1 Abo Ko̩rint 3:19 - O̩TAKADA O̩LA O̩JO̩ 1970

¹⁹ Todu ofili ile̩ kide̩ chʼe̩fule̩fu ugbo O̩jo̩. Todu i che̩ko̩tane̩ kakini, I agwo̩nyʼame̩nofili ef ugbeju-ma;

1 Abo Ko̩rint 3:19 ပူးပေါင်းရင်းမြစ်များ

Job 5:13

I amu amanibe ef ugbeju-ma onugo; oñ o̩la kʼame̩nugbejualo anoji n.

Eli Eko̩ DʼO̩jo̩ 141:10

Je̩ ñw ame̩ne̩bibi ñwa rʼef iga-ma onugo, kʼomi ki lale gu o̩mo̩ du.

Aizaya 44:25

kʼi akʼujiwe amaremi gwuji, kʼi la aje̩ ñw amabifa himu; kʼi la arʼamanibe da tʼubi, oñ i aje̩ ñw ibe-ma mud idada;

1 Abo Ko̩rint 2:6

A muda ako̩la ofili ef amo̩kone̩: i muda chʼofili e-o̩kpanachi kide̩ n, i la chʼe-amagboji o̩kpanuchi-i ku ma fʼu gbogili te̩-i n:

2 Samiue̩l 16:23

Ohi Ahitofe̩l du kʼi ate̩ iko le̩ la dabe̩ne̩ kʼone̩ tene ugbo o̩la O̩jo̩; abe̩le̩ ohi du kʼAhitofe̩l te̩ de̩, tʼe̩gba kʼi dʼugbo Defid kpai e-ugbo Absalom ge̩.

Akwodufu 18:11

Ifai tak u chema ka ku Jihofa tʼamo̩jo̩ du le; ochochi, efu e̩wñ ku ma du buba ñwu ma le̩ owñ tʼuma le.

2 Samiue̩l 15:31

Tak e̩ne̩ʼka ka ñwu Defid kakini, Ahitofe̩l dʼef abo ku ma dʼalu nyʼe̩ manyʼAbsalom. Taku Defid kakini, O Jihofa, nagbo̩ko̩bʼe̩, mʼohi ku Ahitofe̩l ate̩ rida ibe̩te̩.

2 Samiue̩l 17:23

Oñ e̩gba kʼAhitofe̩l li ka ku ma tʼo̩la kʼi lo le̩ ubi n, i mʼofidi du nʼubi o̩ke̩ke̩te̩-wñ, oñ i kwane̩, i le tʼunyi-wñ, ewo-wñ. I la fʼuko̩ te̩ ñw abo-wñ tak i dʼo̩la-wñ lo̩; oñ i leku, ma la mʼu du ji ef oji ata-wñ.

2 Samiue̩l 17:14

Tak Absalom kpai aboke̩le̩ Israe̩l chaka kakini, O̩la Hushai, e̩ne̩ Arki le̩, nyo̩ tʼe-Ahito̩fe̩l le. Todu Jihofa ñwate̩ kʼi fʼuko̩la e̩nyo̩ e-kʼAhitofe̩l ka le̩ du, todu ku Jihofa ki kʼe̩bie̩ne̩ wa abʼAbsalom ma.

Akwodufu 1:10

Me̩ lewa kʼa che ma ugbeju, tode̩gba ku ma wewe nyo̩gba, kʼi awa atʼe̩gba kʼogu achi ku ma ma kpai ame̩nebi-wa, ku ma kʼogu bʼuwa ku ma kwo bʼane̩-i te̩.

E̩sta 7:10

Abe̩le̩ ma mu Heman du lo̩ oj oku kʼi ñwo̩che te̩ todu Mo̩rde̩kai. Tak e̩do̩fulu onu nyi.

Ita, Ita 14:8

Ibe e̩nugbeju owñ chʼema oji o̩na-wñ kʼi ale, ama idada e-amake̩do̩nʼo̩la-ma chʼone̩ e̩gba ibe.

Ita, Ita 21:30

Tʼibe eñwa nyu, tʼoji e̩wñ ema, tʼo̩la e̩lo nyu Jihofa, i de̩ n.

1 Abo Ko̩rint 4:6

Amo̩maye-mi, u mʼe̩wñ-i rida nʼo̩la-mi kpʼApo̩lo̩s oji, todu kʼame̩ ki ko̩che̩ ef uwa ku me̩ we egu e̩wñ ki che̩ko̩tane̩ le̩ daba; todu kʼe̩ne̩ du ef ume̩ kʼi we edʼe̩ne̩ʼka ñwo̩ achagwunyu ekeji.

Abo E̩fe̩sus 4:14

todu kʼawa ki we echʼo̩me̩kpa kʼafu uko̩-o̩la du ki aju aro̩ temi temi kʼi ñʼane̩ wa alo tʼugbo tʼugbo du ef ebʼone̩ eju maja e-amone̩ ef ugbeju tef ugbeleke e-ila.

Jeme̩s 3:15

I chʼibe ki akwʼate̩ wa de̩ n, chai e-ane̩-ile̩-i de̩, e-onugo one̩ i che, e-amebili de̩.