Tito 3:6 - Táurinakene máechejiriruwa’i ema Viya tikaijare

⁶ Tétavikawa'i eta viúrikakarewana'i maicha ema Machanewa Viya máijararu'i ema Jesucristo Makatiura'ikene'i eta viye'e,

Ignaciano

⁶ Tétavi­cavahi eta viúrica­ca­re­vanahi maicha ema Espíritu Santo máijararuhi ema Jesucristo Macatiu­ra­hi­quenehi eta viyehe.

Tito 3:6 ပူးပေါင်းရင်းမြစ်များ

San Juan 1:16

Tetavikawa'i eta yátupikenera'i maemunaraiwa'i, vijachapa'i vimutu eta vijarakasiana taye'e eta apana vijarakasiana,

San Juan 16:7

Nutupiruwasera numetaka'e: tatuparaka'i eta nuyaniraya nuchawa, taicha te wa'i nukuyana, wa'i títekaima'i ema Tikatiucha'eya, ema tiúricha'eyare, tímikataka'eyare, tikurisamurecha'eyarewa.

San Juan 4:10

Ema Jesús májikapapa: –Te pímati'ini eta mawara'akeneana'i tíjarakavi ema Viya, té'eware pímatinu'iwareni nuti nuyaseakavi'i eta une, németeaka piyaseakanuipa'íni eta une tikaitarekara'i. Tási'a, nuti níjarakavi'ini.

San Juan 7:37

Te jena sache, taekene eta piéstaira'i, jarari'iware eta tíma'akarepana. Tiyanawarepa ema Jesús te namuri ena achaneana. Titupi'apa, téchejikapa muraka. Ánipa maka'e: –Te natiari'inapuka nákani timauneana'i, náitekapauchanu. Nuti níjarakayare eta náerayare.

Hechos 10:45

Ena te'ikana'i ema Viya tiasi'ana'i te awasare Jope, ena te'ikanapa'i ema Pedro, ichapeine'i eta naramira'i ena, eta mawa'asirawaka'i ema Machanewa ema Viya, wa'ineni juriyuanaina'i ena,

Hechos 2:33

Taka'e, ema Maiya makayapapa te anuma ema Machicha, makaejakapa te mawaure. Taka'e, máijarakapa eta Machanewa ema Viya, ema máitsiwayare'i, taicha ema matupara'aichu'i. Étara eta juka puiti, esamakene'i eta máukupaisira'i eta Machanewa ema Viya te vitaraku.

Romanos 2:4

Émasera ema Viya, tétavikawa'i eta máuriwa'i eta eye'e, wa'i maíkuñaka'ewane'ini. Tikamicha'e'i, tikuchapa'e'iware, mawaraira'i éñauchawa'ini eta maye'e, ínajika'ini eta íchira eta tamaurikeneana.

Romanos 5:5

Tájina tímipanerereka'avima'i taicha yátupiyare'i eta vijakapirayare eta víkuchi'i. Vikasiñawa'i maye'e ema Viya taicha tímimaticha'avipa te visamureana eta máemunasira'avi'i máichavene'i ema Machanewa ema Viya.

Romanos 8:2

Taicha eta máwa'asira'avi'i ema Machanewa ema Viya. Émapa, tikaepa'a'i eta tapamisira'avi'i eta pekatu, étapa eta támaparauchira'avi'i eta visiapiraya te ekuñaraki.

Efesios 3:8

Wa'i németeakawa'ini nútinasami'ini manerejika, taicha narari'i'i ena títupajijiapanawana'i eta nuye'e, tijapanunu'isera ema Viya, nútisamipa manerejiru'i, mawaraira'i numetapana'e eta máichuira'e'i eti apana eti apawasana, eta ejakapiraya eta táurikakarekene víkuchi maicha ema Cristo, tétavikawaya eta viúrikakarewayare.

Efesios 4:2

Yátupina eta emansuwaina, étapa eta émunaraiwaina, ekamichayare tamutu, ímikatakaka eta émunasirakakaina eta etijikakairaina.

1 Timoteo 6:17

Énerichuware ena vichamuriana'i tikaima'akeneana'i ríkuana'i, pímitukawakayare eta wa'i nakukajamurawa, wá'isera nakukasiñawa eta nakaima'akenéra'i, taicha tijurikati títawa eta náima'akeneana'i, témitiekene'apa tamutu. Nákasiñawasera maye'e ema Viya, jé'ewarekene ema tikasiñakare, ema tíjaraka'avi'i tamutu eta vikamunukeneana, viúrisamurereka'i máicha.

Tito 1:4

Piti Tito yátupikenevi, nichavi'i taye'e eta vikasiñawaira'i me Viya, taicha eta vimatikenepa'i viti apina'avi. Émainapa ema Tata Viákenu Jesucristo tikatiura'ikene viye'e viti achaneana taetaviucha'ini eta piuriwayare te mamira'u.