1 Amonu 15:13 - O̩TAKADA O̩LA O̩JO̩ 1970

¹³ Tak i ño̩ bʼiye-wñ Maaka gbʼo̩da iye onu, todabu kʼi fʼojibo ihie̩ne̩ʼka che ñw Ashe̩ra. Esa la fʼe̩wñ ihie̩ne̩-wñ lo̩ wane̩, oñ i fu gujo eti aji Kidro̩n.

1 Amonu 15:13 ပူးပေါင်းရင်းမြစ်များ

Akwodufu 32:20

Tak i mʼo̩mokuno̩ ku ma da le̩ du, i la fʼu gujo ef una, tak i fʼu no̩ efulu, oñ i fʼu buru ej omi, tak i je̩ ñw amo̩ma Israe̩l ñmʼo̩.

Abo Galatia 2:14

Ama e̩gba kʼu li ka ku ma ma lule̩ tʼo̩kpoolo teju alu kʼochochi Uche̩nyo̩ de̩ n, u ka ñwu Kifas eju ma chaka kakini, Iche̩wñ kʼuwe̩ kʼe̩ chʼiJu do̩mo̩ ache e̩wñ ile̩-i alu kʼabo uche̩ichi ache, kʼe̩ ma la che dab amaJu n, abile kʼe̩ kute̩ abo uche̩ichi kʼama ki che e̩wñ dab amaJu ke?

2 Abo Ko̩rint 5:16

Todule̩ akwʼe̩gba-i awa ño̩ li e̩ne̩ du alu ki de̩ ef o̩re̩la ge̩ n: dagba kʼa ma chaka te̩te̩ma Kraist alu kʼide̩ ef o̩re̩la ogbolo, fa-i a ño̩ mʼo̩ abe̩le̩ ge̩ n.

Jo̩n 18:1

Abu ku Jisus fʼe-kide̩ ka owñ kpai amako̩che̩-wñ dufu tʼudaba ukpolo Ke̩dro̩n, ugbo kʼuche̩ de̩, owñ kpai amako̩che̩-wñ mugudu tef uwñ.

Matiu 10:37

E̩ne̩ kʼi ache̩do̩ ata-wñ abe̩k iye-wñ tʼumi le, nyo̩ bʼumi jo̩ n. E̩ne̩ kʼi la ache̩do̩ o̩ma e̩ne̩ke̩le̩ abe̩k o̩ma onobule̩ tʼumi le nyo̩ bʼumi jo̩ n.

Ze̩karaya 13:3

Tak i awatu, e̩gba kʼone̩ akache̩ kpo̩, tak ata-wñ kpai iye-wñ ki bi owñ aka ñw u kakini, Uwe̩ adeju n; todu olemi oñ e̩ ro̩ ef odu Jihofa le̩; tak ata-wñ kpʼiye-wñ ki bi owñ adʼe̩wñ gunyʼu dufu eju ekeji e̩gba kʼi akache̩.

2 Iko Iko E̩wn 34:4

Taku ma kʼubo ubo̩ iche̩bo̩ amiBeal kpo̩fo̩ wane̩ eju-wñ; oñ ojibo ojibo olu ki jʼoji-ma atate̩, i fʼulo̩ wane̩; tak i fʼAshe̩rim kpʼojibo ojibo ku ma gbe̩ kpʼe-ku ma da ge̩ ye̩ge̩ ye̩ge̩, oñ i fʼu gwu ebutu, tak i bʼu rʼojinoji ojinoji abo ku ma che ma akwoubi le̩.

2 Amonu 23:6

Tak i mʼAshe̩ra du kwʼef unyi Jihofa dufu nyʼej ubi Je̩rusale̩m tʼo̩la aji Kidro̩n, oñ i fʼu gujo rinyo̩ o̩la aji Kidro̩n le̩, tak i fʼu gwu ebutu, oñ i fʼebutu-wñ kwu abʼojinoji ojinoji ame̩no̩talaka ma.

2 Amonu 18:4

I fʼotete otete le̩ gbe̩ rinyo̩, i la fʼojibo ojibo gulo̩ rinyo̩, i ño̩ fʼAshe̩ra lo̩ wane̩; tak i fʼejo ebije ekpikpa ki Mose̩s che le̩ guche̩ ye̩ge̩ye̩ge̩; todu gbogbo wʼiko le̩ amo̩ma Israe̩l tetagu otulale jo ñw u; oñ i dʼodu-wñ ko̩ Ne̩hushatan.

1 Amonu 15:10

i la jʼonu Je̩rusale̩m o̩do̩ o̩gbo̩ meji nyokeʼka. Odu iye-wñ la ko̩ Maaka, o̩ma Abishalo̩m.

1 Amonu 15:2

I jʼonu Je̩rusale̩m o̩do̩ me̩ta. Odu iye-wñ la ko̩ Maaka kʼi chʼo̩ma Abishalo̩m.

2 Samiue̩l 15:23

Tak abʼane̩ o̩mo̩ chaka nʼomu lile araku, amone̩ le̩ chaka la daba. Onu onugo ño̩ mudaba aji Kidro̩n, tak amone̩ le̩ chaka mudaba ale rʼo̩wo̩ o̩na aje̩tachi.

Jo̩shua 6:24

Taku ma fʼewo gujo rinyo̩ kpai e̩wñ du ki jʼefu-wñ; chai ajifa-wñ kpai o̩jamalia-wñ kpai e̩wñ eku ebijeikpa kpai ebije, ma mʼe-le̩ ko nyʼef akpulu ef unyi Jihofa.

O̩lo̩da Eduwa Onukeji 33:9

e-ki nʼo̩la ata-wñ kpai iye-wñ aka kakini, Ma wʼumi eju n; i la ma ka kʼi nʼamo̩maye-wñ n, i mʼema amo̩ma-wñ n. Todu ma fejutʼo̩la-we̩, ma laño̩ ade alo-we̩.

O̩lo̩da Eduwa Onukeji 9:21

Oñ u mʼe̩wñ adure-me̩ du, owñ chʼo̩mokuno̩ ku me̩ da le̩, oñ u nʼuna fʼu gujo, tak u fʼu guche̩ ye̩ge̩ye̩ge̩ oñ u fʼu no̩ kʼi mud ebutu; tak u kʼebutu-wñ rikpolo bʼef aji ki acha kwʼoj uwo le̩ ma.

O̩lo̩da Eduwa Onukeji 7:5

Ama abu kʼame̩ ache ama de̩: ame̩ ki gu ubo̩ iche̩bo̩-ma lo̩, ku me̩ la kpʼojibo-ma fo̩, me̩ ki fʼAshe̩rim-ma lo̩ rinyo̩, ku me̩ nʼuna gu ojibo-ma ku ma gbe̩ jo̩.

Abo Lifai 26:30

Omi akpʼotete-me̩ fo̩, nagu ojibo ku me̩ che ñw olu lo̩ wane̩, taku nakʼoku-me̩ bʼoj oku ode-me̩ ma; me̩ la achʼonugo-mi eju.

1 Amonu 2:19

Todule̩ Batsheba nyʼugbo So̩lo̩mo̩n, kʼi ko̩la ñw u todu Adonija. Oñ onu kwane̩ ledʼo, i la te̩kpe̩ ñw u, tak i kwoguguane̩ oj ede-wñ, oñ i je̩ ñwu ma dʼede omune̩ wa tod iye onu; tak iye-wñ kwogugu o̩wo̩ awo̩to̩-wñ.

2 Amonu 10:26

Taku ma kʼojibo ki dago jʼef unyi Be̩al dufu, ma fʼu gujo.

2 Amonu 23:4

Tak onu ñwa ñwu Hilkaya agboji amatama, kpai amatama uche̩ ekeji kpai abo ku ma de alo̩na, kʼama ki mʼe̩wñ eku du ku ma che todu Beal kpai e-ku ma che todu Ashe̩ra kpai e-ku ma che todu uwewe e̩wñ ojale le̩ ko kwef unyi Jihofa dufu; tak i mʼu ko gujo ejubi Je̩rusale̩m oko Kidro̩n, oñ i mʼelulu-wñ ko nyi Be̩te̩l.