ñw ejumomi one̩ eli kpʼe̩ro ki nyo̩; i añwa tʼemi tʼemi n, i nʼako̩ru n.

Jeme̩s 1:5

I la che̩wñ kʼibe nyarʼe̩ne̩ʼka ef ume̩, i ki bi ugbo O̩jo̩ kʼi nʼe̩do̩ foo kʼi akʼe̩wñ ñw e̩ne̩ du, kʼi ma la akicha ñw e̩ne̩ du n, taku ma adʼu ñw u.

1 Amonu 4:20

Abo Juda kpai abo Israe̩l la wewe dabe̩ne̩ kʼe̩lanyi ki dʼeti ohimini, abʼuwewe-ma de̩ de̩. Oñ ma jo̩ aje̩ e̩wñ, kpai eñmo̩, kpai iya eche.

Jeme̩s 1:17

Ele eche nyo̩nyo̩ kpʼele ki mufu du kwo ate̩ wa. I nagwo̩ru awa kwʼugbo Ala ugane̩ e-kʼuña erida alu kʼojiji olu arida le̩ ma dʼugbo-wñ n.

Ako̩la ñw Ujeju 2:26

Todu O̩jo̩ adu ibe kpʼe̩wñ ema kpʼuyo̩ ñw e̩ne̩ kʼi ache e̩wñ ki arʼowñ e̩do̩. I muda dʼo̩bata e̩wñ eyajo̩ ugbudu ugbu-du ñw e̩nadure, todu kʼi ko ñw e̩ne̩ ki ache e̩wñ ki rʼO̩jo̩ e̩do̩. E-le̩ ño̩ chʼo̩wai kpʼafu ene ule̩ ge̩.

Ita, Ita 2:6

Todu Jihofa adʼibe ñw one̩; ef alu-wñ oñ e̩wñ ema kpai oji e̩wñ ema akwo

Eli Eko̩ DʼO̩jo̩ 119:34

Dʼoji e̩wñ ema ñw mi, tak u nade uko̩-o̩la-we̩ ochochi, nadejutʼo̩ kpai o̩gbo̩ e̩do̩-mi du.

Aizaya 60:5

E̩gbale̩ tak uwe̩ ali, oñ eju-we̩ ane̩, oñ e̩do̩-we̩ achʼe̩ giligili, i la amud afu; todu ma arʼe̩wñ ki jʼef ohiminiabadi e̩kute̩ da wʼugbo-we̩, e̩wñ anana e-abo uche̩ichi uche̩ichi du awʼugbo-we̩.

1 Amonu 3:28

Oñ abo Israe̩l chaka gbʼinabali ajo̩ kʼonu ka le̩; taku ma kworailo onu; todu ma cheli ka kʼibe O̩jo̩ dʼef uwñ, kʼi akajo̩ o̩kpakpa.

Abakwane̩ 41:49

Jose̩f la kʼe̩wñ e̩yo̩ maja dab e̩lanyi ohimini abadi, i nana tabale, gbogbo tak i to̩no̩ ekaluka; todu i nʼaluka n.

Je̩re̩maya 33:22

Abu ku ma ma neke kʼuwewe e̩wñ ojale aluka n, ku ma ma la neke ñwa e̩lanyi ohimini n; alu le̩ naje̩ ñw ugbe̩ Defid adu-mi, kpʼugbe̩ abo Lifai ku ma che e̩wñ ñwu mi wewe nyʼo̩gba.

Ako̩la ñw Ujeju 1:16

U ka ef e̩do̩-mi kakini, Go, u mud e̩ne̩ lile me̩, u ño̩ fʼibe ne̩ tʼabo du ku ma nʼo̩da Je̩rusale̩m o̩gba-mi le. I-i, e̩do̩-mi la fʼe̩wñ ibe kpʼe̩wñ ema li ololo.

Amakajo̩ 7:12

Oñ abo Midian kpai abo Amale̩k kpai abo o̩wo̩ olodudu le̩ chaka dachi jo̩ ef o̩go̩ le̩, uwewe-ma dab amimiejo; aminyakulumi-ma la nʼaluka n, uwewe-ma dabe̩ne̩ kʼe̩lanyi ki dʼeti ohimini.

Habakuk 1:9

O̩chaka-ma awa ku ma chʼe̩wñ akpulu; ailo-ma era atʼuma o̩gba. Ma kʼame̩namu jo dab e̩lanyi.

Eli Eko̩ DʼO̩jo̩ 119:32

Nafule lʼo̩na uko̩ kʼe̩ te̩ e̩gba kʼe̩ che kʼe̩do̩-mi ki bi nyo̩gba!

Danie̩l 2:21

I arʼiko e̩wñ kpai ewo e̩wñ da; i ayo̩ amonu tane̩, i akʼamonu gugu; i adʼibe ñw amanibe, kpai e̩wñ ema ñw abo ku ma moji e̩wñ.