1 Amonu 4:13 - O̩TAKADA O̩LA O̩JO̩ 1970

¹³ Be̩n-ge̩be̩r ne̩ Ramo̩t-gilead (owñ le̩ ne̩ ewo ewo Jair, o̩ma Manasa, owñ chʼe-ki jʼojane̩ Gilead, owñ nʼane̩ Argo̩b, e-ki de̩ Beshan, i chʼewo ewo elile o̩gbo̩ me̩ta, i chenʼaku okoke, ebijeikpa ma du rʼo̩na alaku-wñ);

1 Amonu 4:13 ပူးပေါင်းရင်းမြစ်များ

O̩lo̩da Eduwa Onukeji 3:4

A la mʼewo-wñ chaka ko iko le̩; ewo okate kʼa ma bʼuma gba n do̩mo̩ n; ewo-wñ chʼo̩gbo̩ me̩ta, kpai ane̩ du ki le Argo̩b daka, owñ chʼojane̩ O̩g Beshan.

Ekaluka 32:41

Taku Jair, o̩ma Manasa, le namʼadogbe ado̩gbe-ma gba, oñ i dʼodu-wñ ko̩ Hafo̩t-jair.

1 Amonu 22:3

Tak onu Israe̩l ka ñw abuko̩lo̩-wñ kakini, Ame̩ ma ka kʼa ne̩ Ramo̩t-gilead le̩ n? Oñ a achechi jʼemi? kʼa ma la agba bʼef o̩wo̩ onu Siria te̩ n?

Eli Eko̩ DʼO̩jo̩ 68:15

Uwo̩ Beshan chʼuwo e-O̩jo̩; ane̩ uwo Beshan chʼuwo uwo ki te̩ kadʼomune̩!

Eli Eko̩ DʼO̩jo̩ 22:12

Amo̩ko̩ okuno̩ wewe lʼumi daka-i, amagbiti Beshan donyʼumi da-ka;

2 Amonu 9:14

Abe̩le̩ Jihiu o̩ma Jiho̩shafat o̩ma Nimshi jʼalu nyu Joram. (Joram la do̩mo̩ ade Ramo̩t-gilead, owñ kpai abo Israe̩l chaka, tode̩gba ku Hazae̩l onu Siria awʼo̩mo̩;

2 Amonu 9:1

Tak E̩laisha akache̩ fʼo̩ma akache̩ʼka do̩ wa, oñ i ka ñw u kakini, Fʼukpo-we̩ jʼago kʼe̩ mʼuli ekpo-i du nʼewo kʼe̩ nyi Ramo̩t-gilead.

Jo̩shua 21:38

Oñ e-ku ma ko ñwu ma kwef e-abo o̩lo̩pu Gad che Ramo̩t e-Gile̩ad manyʼane̩ ije̩ ki lʼo daka, owñ chʼoke̩ko̩ todu e̩ne̩ kʼi akpʼone̩, kpai Mahanaim manyʼane̩ ije̩ ki lʼo daka

Jo̩shua 20:8

Oñ ejudaba Jo̩rdan odenideni Je̩riko, o̩wo̩ olodudu-wñ, ma mu Bize̩r kʼi dʼef aje̩tachi egbili le̩ ef ane̩ abo o̩lo̩pu Rube̩n kpai Ramo̩t, ane̩ Gilead ef ane̩ abo o̩lo̩pu Gad kpai Golan ane̩ Beshan ef ane̩ abo o̩lo̩pu Manasa ko̩jo̩.

O̩lo̩da Eduwa Onukeji 4:43

Ewo le̩ che Bize̩r ane̩ egbili chʼutod abo Rube̩n, Ramo̩t-gilead chʼutod abo Gad, Golan Beshan la chʼutod abo Manasa.

O̩lo̩da Eduwa Onukeji 3:8

Abe̩le̩ a bʼamonu Amo̩r meji ku ma jʼejudaba Jo̩rdan gbʼane̩, akwo ukpolo Arno̩n gbogbo wa uwo He̩rmo̩n,

O̩lo̩da Eduwa Onukeji 3:10

owñ chʼewo ewo egbili le̩ chaka kpai Gilead chaka kpai Beshan chaka gbogbo wa Saleka kpai E̩drei, kʼi chʼewo ewo ojane̩ O̩g Beshan.

1 Iko Iko E̩wñ 2:23

Oñ Gishur kpai Eram bo̩ Jair gba unyi unyi-wñ, manyu Kenat kpai adogbe-wñ, owñ chʼewo ewo o̩gbo̩ me̩ta. Abo-i chaka chʼe-amo̩ma Makir, kʼi chʼata Gilead.