1 Abo Ko̩rint 6:15 - O̩TAKADA O̩LA O̩JO̩ 1970

¹⁵ Me̩ ma ka kʼaño̩la e-me̩ chʼe̩wñ año̩la Kraisti n? Todule̩ namʼe̩wñ año̩la Kraisti ko chʼe̩wñ año̩la ajo̩ko̩? O̩jo̩ ki kpo̩na!

1 Abo Ko̩rint 6:15 ပူးပေါင်းရင်းမြစ်များ

Abo E̩fe̩sus 5:30

Todabu kʼa chʼe̩wñ ki ro̩nyʼaño̩la-wñ.

Abo Rom 12:5

abe̩le̩ awa kʼa chʼo̩wo̩ amone̩ chʼaño̩laʼka efu Kraisti, okoke-wa la chʼe̩wñ año̩la omune̩.

Abo Ko̩lo̩se 2:19

i la agwonyʼoji n, e-kʼi chʼe̩te̩ año̩la du, kʼi agbʼuje̩wñ lef iko kpai ili, kʼi fʼu gamʼomune̩ le̩, i nʼeyanyo̩gba e-O̩jo̩ aya nyo̩gba.

1 Abo Ko̩rint 12:27

Ame̩ la chʼaño̩la Kraist, e̩wñ ki aronyʼaño̩la-wñ okoke a che.

Abo E̩fe̩sus 4:12

todu ku ma ñwʼabo kiafo̩ che kpa, todu uko̩lo̩ e̩wñ eche ñw one̩ ku ma ki ne año̩la Kraist,

1 Abo Ko̩rint 11:3

I muda dʼumi e̩do̩ ku me̩ ma ka kʼoji e̩ne̩ke̩le̩ du che Kraist; oñ oji onobule̩ chʼe̩ne̩ke̩le̩; oji Kraisti la chʼO̩jo̩.

1 Abo Ko̩rint 6:19

Abe̩k ame̩ ma ka kʼaño̩la-me̩ chʼunyi ejefu e-Afu Kiafo̩ kʼi dʼef ume̩ ku me̩ ne̩ kwugbo O̩jo̩ n? I la chʼame̩ nʼo̩la-me̩ n.

Abo E̩fe̩sus 5:23

Todabu kʼe̩ne̩ke̩le̩ chʼoji onobule̩ alu ki Kraist chʼoji ujeju abudo̩-wñ, owñ onugo chʼE̩najadu año̩la.

Luku 20:16

I awa kʼi fʼamaluche̩ le̩ kpa rinyo̩, tak i adʼuche̩ achiwebe̩te̩ma le̩ ñw abomune̩. Oñ abu ku ma gbo̩, ma kakini, O̩jo̩ ki kpo̩na.

Abo Galatia 6:14

Ama O̩jo̩ ki kpo̩na nyʼuba e̩ba ñw omi, chai ef oli-uku Ondu-wa Jisus Kraist, lef e-le̩ ile̩-i chʼe̩kamoli ñw omi, omi laño̩ chʼe̩kamoli ñw ile̩.

Abo Galatia 3:21

Todule̩ o̩lo̩da chʼe̩nagwunyu e̩wñ kʼO̩jo̩ kʼo̩la-wñ tane̩? O̩jo̩ ki kpo̩na. Todu iche̩wñ ku ma ma du o̩lo̩da ki ma neke je̩ ñwu one̩ deju wa, mak o̩lo̩da ma chʼe̩te̩ o̩kpakpa ochochi.

Abo Galatia 2:17

I muda che̩wñ kʼabu kʼa jʼafeju ku ma dale ñw a efu Kraist, ma ño̩ li ka kʼawa onugo chʼame̩nadure kpo̩ ge̩, Kraist chʼe̩ne̩ ki ache e̩wñ ñw adure? O̩jo̩ ki kpo̩na.

1 Abo Ko̩rint 6:13

Uje̩wñ chʼutod ukulu, ukulu la chʼutod uje̩wñ; ama tʼe-i tʼe-le̩ O̩jo̩ aje̩ ñw ejeji-wñ gbogili te̩. Año̩la la chʼutodu e̩wñ abutabu eche n, chai tod Ondu, oñ Ondu chʼutodu año̩la.

Abo Rom 7:13

Mak e̩wñ e̩nyo̩ le̩ mud uku ñw omi? O̩jo̩ ki kpo̩na. Adure muda che-i todu ki tejugede ka kʼadure i che, oñ i chʼuko̩lo̩ uku ñw omi lef e̩wñ e̩nyo̩ le̩, todu kʼadure ki mud e̩wñ adure ololololo lef uko̩ ku ma te̩ le̩.

Abo Rom 7:7

Todule̩ ab a aka ta? O̩lo̩da le̩ chʼe̩wñ adure? O̩jo̩ ki kpo̩na. U muda ma ki chʼadure n, chai lef o̩lo̩da le̩; todu i ma chʼabu kʼo̩lo̩da ka kʼuwe̩ ki chejufufu n in, u ma ma ejufufu n;

Abo Rom 6:15

E̩wñ le̩ ta? A ki ño̩ dure ukpe̩ kʼa ma jʼef o̩wo̩ o̩lo̩da n chai ef o̩wo̩ ufe̩de̩nyo̩? O̩jo̩ ki kpo̩na!

Abo Rom 6:2

O̩jo̩ ki kpo̩na! Awa kʼa leku ñw adure, ab a ale kʼa ñʼadeju ef uwñ abajo̩-i ta?

Abo Rom 3:31

Mak a je̩ ñw o̩lo̩da gbogili te̩ lef e̩do̩ ekono de̩ ke n? O̩jo̩ ki kpo̩na! Chai eko̩ dago oñ a akʼo̩lo̩da dago-i.

Abakwane̩ 44:17

Tak i kakini, Echʼabe̩le̩ ki jiji rʼumi! e̩ne̩ ku ma li ago le̩ o̩wo̩-wñ, e̩ne̩ le̩ achʼadu-mi; i chʼe-me̩, me̩ kwane̩ alo tʼugbo ata-me̩ kpai ure̩do̩.

Abo Rom 3:6

O̩jo̩ ki kpo̩na: cho̩kpo̩ni ab O̩jo̩ ale kʼi akajo̩ abile̩ ke?

1 Abo Ko̩rint 6:3

Ame̩ ma kakini, Awa akpʼoji ajo̩ amonuche̩ O̩jo̩ n? E̩wñ chʼe-e̩wñ udeju-wa ile̩-i ke̩?

1 Abo Ko̩rint 6:17

E̩ne̩ ki la dama kpʼOndu chʼafu okate kpʼowñ.