1 Abo Ko̩rint 6:18 - O̩TAKADA O̩LA O̩JO̩ 1970

¹⁸ Me̩ ki ra bʼe̩wñ abutabu eche te̩. E̩wñ adure du kʼone̩ chaka ache ej o̩do̩da año̩la i de̩, ama e̩ne̩ ki achʼabutabu kpʼajo̩ko̩, año̩la e-wñ onugo i adure le̩.

1 Abo Ko̩rint 6:18 ပူးပေါင်းရင်းမြစ်များ

1 Pita 2:11

Ame̩nufe̩do̩, nagbo̩ko̩bʼume̩ ku me̩ hi ubi bʼe̩ño̩ e̩wñ o̩re̩la te̩ dabe̩ne̩ kʼame̩ chʼabononojo kpʼamilowa emi; owñ chʼe̩wñ kʼo̩re̩la achʼe̩ño̩-wñ ki akʼogu bʼonugo one̩.

1 Te̩s 4:3

Todu e̩wñ ki dʼO̩jo̩ e̩do̩ de̩, owñ che kʼame̩ ki nafo̩, ku me̩ fʼo̩wo̩ mʼo̩la ne̩ bʼe̩wñ abutabu eche te̩,

Abo Ko̩lo̩se 3:5

Todule̩ me̩ ki fʼe̩wñ año̩la-me̩ kʼi jʼoj ane̩-ile̩-i kpa ku; e̩wñ le̩ che e̩wñ abutabu, iwa, udo̩laga e̩wñ ki ma nyo̩ n, e̩ño̩ e̩wñ e̩bie̩ne̩, ejufufu, owñ chʼode eche;

2 Timoti 2:22

Abe̩le̩ e̩ ki ra bʼe̩ño̩ e̩wñ kʼokolobia ache le̩ te̩, kʼe̩ nabʼo̩kpakpa kpʼe̩do̩ eko̩no kpʼufe̩do̩ kpʼure̩do̩ kpe̩re̩ manyʼabo ku ma do̩ Ondu udo̩ kwef e̩do̩ ki de̩hiolo.

Abo Hibru 13:4

Echʼo̩ko̩ ñw o̩ya ki chʼe̩wñ ojima ef e̩wñ du, ojʼate̩-ma ki de̩ jali; todu O̩jo̩ akajo̩ ame̩nabutabu kpʼabo ku ma tene o̩ya one̩.

Abo E̩fe̩sus 5:3

Ama e̩wñ abutabu kpai e̩wñ iwa du, abe̩k ejufufu, i chaka chʼodu-wñ e̩do̩ ofo, i ki dʼefu-me̩ n, alu ki chʼeju-wñ ñw abo kiafo̩;

1 Abo Ko̩rint 6:9

Abe̩k ame̩ ma kakʼame̩nuji aje̩ ojane̩ O̩jo̩ ogu n-in? Me̩ ki je̩ ñw e̩ne̩ du ko̩ me̩ la n. Tʼame̩nabutabu tʼamachode tʼabo ku ma tene o̩ya one̩, tʼabo ku ma deide̩le, tʼaboke̩le̩ ku ma bʼe̩ne̩kele̩ dachi,

2 Abo Ko̩rint 12:21

tode̩gba kʼu lewa kʼO̩jo̩-mi año̩ fa mi wane̩ eju-me̩ ge̩, kʼomi adaido̩ tod abo wewe ku ma dure akwoubi ku ma ma ribeda ugbo e̩wñ iwa kpʼabutabu kpʼe̩wñtuñ ku ma te̩tache le̩ n.

1 Te̩s 4:5

i ki we echʼef udo̩laga e-e̩ño̩ e̩wñ eche alu kʼabo uche̩ichi ku ma ma mʼO̩jo̩ n ache le̩,

Abo Rom 1:24

Todule̩ O̩jo̩ fuma turʼiwa ef e̩ño̩ e̩wñ kʼe̩do̩-ma ache, kʼama ki chi año̩la-ma ukata ef uma:

Abo Galatia 5:19

Uko̩lo̩ kʼo̩re̩la ache la kwotejugede me̩, owñ chʼe̩wñ abutabu eche kpʼiwa kpʼe̩wñtuñ eche

Abo Lifai 15:18

I la che̩wñ kʼe̩ne̩ke̩le̩ bʼonobule̩ dachi kʼi mʼo̩la da, ama meji le̩ agwʼo̩la ef omiofo, oñ ma mudaji gbogbo tak olu ki tunyʼane̩.