1 Abo Ko̩rint 14:26 - O̩TAKADA O̩LA O̩JO̩ 1970

²⁶ Todule̩ e̩wñ de̩, amo̩maye? E̩gba du ku me̩ wajo̩ kpʼo̩la-me̩, e̩ne̩ne̩ne̩ne̩ nʼeli ako̩ dʼO̩jo̩, i nʼo̩la kʼi akʼone̩, i nʼo̩la kʼi abite̩, i nʼalichi kʼi aka, i nʼomudechi kʼi aje̩. E̩wñ du ki mud e̩wñ ki anʼone̩ eju nyo̩gba.

1 Abo Ko̩rint 14:26 ပူးပေါင်းရင်းမြစ်များ

Abo E̩fe̩sus 5:19

me̩ nanʼeli eko̩ dʼO̩jo̩ kpai eli o̩lO̩jo̩ kpai eli e-Afu O̩jo̩ ako̩la ñw o̩la-me̩; me̩ ki la nʼeli ako̩ kpʼeli ako̩ dʼOndu kpʼe̩do̩-me̩;

Abo Rom 14:19

Todabe̩le̩ awa ki nabʼe̩wñ e-ure̩do̩ kpe̩re̩, kpai e̩wñ kʼa du ne omune̩ nyo̩gba.

1 Te̩s 5:11

Lef e-le̩ me̩ ki dʼugbe̩do̩ ñw omune̩, ku me̩ ne omune̩ nyo̩gba, alu ku me̩ jʼache le̩.

Abo E̩fe̩sus 4:16

Owñ chʼe̩te̩-wñ kʼo̩gbo̩dudu año̩la ku ma ko kadʼomune̩ kʼi la gamʼomune̩ lef e̩wñ kʼiko iko du ane̩wa teju alu kʼe̩ñwa uko̩lo̩ kʼe̩wñ año̩la okoke ache kʼaño̩la ki gba nyo̩gba de̩, kʼunyi le̩ ki fʼo̩la-wñ ne ef ufe̩do̩.

Abo E̩fe̩sus 4:29

O̩la e̩fule̩fu du ki nawe edufu alu-me̩, chai e-ki nyo̩ ki ane̩ one̩ nyo̩gba kʼi chʼeku wñ, todu kʼi dʼufe̩de̩nyo̩ ñw abo ku ma gbo̩.

2 Abo Ko̩rint 13:10

Lef e-le̩ oñ nakʼo̩takada e̩wñ-i abu kʼu ma dane̩ n, todu e̩gba kʼu dane̩ kʼu we ekpuna ñw me̩ teju o̩da kʼOndu du ñw mi kʼu ne one̩ nyo̩gba, i la chʼutodu kʼu gulo̩ wane̩ n.

2 Abo Ko̩rint 12:19

Ame̩ do̩ ka kʼa ka gbʼo̩la te̩ oñ a aka ñw me̩ kpo̩kpe̩ abe̩-i. A ko̩la eju O̩jo̩ efu Kraist. Ama abufe̩do̩, e̩wñ du chʼutodu ki ne me̩ nyo̩gba.

1 Abo Ko̩rint 14:40

Me̩ ki muda che e̩wñ du tʼeju-wñ kpai aro̩ne aro̩ne.

Abo E̩fe̩sus 4:12

todu ku ma ñwʼabo kiafo̩ che kpa, todu uko̩lo̩ e̩wñ eche ñw one̩ ku ma ki ne año̩la Kraist,

1 Abo Ko̩rint 14:27

Dagba e̩ne̩ du ko̩la alichi, i ki chʼone̩ meji abe̩k e̩ta, i ki tʼe̩ta le̩ n, ma ki ka aro̩ne aro̩ne; e̩ne̩ʼka ki jomudechi;

Abo Rom 1:13

Amo̩maye, i dʼumi e̩do̩ kʼame̩ ki chʼugbodu-wñ n, todu u te̩tañwʼibe-mi tane̩ o̩gbe̩nugbe̩ kʼu nawʼugbo me̩, todu kʼu ño̩ nʼe̩ro ef ume̩ dab ef abo uche̩ichi ki bo̩. Ma muda kpʼo̩na nyʼumi gbogbo tʼeñini-i.

Abo Rom 12:7

abe̩k i chʼe̩wñ eche ñw one̩, kʼa najʼef e̩wñ eche ñw one̩ alo waa; abe̩k i chʼe̩ne̩ ki akone̩wñ, kʼi nadʼef e̩wñ ekone̩ alo waa;

Abo Rom 15:2

E̩ne̩ne̩ne̩ne̩-wa ki nache e̩wñ ki rʼekeji-wñ eju, owñ chʼe̩wñ kʼi nyo̩ kʼi ane̩ owñ nyo̩gba.

1 Abo Ko̩rint 14:2

Todu e̩ne̩ ki ako̩la ichi i chʼone̩ i ako̩la ñw u n, chai O̩jo̩; todu e̩ne̩ du agbo̩ n; i la ako̩la e̩wñ afili ef afu.

1 Abo Ko̩rint 14:15

Todule̩ ab i de̩? nanʼafu chadua, naño̩ nʼibe chadua ge̩. Nanʼafu keli dʼO̩jo̩, naño̩ nʼibe keli dʼO̩jo̩ ge̩.