1 Amonu 1:31 - O̩TAKADA O̩LA O̩JO̩ 1970

³¹ Taku Batsheba te̩kpe̩ afʼeju bʼane̩ ma, i dojikane̩ ñw onu, oñ i kakini, Oji odu-mi, onu Defid, ki do̩mo̩ ogbegbele̩.

1 Amonu 1:31 ပူးပေါင်းရင်းမြစ်များ

Danie̩l 5:10

Noj o̩la onu kpʼabojima-wñ le̩, iye onu le̩wʼef unyi oko̩te̩ ugbo ku ma jo̩ le̩: iye onu ko̩la, oñ i kakini, O onu, oji-we̩ ki gbo kala kala; ibe ef uwe̩ le̩ ki chʼe̩ e̩do̩ñwañwala n, eju-we̩ ki rida n.

Danie̩l 3:9

Ma kʼohi ñwu Ne̩biukadne̩za onu, kakini, O onu, oji-we̩ ki gbo kala kala.

Danie̩l 2:4

Tak abo Kaldia ka ñw onu ichi abo Siria, kakini, O Onu, oji-we̩ ki gbo kala kala; e̩ ka ñw amadu-we̩ alu kʼe̩ nʼo̩na le̩ tak a akʼofe-wñ ñw e̩.

Abo Hibru 12:9

Ubile̩ ge̩ a nʼamata-wa e-o̩re̩la ku ma kʼuwa o̩la oñ a diba ñw ma; i dukpe̩ kʼa fʼo̩la-wa kamuhite̩ tule ñw Ata amafu kʼa adeju n?

Matiu 21:37

Tak ubiane̩-wñ i fʼo̩ma-wñ kpuche̩ nyʼugbo ma, i kakini, Ma adiba ñw o̩ma-mi.

Danie̩l 6:21

Taku Danie̩l ka ñw onu kakini, O onu, oji-we̩ ki gbo kala kala.

Danie̩l 6:6

Tak ame̩nuto̩gba kpʼamakomonu wʼugbo onu kpʼekuku, oñ ma ka ñw u kakini, Onu Darius, oji-we̩ ki gbo kala kala.

E̩sta 3:2

Tak abuko̩lo̩ onu ku ma jʼef alaku onu chaka te̩kpe̩ ñw Heman, ma dojikane̩ ñw u; todu abu kʼonu ñwa ugbo-wñ le̩ de̩. Mo̩rde̩kai muda te̩kpe̩ n, i la dojikane̩ ñw u n.

Nihe̩maya 2:3

Oñ u ka ñw onu kakini, Oji onu ki gbo kala kala! E̩wñ chi kʼeju-mi ma kpa n, abu kʼewo ugbo kʼojinoji amata-mi jo̩ chʼalache̩ te̩, kʼuna la fʼalaku-wñ jo rinyo̩?

1 Amonu 1:25

Todu eñini-i i mugwo̩ru le, i la fʼamo̩kokuno̩ kpai ame̩la ki yoyo kpai ame̩wño̩re̩ egini kpa e̩kute̩, oñ i fʼamo̩ma onu chaka kpai amagboji abogu kpʼAbayata, atama do̩; e̩ la go, ma jʼo̩gba-wñ aje̩ añmo̩, oñ ma jo̩ akakini, Oji onu Adonija ki gbo kala kala.

2 Samiue̩l 9:6

Taku Me̩fibo̩she̩t, o̩ma Jo̩natan, kʼi chʼo̩ma So̩l le̩, lewʼugbo Defid, oñ i fʼeju bʼane̩ ma, i la dojikane̩. Taku Defid kakini, Me̩fibo̩she̩t. Oñ i dohi kakini, Go, adu-we̩ de̩.

Abo E̩fe̩sus 5:33

I chaka dʼabe̩le̩, ame̩ okoke e̩ne̩ne̩ne̩ne̩-me̩ ki nafe̩do̩ o̩ya e-wñ dabe̩ne̩ kʼo̩la-wñ abe̩le̩; todu kʼo̩ya ki narailo o̩ko̩-wñ.

1 Samiue̩l 24:8

Ubi le̩ Defid ño̩ kwane̩ ge̩, oñ i kwʼef owo dufu, i la kwado̩ So̩l kakini, Odu-mi, Onu-i. Tak e̩gba ku So̩l dʼejubi, Defid te̩kpe̩, i fʼeju bʼane̩ ma, oñ i dojikane̩.

1 Samiue̩l 20:41

Tak e̩gba kʼimo̩to̩ le̩ le, ababa le̩ Defid kwane̩ kwʼugbo kʼi de̩ o̩wo̩ o̩pata o̩gane̩ o̩mo̩, oñ i lewa fʼeju bʼane̩ ma, oñ i dojikane̩ onu me̩ta. Taku ma dʼalu kʼomune̩ alu oñ ma chane̩ eraku kpai o̩la-ma, gbogbo tak e-Defid tabale.