1 Abo Ko̩rint 14:4 - O̩TAKADA O̩LA O̩JO̩ 1970

⁴ E̩ne̩ ki ako̩la ichi anʼo̩la-wñ eju nyʼo̩gba, ama e̩ne̩ ki akache̩ anʼujeju abudo̩ Ondu eju nyʼo̩gba.

1 Abo Ko̩rint 14:4 ပူးပေါင်းရင်းမြစ်များ

1 Abo Ko̩rint 14:22

Todabe̩le̩ alu ichi ichi eka chʼutod ujiwe ñw abo ku ma ke̩do̩no n, chai abo ku ma ma ke̩do̩no n; ama ache̩-eka chʼutod abo ku ma ma ke̩do̩no n in, chai tod abo ku ma ke̩do̩no.

1 Abo Ko̩rint 14:26

Todule̩ e̩wñ de̩, amo̩maye? E̩gba du ku me̩ wajo̩ kpʼo̩la-me̩, e̩ne̩ne̩ne̩ne̩ nʼeli ako̩ dʼO̩jo̩, i nʼo̩la kʼi akʼone̩, i nʼo̩la kʼi abite̩, i nʼalichi kʼi aka, i nʼomudechi kʼi aje̩. E̩wñ du ki mud e̩wñ ki anʼone̩ eju nyo̩gba.

Mark 16:17

Ujiwe ki alebʼabo ku ma ke̩do̩nʼo la jo̩-i: ma ane amebili dufu ef odu-mi; ma ako̩la alu ichi tito̩ ojoji ojoji;

1 Abo Ko̩rint 14:12

Abe̩le̩ ame̩ ge̩, abu ku me̩ go̩laru e̩wñ afu ene̩ le̩, me̩ feju e-kʼi aje̩ ñw me̩ nʼujeju abudo̩ Ondu eju nyo̩gba ololo.

1 Abo Ko̩rint 14:5

I la dʼumi e̩do̩ kʼo̩chaka-me̩ ki ko̩la ichi ichi, ama e-ki tʼo̩gba chʼutodu ku me̩ ki kache̩: oñ e̩ne̩ ki akache̩ la tʼe̩ne̩ ki ako̩la ichi ichi le, chai e̩gba kʼi fʼomudechi-wñ je̩, todu kʼujeju abudo̩ Ondu ki gba e̩wñ ki anʼuma eju nyʼo̩gba.

1 Abo Ko̩rint 14:3

Ama e̩ne̩ ki akache̩ ako̩la ñw amone̩, i anʼuma eju nyo̩gba, i adugbe̩do̩ ñw ma, i nyʼuma e̩do̩.

1 Abo Ko̩rint 13:2

Iche̩wñ kʼu nʼache̩ eka, kʼu laño̩ chema e̩wñ afili chaka, kpʼe̩wñ ema du; i la che̩wñ kʼu nʼe̩do̩ ekono chaka, kʼu chʼuwo ki gbo̩gba kwʼe̩gu-wñ, kʼu ma la nʼufe̩do̩ n, u chʼe̩wñ du n.

Abo Rom 14:19

Todabe̩le̩ awa ki nabʼe̩wñ e-ure̩do̩ kpe̩re̩, kpai e̩wñ kʼa du ne omune̩ nyo̩gba.

1 Abo Ko̩rint 12:10

e-e̩nomune̩ la chʼuko̩lo̩ ukpahiu eche; e-e̩nomune̩ chʼache̩ eka; oñ e-e̩nomune̩ la chʼama-fu eñwaru; e-e̩nomune̩ ojoji chʼalu ichi ichi eka; oñ e-e̩nomune̩ chʼomudechi eje̩;

1 Abo Ko̩rint 12:28

O̩jo̩ la kʼe̩wñ iche̩ka jo̩ ef ujeju abudo̩-wñ, ejodudu chʼame̩nukpuche̩, ekeji chʼamakache̩, e̩ke̩ta chʼamakone̩wñ, ubile̩ tak i chʼamachʼuko̩lo̩ ukpahiu, ubile̩ tak ele ufe̩de̩nyo̩ o̩ga echekpa, amabone̩che, amañone̩o̩na, alu ichi uche̩uche̩.

1 Abo Ko̩rint 13:1

Iche̩wñ kʼu nʼichi ichi amone̩ kpai e-amonuche̩ O̩jo̩ ako̩la, kʼu ma la nʼufe̩do̩ n, u mud ude̩ ki ako̩la kiñ kiñ kiñ abe̩k agogo ki ako̩la goñ goñ goñ ofo.