1 Amonu 19:21 - O̩TAKADA O̩LA O̩JO̩ 1970

²¹ Tak i mudabi bʼo̩ ubi te̩, oñ i mʼamokuno̩-wñ meji kʼoli uno̩lo okate nʼuma o̩lo̩ le̩ ko, oñ i fu ma kpa. I la nʼe̩wñ ido̩na amokuno̩ le̩ chʼiji kʼi hi e̩la-ma. Tak i mʼu ko ñw amone̩, ma la je̩. Tak i kwane̩. I la tʼE̩laija ubi, oñ i che e̩wñ ñw u.

1 Amonu 19:21 ပူးပေါင်းရင်းမြစ်များ

2 Samiue̩l 24:22

Tak Arauna ka ñwu Defid kakini, Odu-mi onu ki namʼe̩wñ du ki nyʼowñ eju ko, kʼi mʼu ko che O̩jo̩; go, amokuno̩ tod iche̩bo̩ e̩gujo jo̩-i, e̩wñ ku ma ne̩ gwʼo̩ka kpai oli uno̩lo̩ amokuno̩ jo̩-i ki chʼiji.

Akwodufu 24:13

Abe̩le̩ Mose̩s kpai Jo̩shua kʼi ache uko̩lo̩ ñw u kwane̩, oñ Mose̩s mute̩gu tʼoj uwo O̩jo̩.

Filimo̩n 1:13

Omi neku egwo̩nyʼu tʼugbo mi onugo, todu kʼi che e̩wñ ñwu mi tod uwe̩ ef amu e-Uche̩nyo̩-i;

2 Timoti 4:11

Luku kate dʼugbo mi. E̩ namu Mark du, kʼuwe̩ kpai owñ ki wa; todu i chʼeku ñwu mi nana ugbo e̩wñ eche ñw one̩.

E̩wñ kʼAme̩nukpuche̩ Che 13:5

Tak abu ku ma lewa Salamis, ma dʼuche o̩lO̩jo̩ kpo̩go ef unyi unyi ujeju amaju. Ma la ne̩ Jo̩n kʼi chʼimo̩to̩ uko̩lo̩-ma.

2 Amonu 3:11

Ama Jiho̩shafat kakini, Akache̩ Jihofaʼkate dʼemi, kʼa tu Jihofa ene lʼugbo-wñ n? Tak e̩nuko̩lo̩ onu Israe̩l oka dohi kakini, E̩laisha, o̩ma Shafat, dʼemi, owñ chʼe̩ne̩ ki chʼomiofo nyʼE̩laija o̩wo̩.

2 Amonu 2:3

Abe̩le̩ ama gwo̩ru nyi Be̩te̩l. Tak amo̩ma amakache̩ ku ma jo̩ Be̩te̩l kwodufu nyʼugbo E̩laisha, oñ ma ka ñw u kakini, Uwe̩ chema ka ki Jihofa adʼodu-we̩ bʼuwe̩ o̩gba te̩ eñini-i? Oñ i kakini, Iii, u chema; me̩ chechi.

1 Amonu 18:43

Tak i ka ñw e̩nuko̩lo̩-wñ kakini, Mute̩gu alo kʼe̩ go o̩wo̩ ohimini abadi. Tak i mute̩gu i la go, oñ i kakini, E̩wñ du do̩mo̩ n. Tak i kakini, E̩ ño̩ le onu mebie ta.

1 Samiue̩l 6:14

Tak o̩kane̩ le̩ lewa oko Jo̩shua, e̩ne̩ Bet-shime̩sh, oñ i kwodago omo̩, okuta lileʼka dʼugbo le̩. Taku ma fʼoli o̩kane̩ le̩ kpana, oñ ma mʼamokuno̩ ko chʼe̩wñ iche̩bo̩ e̩gujo ñwu Jihofa.