1 Amonu 15:11 - O̩TAKADA O̩LA O̩JO̩ 1970

¹¹ Esa la che e̩wñ tʼo̩kpakpa eju Jihofa alu ki Defid ata-wñ che.

1 Amonu 15:11 ပူးပေါင်းရင်းမြစ်များ

2 Iko Iko E̩wn 14:2

Esa la che e̩wñ kʼi nyo̩ kpʼe̩wñ o̩kpakpa eju Jihofa, O̩jo̩-wñ.

2 Iko Iko E̩wn 15:17

Ma muda kʼotete otete rinyo̩ bʼoj ane̩ Israe̩l te̩ n; i chaka dʼabe̩le̩ e̩do̩ Esa mufu o̩jo̩ udeju-wñ chaka.

2 Iko Iko E̩wn 14:11

Esa kwado̩ Jihofa, O̩jo̩-wñ, oñ i kakini, Jihofa, i nʼe̩ne̩ du kʼi dabʼuwe̩ kʼi ate̩ko agbagba amagbiti kpʼamegbo n: te̩ko wa, O Jihofa, O̩jo̩-wa; todu a chubiyʼ uwe̩, ef odu e-we̩ oñ a wa kʼa kobʼo̩wo̩ one̩-i. O Jihofa, uwe̩ chʼO̩jo̩-wa; e̩ ki je̩ ñw one̩ fʼe̩ du n;

1 Amonu 15:3

I ño̩ lule̩ ef e̩wñ adure du kʼata-wñ che akwoubi; e̩do̩-wñ la de̩ jalii ugbo Jihofa O̩jo̩-wñ alu kʼe̩do̩ Defid ata-wñ de̩ n.

1 Amonu 15:12

I kʼamache̩wñtuñ le̩ bʼojane̩ le̩ te̩, oñ i mʼode du kʼata-wñ che ko rinyo̩.

1 Amonu 3:3

So̩lo̩mo̩n la fe̩do̩ Jihofa, i nalule̩ teju e̩wñ uhio̩me̩ Defid, ata-wñ; i muda nʼiche̩bo̩ ache kpai otulale agujo oj otete otete le̩.

1 Amonu 22:43

I la lule̩ o̩na Esa, ata-wñ, chaka; i na bʼo̩ te̩ n, i nache e̩wñ ki chʼokpoko eju Jihofa; i muda je̩ ñwu ma kpʼotete otete le̩ fo̩ n. Amone̩ la te̩tache iche̩bo̩ kpʼotulale egujo oj otete otete le̩.

2 Amonu 12:3

Ma muda gbʼotete otete le̩ rinyo̩ n; amone̩ le̩ te̩tache iche̩bo̩ kpai otulale egujo oj otete le̩.

2 Amonu 14:3

Oñ i fʼe̩wñ ki nyo̩ eju Jihofa che, i muda che dab e-Defid ata-wñ n; i che dab alu ku Joash, ata-wñ, che le̩ chaka.

2 Amonu 15:3

Owñ la fʼe̩wñ ki nyo̩ eju Jihofa che alu du kʼata-wñ Amazaya che.

2 Amonu 18:3

1 la che e̩wñ ki chʼo̩kpakpa eju Jihofa, alu du ki Defid ata-wñ che.

2 Amonu 22:2

I la fʼe̩wñ ki nyo̩ eju Jihofa che, oñ i lule̩ o̩na Defid ata-wñ chaka, i la na tʼawo̩to̩ abe̩k awohi n.

2 Iko Iko E̩wn 14:1

Tak Abaija chʼolu manyʼamata-wñ, oñ ma mʼu du ji ef ewo Defid. Tak Esa, o̩ma-wñ, jʼonu koji-wñ. Iko-wñ ane̩ le̩ nʼuñmi o̩do̩ me̩gwa.

2 Iko Iko E̩wn 20:32

I la lule̩ o̩na Esa, ata-wñ, i na bʼo̩ te̩ n; i nʼe̩wñ o̩kpakpa eju Jihofa ache.