1 Amonu 15:18 - O̩TAKADA O̩LA O̩JO̩ 1970

¹⁸ Tak Esa mʼajifa kpʼo̩jamalia du ki bo̩ ef e̩wñ akoko ef unyi Jihofa ko, kpai e̩wñ akoko unyi onu, oñ i mʼu ko nyʼabimo̩to̩-wñ o̩wo; tak Esa onu fʼuma kpe̩ru Be̩n-hedad, o̩ma Tabrimo̩n, o̩ma He̩zio̩n, onu Siria, kʼi dodo Damaskus, kakini,

1 Amonu 15:18 ပူးပေါင်းရင်းမြစ်များ

2 Amonu 12:18

Taku Jihoash onu Juda mʼe̩wñ ki afo̩ chaka ko kpuche̩ ru Hazae̩l onu Siria, owñ chʼe̩wñ ki afo̩ e-ku Jiho̩shafat kpai Jiho̩ram kpai Ahazaya, amata-wñ ku ma chʼamo̩ma Juda le̩, che ki fo̩ chaka, kpai e̩wñ e-owñ onugu ki afo̩, kpai o̩jamalia du ku ma li ef e̩wñ akoko ef unyi Jihofa, kpai ef unyi onu; taku Hazae̩l kwo bo̩ Je̩rusale̩m te̩.

1 Amonu 14:26

oñ i mʼe̩wñ akoko ño̩ bʼunyi Jihofa kpai unyi onu te̩. I mʼe̩wñ du ño̩ le. I ño̩ mʼugbe̩yo̩ o̩jamalia du ki So̩lo̩mo̩n che le̩ ko ge̩.

1 Amonu 15:15

I la mʼe̩wñ kʼata-wñ che ki fo̩ ko wʼef unyi Jihofa kpai e̩wñ kʼowñ onugo che ki fo̩, ajifa kpai o̩jamalia kpai e̩wñ eku.

Abakwane̩ 14:15

Tak i fʼabo-wñ kpe̩ru wa bʼuma ma odu, owñ kpai amadu-wñ, oñ i gwo ma i ño̩ ra no ma gbogbo wa Hoba, kʼi dʼo̩wo̩ awohi Damaskus.

Emo̩s 1:4

Omi la adʼuna kpuche̩ wa abʼunyi Hazae̩l ma, oñ i akʼunyi unyi ojima Be̩n-hedad mi.

Je̩re̩maya 49:27

Tak omi akʼuna ef aku Damaskus, oñ e-le̩ alie̩ unyi ojima unyi ojima Be̩n-he̩dad.

2 Iko Iko E̩wn 15:18

Oñ i mʼe̩wñ kʼata-wñ che ki fo̩ le̩ ko wʼef unyi O̩jo̩, kpʼe-kʼowñ onugo che ki fo̩, owñ chʼajifa kpʼo̩jamalia kpʼe̩wñ eku.

Abakwane̩ 15:2

Tak Ebram kakini, Ondu Jihofa, e̩wñ e̩ du ñwu mi, abu kʼu nache kʼu tʼile̩ no̩ kʼu ma nʼo̩ma n, e̩ne̩ ki ane̩ unyi-mi la che E̩lieza e-Damaskus le̩?

2 Amonu 12:17

Oñ Hazae̩l, onu Siria, mute̩gu nyʼakogu bo̩ Gat, oñ i fʼu du; taku Hazae̩l kpejuru ete̩gu nyi Je̩rusale̩m.

2 Amonu 12:19

Oñ e̩wñ ki bo̩ ki Joash che, kpai uko̩lo̩ du kʼi che, inabali-wñ che̩ko̩ ref o̩takada Iko E̩wñ Amonu Juda le̩ n?