1 Amonu 14:4 - O̩TAKADA O̩LA O̩JO̩ 1970

⁴ Oñ o̩ya Je̩ro̩boam fʼabe̩le̩ che. I kwane̩, i letu Shailo, oñ i lewa unyi Ahija. Ahija laño̩ gane̩ ge̩ n, eju-wñ gbe̩ mʼakpo todu i chʼogijo.

1 Amonu 14:4 ပူးပေါင်းရင်းမြစ်များ

1 Amonu 11:29

Oñ i lewatu iko le̩, e̩gba ki Je̩ro̩boam kwo Je̩rusale̩m dufu, akache̩ ku ma do̩ kʼAhija e̩ne̩ Shilo̩n fʼu li ej o̩na. Ahija le̩ la mʼotogbo etito̩ ko nyi e̩gba le̩ me̩: oñ ama meji tetejʼoko le̩.

1 Samiue̩l 4:15

O̩do̩ Ilai la chʼoke meji chi ogume̩lu, eju-wñ la gbe̩ mʼakpo, kʼi ma ño̩ gane̩ ge̩ n.

1 Samiue̩l 3:2

Oñ iko le̩ abu kʼIlai la dachi e̩gu-wñ (eju-wñ chane̩ echubi e̩gba le̩ me̩, i gane̩ nyo̩nyo̩ ge̩ n);

Ako̩la ñw Ujeju 12:3

o̩jo̩ kʼo̩la amadide unyi chane̩ ega, kʼamagbiti adʼoji lo̩, kʼabobule̩ ku ma no̩ e̩wñ we enʼe̩wñ, ukpe̩ leu ma bo̩ re ofo, kʼabo ku ma nyʼope gʼo̩do̩da chubi;

Eli Eko̩ DʼO̩jo̩ 90:10

Iko o̩do̩ o̩do̩ e-wa chʼo̩gbo̩ me̩ta nyoke me̩gwa, i la che̩wñ kʼukpahiu je̩ ñw u chʼo̩gbo̩ me̩le̩; i chaka dʼabe̩le̩ uba ikalibani-wñ chʼakanya kpai ibe̩te̩ kenehi; todu fai fai i le me̩, oñ a muwu kwʼemi alo.

1 Amonu 14:2

Taku Je̩ro̩boam ka ñw o̩ya-wñ kakini, Nagbo̩ko̩bʼuwe̩ kʼe̩ kwane̩, kʼe̩ fʼafe̩ kpanyi, kʼama ki we ema ka kʼuwe̩ chʼo̩ya Je̩ro̩boam; kʼe̩ nyi Shailo; go, o̩mo̩ le̩ Ahija, akache̩ de̩, e-kʼi ka ñwu mi ka kʼomi ajʼonu amone̩-i.

Jo̩shua 18:1

Tak abo̩gbadu Israe̩l chaka kʼo̩la-ma jeju Shailo, oñ ma fʼunyabo ujeju fa o̩mo̩; ane̩ le̩ chʼedolo te̩ o̩gba-ma.

O̩lo̩da Eduwa Onukeji 34:7

O̩do̩ Mose̩s la chʼo̩do̩ o̩gbo̩ me̩fa e̩gba kʼi leku: eju-wñ la gane̩ pee; ukpahiu-wñ la dabu n.

Abakwane̩ 48:10

Abu kʼeju Israe̩l gbe̩ noj ogijo-wñ, i neke li e̩wñ n. Taku Jose̩f mʼuma ko me̩ru ugbo-wñ; oñ i dʼalu kʼuma alu, i la gba ma kʼe̩do̩.

Abakwane̩ 27:1

Oñ i lewatu e̩gba kʼAise̩k mud ogijo, kʼeju-wñ de̩ bulubulu, kʼi ma ño̩ gane̩ ge̩ n, i fʼo̩ma o̩gba-wñ Iso̩ do̩ wa, i ka ñw u kakini, O̩ma-mi; oñ i dohi ñw u kakini, Omi de̩.