Tito 3:5 - Táurinakene máechejiriruwa’i ema Viya tikaijare

⁵ Viti tajina'ineni vicha'ini eta taurikeneana, emasera eta majapanuira'avi'i tikatuicha'avipa tijaraka'avipa eta arairu vitaresirarayare'i, maye'e ema Machanewa Viya.

Tito 3:5 ပူးပေါင်းရင်းမြစ်များ

San Mateo 3:11

Yátupi nuti, níkachasika'e'i te une, apaesa éñauchawa maye'e ema Viya, marajapainapasera ema tíkachasika'eyare, ema Machanewa Viya. Ema tiápajupanawa'i nuye'e nuti, wáipaine'i nákutinasima'i eta máitupaijiasirawa'i. Wáipaine'iware nákaemuñawaima'i nuvejuchupewacha eta maeparupewa.

San Lucas 1:50

Eñi Viya ñijapanuwaka'i nákani tipikauchanayare eñi, nachichanaya ena arajuruanayare.

San Lucas 1:54

Ñímikataka'i eta awasare Israel, eñi ñichanera, tási'a wa'i ñemitisika'ini eta ñijapanuirawaka'i.

San Lucas 1:72

taicha ema majapanuirawakayare'i ena viáchukanaveanaini tási'a wa'i maemitisikaima'i eta matratune'i.

San Lucas 1:78

Taicha ema Viya ichapekene'i eta majapanuira'avi'i, mamina'avipa'i te anuke'e takuti'i eta sache te yatikara'i,

Romanos 11:14

Numetakawaka'i ena nujaneanana eta yátupira'i eta ejákapakareira'i me Viya, apaesa níma'a'ini ena, te najamurachayarepuka eta najakapakarewa'i ena apanawa, tikuti'eanayarepuka eti, nuwara'a nanerejikawa'ini nákani náeñauchawa'ini, apaesa náuchuku'a.

Romanos 11:6

Emasera ema Viya, manerejikawaka'i, taicha tetavikawa'i eta majapanuirawaka'i. Tajina wa'i étaparakaina eta víchira'ipuka eta táurikeneana. Jé'esare, tijapanu'avi'i táichavene'i eta táetaviuchira'i eta máemunasira'avi'i yatupi.

Romanos 12:2

Éneichuware eta ítaresirana, waipa ekue'ika eta taye'erepi eta juka apake'e, ítsiwachapasera eta epanereruana, apaesa támutupa apanaina'i eta ítaresiraina, tási'a, ímatisarepa eta mawara'akeneana'i ema Viya, ítukayarewa icha eta táurikeneana. Ekurisamurechayare ema eta íchira eta tatupiruwakeneana'i.

Romanos 3:20

natiari'ipukasera nákani tímijachawanaipa'i tijakapakareana, taicha nawara'ainapa náitauchaya eta wanairipiana. Wá'ikenesera tijakapakareanaima'i me Viya, taicha wa'i étaparakaima'i eta náitauchira'i. Taicha eta wanairipiana, tímimaticha'avichucha eta vikapekaturaira'i.

Romanos 3:28

Taka'e, puiti visamaipa'i eta majakapira'aviripa ema Viya: étachucha tícha'i eta vikasiñaira'i ema Jesucristo, wa'i etaparakaina eta vítauchiraipa eta wanairipiana.

Romanos 4:5

Émasera ema Viya tijapanu'avi'i, tijakapa'avi'i táichavene'i eta vikasiñawaira'i eta maye'e. Wa'i étaparakaima'i eta vikaemataneasira'i.

Romanos 9:11

Ánakiapaicha'a eta naichuiraina'ini ena apinakeneana, vuicha'a nakaikutiaraima'i naicha eta taurikeneana wicha'aware naimati'ini naicha'ini eta tamaurikeneana eta taitauchirawaya eta mawara'akene maicha ema Viya, eta manerejisiyayare nákani machichanaveanayare wa'isera etaparakaina eta vichira eta taurikeneana, ema'i ema Viya ema tichu'a'avi'i.

Romanos 9:16

Taka'e, wa'i wámutu wákutikaka eta majapanuira'avi ema Viya máichuira'aviyare'i, ema técha'i eta manerejisirawaka'i nákani majapanukeneana máichu'akeneanayare, wa'i étaina'ini eta náimijachirawa'i tíchu'akareana taicha eta náuriwa'iji, napamisira'ipuka naicha eta táurikeneana.

Romanos 9:30

Nuwara'a numetaka'e eta juka. Ena apawasana nasapi'a'i tijakapakareana'i me Viya, wá'ineni náesenika'ini ema kape eta náitaresira'i. Táichavene'i eta nakasiñawaira'i eta maye'e, tijakapakareanaipa'i ena.

1 Corintios 6:11

Eneni'i eka'e eti te wicha'a imati'ini ema Viya. Puitisera ejachapaipa eta iuriwayare epáchi'aipa eta epeketurana, puitisera santu'eripa'i maicha ema Viákenunu Jesucristo émapa ema Machanewa Viya.

Gálatas 2:16

Tasi'asera vecha'i eta najinaira'i emanaina'ini majakapakare'ini eta tauriwaina'ini eta maitaresira taichavenena'ini eta maitauchira eta wanairipiana, je'ewaresera makaini tikasiñawa maye'e ema Viakenu Jesucristo. Eta taka'e éneichuware viti visuapa'i ema Jesucristo, apaesa ema Viakenu majakapa'avi eta viuriwaina taichavenena'i eta vikasiñawaira'i, wa'isera etaparakaina eta vitauchiraina'ini eta wanairipiana.

Efesios 2:4

Tétavikawa'isera eta majapanuira'avi'i ema Viya. Ichapeware eta máemunasira'avi'i,

Efesios 4:23

Puiti eti, ísapaya ema Machanewa Viya máwa'aka'e, máitsiwachirayare eta epanereruana étapa eta ejamurachirana te iáchanewana,

Efesios 5:26

Taicha mawara'a'i tisantucha'aviyare'i, tási'a, masipasina'avipa eta viáchanewana eta visuapira'i eta máimiturapiana, eta masipasira'avi'i taye'e eta maechejiriruwa etapa eta vikaikachasirai.

Colosenses 3:10

puíticha, amairi'apa arairupa eta juka ítaresira'i machicha'eipa ema Viya: tajurukapaipaini eta ekutirayare ema eta masantuwa'i étapa eta máuriwa'i ema.

2 Timoteo 1:9

Ema Viya tiámawa'i eta máemunasira'avi'i akane te tépanawainapa tamutu. Tijapanu'avi'i máichavene'i ema Machicha Jesucristo. Eta taka'e máichuira'aviyare vimutu viti vé'ikanayare ema Machicha, mawaraira'i tikuchuku'a'aviyare, wá'ineni viámawa'ini viúri'ini eta vítaresira'i. Puítisera ema Viya mawara'a mapekaturare'aviya te mamira'u.

Tito 3:4

Puítisera, waipa wáka'e'ini, taicha máitsiwachaipa eta vítaresira ema Makatiura'ikene'i Viya eta maemunasira'avi'i viti achaneana,

Hebreo 10:22

Eta taka'e, tatupiruwayare'i eta visamureana eta vikaiju'éraya ema Viya, wákasiñawa'ini eta maye'e, wa'i véñamawaima'i taicha ema masipakaipa'i eta visamureana apaesa takuija vitapirawaina taye'e eta vipekaturana, tímikutijirikawa'i vikawa'ini eta te tapachinakene une.

Hebreo 4:16

Eta taka'e, yatupina vemeña'awa eta vikasiñairaina te mawasa ema Viya témunara'ikene, apaesa ema majapanu'avi viti, taicha ema tétavikawa'i eta majapanuraiwa táichavene'i eta máemunasira'avi'i, ema, yátupi'i eta máimikatasira'avi taye'e tamutu eta vikamunuirawana.

Hebreo 6:6

Te'esera te nachawa nakipaikawa, waipa warata'a vimichawa maye'e ema Viya taicha enapa tiapecha naemetataka'i ema machicha ema Viya tási'a nakaeka'ipa'i tamutu eta naichararakawa'i.

1 Pedro 1:3

Tétavikawa'i eta vikunachira'i ema Viya, Makaiyakene ema Viákenu Jesucristo, tétavikawa'i eta majapanuira'avi'i, tepanawa'i maicha eta vitaresira eta machavira'i titareka ema Viákenu Jesucristo. Eta juka yátupikenepa eta viuchukuiraipa,

1 Pedro 2:10

Kape juka ítaresira'i eti, wa'i ímati'ini ema Viya. Wícha'aware écha'ini eta majapanuira'e'i ema. Puítisera ewapinawa'i eta ímatira'i yátupi eta majapanuira'e'i, taicha machanera'eipa.

1 Pedro 3:21

Puiti, eta une, nímikuticha'e'i eta víkachasi. Eta vikaikachasira'i, wa'i étaparakaina táepachiaka'avi'ini eta viáke'e. Étasera eta vikaikachasira'i, étapa tímereucha'avi eta majapanuira'avi'ipa ema Viya, tamutu eta vipekaturana. Yátupina eta viúchukuirayare táichavene'i eta máechepusira'i te máekari ema Jesucristo.