1 Abo Ko̩rint 7:35 - O̩TAKADA O̩LA O̩JO̩ 1970

³⁵ E̩wñ kʼu naka-i chʼutodu kʼi nʼile ñw me̩; i chʼutodu kʼu nʼoku te̩ ñw me̩ n, chai todu ki chʼeju-wñ ñw me̩ ku me̩ jo̩ ñw Ondu ki we enʼe̩wñ kʼi afa me̩ tʼemi tʼemi.

1 Abo Ko̩rint 7:35 ပူးပေါင်းရင်းမြစ်များ

1 Abo Ko̩rint 7:36

Ama iche̩wñ kʼe̩ne̩ du do̩ kʼe̩wñ kʼi ache, ma cheju-wñ ñw igbe̩le̩-wñ kʼi ma mʼe̩ne̩ke̩le̩ ni n le̩, i la che̩wñ kʼi legu o̩jo̩ e̩gbakpa-wñ du kʼabe̩le̩ i dukpe̩ kʼi de̩; i chʼadure i ata le̩ n, ama ki nʼo̩la-ma ke̩.

Luku 8:14

Oñ e-ki ñwa tef ikeke le̩, abʼe-le̩ chʼabo ku ma gbo̩, oñ abu ku ma jʼef ejiji eda kpai e̩wñ anana kpai e̩wñ-ube̩do̩ ile̩-i alo waa i fu ma gwebo, e̩ro-ma du la agbo n.

Abo Filipai 4:8

I chʼe-kʼi bo̩, amo̩maye, aluka e̩wñ du kʼi chʼochochi, aluka e̩wñ du ku ma diba ñw u, aluka e̩wñ du ki chʼo̩kpakpa, aluka e̩wñ ki de̩ yala, aluka e̩wñ du ki chʼalifia, aluka e̩wñ du ki nʼuwohi e̩nyo̩, iche̩wñ kʼe̩wñ ki nʼodu-e̩nyo̩ du do̩mo̩, iche̩wñ kʼe̩wñ ku ma ñwulo̩ uwñ do̩mo̩, me̩ ki dʼibe tʼe̩wñ le̩ du.

1 Abo Ko̩rint 7:2

Ama lef abutabu eche ki do̩mo̩ e̩ne̩nene̩ne̩ ki nanʼo̩ya e-wñ. E̩ne̩ne̩ne̩ne̩ ki la nʼo̩ko̩ e-wñ.

Luku 21:34

Me̩ ki la mʼo̩la-me̩ ne̩, tode̩gba kʼadu eju-wuluwulu kpai o̩te̩ eñmo̩ kpai ejiji e̩wñ-ile̩-i eda tʼe̩do̩ me̩ le, tak o̩jo̩ le̩ kwogbulu awa bano me̩ dab ada:

Matiu 19:12

Todu amonoji do̩mo̩ ku ma bi kwef iye-ma abe̩le̩; amonoji kʼone̩ che ma la do̩mo̩; amonoji laño̩ do̩mo̩ ku ma dʼo̩la-ma chʼonoji tod ojane̩ e-efojale. E̩ne̩ kʼi neke bute̩ ñw u kʼi bute̩ ñw u.

Taito̩s 2:3

Abe̩le̩ ge̩, abobule̩ ogijo ki ño̩ jʼef udago e-ma, alu ki chʼeju-wñ ñw e̩ne̩ o̩lO̩jo̩, ama ki bulu mʼone̩ n, ama ki chʼadu o̩te̩ n, ama ki chʼama-kone̩ e̩wñ o̩me̩me̩le̩;

Abo E̩fe̩sus 5:3

Ama e̩wñ abutabu kpai e̩wñ iwa du, abe̩k ejufufu, i chaka chʼodu-wñ e̩do̩ ofo, i ki dʼefu-me̩ n, alu ki chʼeju-wñ ñw abo kiafo̩;

1 Abo Ko̩rint 7:28

Ama iche̩wñ kʼe̩ nʼo̩ya, i chʼadure oñ e̩ ta le̩ n; i la che̩wñ kʼigbe̩le̩ ki ma mʼe̩ne̩ke̩le̩ n fʼo̩ko̩ ne̩, i chʼadure i ta le̩ n. Ama abo e̩go̩-i anʼo̩bata ef o̩re̩la. Edo̩wo̩mo̩ oñ omi ado̩wo̩mʼume̩-i.

1 Timoti 1:10

kpʼame̩nabutabu kpʼaboke̩le̩ ku ma bʼaboke̩le̩ dachi kpʼabo ku ma mʼone̩ taje̩ kpʼamaremi kpʼabo ku ma ge̩bo̩ olemi kpʼe̩wñ du ki bo̩ kʼi akobʼuko̩-o̩la o̩lafia

Matiu 22:15

E̩gbale̩ amaFarisi le nanyojuju alu ku ma ale ku ma je̩ ñw u dʼo̩la tinyo̩ ku ma mʼu.