Tito 3:10 - Táurinakene máechejiriruwa’i ema Viya tikaijare

¹⁰ Te matiari'ipuka ema mákani mawara'a ma'apapika eta napanereruana ena vichamuriana, pímichu'ayare pechejirikayare eta mapanereru'i. Te api'ekenénapa eta pímichu'a, te máviraichu wa'i makusuapavi, péwatakayare mayana máuchuka,

Ignaciano

¹⁰ Te matiari­hipuca ema mácani mavaraha mahapapica eta napane­reruana ena vichamuriana, pímichu­hayare picórta­chá­vaneya eta mapane­reruhi. Te apihe­que­nénapa eta pímichuha, te máviraichu vahi macusuapavi, pévata­cayare mayana máuchuca.

Tito 3:10 ပူးပေါင်းရင်းမြစ်များ

Romanos 16:17

Nuparapenaveana, nuwara'a ekuneuchaware naye'e ena tipanerechana'i típutsimuri'a'eana taicha nawara'a'i ti'apapika'eana eta te é'iru'i. Ena nani nakatianaka'i eta juka vímiturapi'i iárawa'u'i.

1 Corintios 11:19

Páure'esami eta íputsimuriawairakaka'i. Étainapasera ekaecheraiyaya eti yátupikeneana'i machanerana'i ema Viya, énapa ena wa'i machaneranaina'ini.

2 Corintios 13:2

Te api'ekenénapa eta nupaipiuchira'e'i: numetaka'ewane'i eta nunakawayare'i eta eye'e eti. Waipa nukaitikaima'i nákani téjekapawana'i. Kamuripa eta nechejirisira'e'i eti éjekapawana'i, iúri'apaini ínajika eta emáuriwana. Nuti nétupirikawakaya,

Gálatas 5:12

Ena nani tipamika'eana'i enakaya eta ikutiarana, ¡náechatikawaicha'a énajiwaina Nuwara'asa yátupinapa'ini náechati'ikawaini!

Gálatas 5:20

natanuka'i eta nasiñarajiyare, nakarawa'u'i eta iápemarekáre. Tikatianarekana'i tisemakakana'i, téteajirikakana'i. Apaesaichu nakamunu tisemanaipaware, énachucha nawara'a títukawana, nakachuriarakapa mákani achane, típutsimuriawanapa naye'e nákani apamuriana, waipa nawara'a tipauchakakana.

2 Tesalonicenses 3:14

Te natiari'inapuka nákani wa'i nakusuapa eta viwanairipiana'i te juka viajure'i, ekuneyare ena. Tási'a, waipa ekukachane ena, apaesa nátsiri'a ena nani eta namasuapajiraiwa'i.

2 Tesalonicenses 3:6

Nuparapenaveana, te natiari'inapuka ena echamuriana'i plújuana, wá'ipuka náesacha'i tikaemataneana, te wá'ipuka náwara'a'ini náetumechawa'ini, nasuapa'ini eta vímiturapiana'i, viwaneka'e eti te máijare ema Viákenu Jesucristo, wa'i ekuemeña'awa naye'e.

2 Timoteo 3:5

Narari'iyare ena tímijachawanaya yátupina'ini nakaiju'e ema Viya, wá'isera náunakaima'i eta máechejiriruwana, naepuruyarechucha eta taitupajijiasirawa eta maechejiriruwa. Pérajikawa eta naye'e ena nani, wa'i pikuimisiapawa naye'e.

2 Pedro 2:1

Akane natiari'i'i ena tépiya'ira'iana tímijachawana'i profetana te namuri ena náchukanaveanaini israelítana. Natiari'iyarewa ena tépiya'ira'ianaya, tépiyakawanaya pastoreana eye'e, ena típichasika'eanayare, témejekapawacha'eanaya, apanaya eta náimiturapiana, wa'i émaima'i náechejisi'a ema Viákenu, énajiwa'i tíchawana'i natanuka'i eta náikuñayare, táija'uchirawayare'i eta náemitiekene'airayare.

2 Juan 1:10

Te natiari'inapuka naitekapaucha'e eti te iúrujisirarewa, te'esera esama apanaina eta naimiturapiana wa'i ekujakapa te epenana wa'iware ekuechejika;