1 Abo Ko̩rint 9:16 - O̩TAKADA O̩LA O̩JO̩ 1970

¹⁶ Todu iche̩wñ kʼu najʼUche̩nyo̩ rʼone̩, i nʼuba ñw mi n, todu udu-wñ nʼumi oji te̩; todu omi ma jʼUche̩nyo̩ rʼone̩ n, atogwo chʼe-mi!

1 Abo Ko̩rint 9:16 ပူးပေါင်းရင်းမြစ်များ

Abo Rom 1:14

U chʼe̩no̩me̩ amaGrik, kpʼabo ku ma kʼagudo̩gudo̩, kpʼamanibe, kpʼabo ku ma ma nʼibe n.

Abo Ko̩lo̩se 4:17

Taku me̩ ka ñwu Arkipas kakini, E̩ nago e̩wñ eche ñw one̩ kʼe̩ mugba ef Ondu le̩, todu kʼe̩ che nyane̩.

Je̩re̩maya 20:9

Iche̩wñ kʼu kakini, Nahi alu-mi mʼo̩ n, naño̩ ko̩la ef odu-wñ ge̩ n, e̩gbale̩ e̩wñʼka dʼef e̩do̩-mi dab una ki dʼef achiku-mi ajo, e̩do̩-eje̩ fʼumi hia; u neke che ge̩ n.

Luku 9:62

Ama Jisus ka ñw u kakini, I nʼe̩ne̩ du ki mʼo̩wo̩-wñ dudo uko̩che̩ kʼi la ñʼadejubi, kʼi anyo̩ bʼojane̩ O̩jo̩ jo̩ n.

E̩wñ kʼAme̩nukpuche̩ Che 4:20

todu e̩wñ kʼa li kpʼe̩wñ kʼa gbo̩ a neke we eka n.

Emo̩s 3:8

Idu fʼukwa kwa me̩, e̩ne̩ ma arailo n? Ondu Jihofa ka me̩, e̩ne̩ ma akache̩ n?

Abo Rom 15:17

Todule̩ u chenʼuba kʼu naba efu Kraisti Jisus ugbo e̩wñ e-O̩jo̩.

E̩wñ kʼAme̩nukpuche̩ Che 9:15

Oñ Ondu ka ñw u kakini, Nalo ke, todu e̩ne̩ kide̩ chʼe̩wñ eku kʼomi du kʼi ane̩ odu-mi o̩gba abo uche̩ichi kpai amonu kpai amo̩ma Israe̩l;

E̩wñ kʼAme̩nukpuche̩ Che 9:6

E̩ muda kwane̩ kʼe̩ gudu nyef ewo-i, taku ma aka ñw e̩ e̩wñ otila kʼe̩ che.

Abo Rom 4:2

Todu iche̩wñ ku ma dale ñw Ebraham kwef uko̩lo̩ kʼi che, i chenʼe̩wñ kʼi adu buba; i muda ne̩ ugbo O̩jo̩ n.

Emo̩s 7:15

Jihofa la mʼumi du bʼetʼame̩wño̩re̩ egini ubi te̩, oñ Jihofa ka ñw mi kakini, Lo, kʼe̩ kache̩ ñw abo-mi Israe̩l.

Aizaya 6:5

Tak u kakini, Atogwo chʼe-mi! e-mi ta me̩! todabu kʼomi chʼe̩ne̩ kʼi nʼuko kʼi chechiwa, kʼu laño̩ dodo alumeji amone̩ kʼuko-ma chechiwa: todu eju-mi dʼOnu, owñ che Jihofa ki nʼe̩wñ du!

Je̩re̩maya 20:7

O Jihofa, e̩ fʼumi gwo̩gwo̩ me̩, o̩gwo̩ le̩ la mʼumi ibe da; e̩ tʼumi le, e̩ la fʼumi du me̩. U mud e̩wñ anyi gbogbo dʼo̩jo̩; e̩ne̩ du ako̩ mi ru.

Je̩re̩maya 1:17

I muda chʼuwe̩, fʼukpo-we̩ dakulu nyʼago; kwane̩, kʼe̩ la ka e̩wñ du kʼu nañwa ñw e̩ ñwu ma. E̩do̩-we̩ ki da kpu todu ma n, tode̩gba kʼomi la ache kʼe̩do̩-we̩ ki muda kpu eju-ma.

1 Samiue̩l 12:23

Anubi le̩ ge̩, i bo̩ tʼe-mi, ewe echadua todu me̩, kʼu du Jihofa re, e-le̩ ki jiji rʼumi. Omi muda ako̩ me̩ lo̩na ki nyo̩ ogbolo.

1 Abo Ko̩rint 4:15

Todu dagba me̩ chaka nʼabo icham icham ku ma kʼume̩ o̩la efu Kraisti, me̩ muda nʼata wewe ge̩ n; todu omi fʼume̩ bi efu Kraisti Jisusi lef Uche̩nyo̩ le̩.

1 Abo Ko̩rint 9:12

I la che̩wñ kʼabomune̩ mananyʼo̩da-i, e-wa tule n? A muda lebʼo̩da-i n; a mʼe̩wñ du gba nʼoji, todu kʼa we ekpʼo̩na nyʼUche̩nyo̩ Kraisti.

1 Abo Ko̩rint 9:14

Abe̩le̩ oñ Ondu fuñwate̩ ñw abo ku ma nʼUche̩nyo̩ akpogo, ku ma nʼe̩wñ udiñmino-ma kwef Uche̩nyo̩.

2 Abo Ko̩rint 2:12

Oñ abu kʼu lewa Troas tod Uche̩nyo̩ Kraist, kʼalugbana la mubi ñw mi ef Ondu,

Matiu 25:16

Oñ ababa le̩ e̩ne̩ ki gbʼejika me̩gwa le nachinyama; i la jʼile ejika me̩gwa omune̩ manyʼu.