Tito 3:1 - Táurinakene máechejiriruwa’i ema Viya tikaijare

¹ Pémechayarewa ena vichamuriana eta nasuapiraina ema ichapekene'i akenuka, tási'a, énapa ena tuparairukana. Énerichu pémechaware ena vichamuriana énaina nápajukawa eta náwanakare taye'e jákani emátanekanaya.

Ignaciano

¹ Pémecha­yareva ena vichamuriana eta nasuapiraina ema ichape­quenehi aquenuca, tásiha, énapa ena tuparai­rucana. Énerichu pémechavare ena vichamuriana énaina nápajucava eta návanacare tayehe jácani emata­ne­canaya.

Tito 3:1 ပူးပေါင်းရင်းမြစ်များ

San Mateo 22:21

Najikapapa: –Maye'e ema akenuka emperador. Taka'e ema Jesús máichawakapa: –Puiti táurika'i íjaraka ema emperador eta maye'eichu'i ema emperarador, tási'a íjarakaware ema Viya, eta maye'eichu'iware ema Viya.

1 Corintios 15:58

Táitusiawa, eti némunarukeneana'i nuparapenaveana, ímiyanawachucha eta étumechirawaina taye'e eta juka vé'iru'i, wa'i takuekekérekawa eta epanereruana. Ekaemataneakakenena yátupina ema Viákenu, taicha écharichu'i eti wa'i támapurujima'i eta ekaemataneasira'i ema.

Efesios 2:10

arairuinapa eta vítaresira maicha ema Viya, émaichuware tikajuruka'avi eta vé'isira'i ema Jesucristo, mawaraira'i víchayare eta táurikeneana, eta víchira'i, vítaucha'i eta mapanereruana akane.

Filipenses 1:11

nuwara'aware iápajusirawaina'ini eta íchakeneana táurikeneana eta ekaemataneasira'i ema Viákenu Jesucristo. Tási'a, tétavikawayare'i eta nakunachirayare'i ema Viya ena achaneana eta náimaira'e'i eti.

Colosenses 1:10

Víti viyaseaka'i ema Viya takuija'ini etapirawaina te mamira'u taicha eti machanera'e'i ema, ítaucha'ini tamutu eta ekaurisamurechirayare ema, táuri'ini eta ekaemataneasira'i, támutu'ini ítapara'a eta táurikeneana, iápajukawapáipa'iwaréni eta ímatirayare ema.

1 Timoteo 2:2

Énerichuware eyaseuchayare ena akenukana énapa ena apamuriana tuparairukana, apaesa táuri eta náechapajirisiraina eta awasareana, wá'ini vikuima'aini eta táiñe'ikeneana, víti vímiyanawa'ini viúri'ini te mamira'u ema Viya, vikapika'u'ini naye'e ena achaneana.

1 Timoteo 4:6

Te pímitukawaka eta juka ena vichamuriana, pímereka'i eta yátupira'i mawanaravi ema Jesucristo, eta juka táurinakene'i echéjirirukawa, étaichu'i eta vímiturapiana'i eta piye'e, eta tétumechaviyare eta pímiyanirawa'i pisuapa eta juka vé'iru'i.

1 Timoteo 5:10

Ésupa súkani tímatikare'i eta táuriwana'i eta suématanerepiana. Súkani tiúri'i eta sukajurusira'i ena suchichanaveana. Súkani tijakapara'i te supena naye'e nákani tichimarachanapa'i. Súkani tiuri eta suéchapajirisira ena vichamuriana. Súkani tamutu'i suítapara'a suicha eta táurikeneana.

2 Timoteo 1:6

Puiti nutuparakavicha muraka, wa'i pikukaema'a eta péchemaraiwa'i maicha ema Viya. Pímiyanawachucha, wa'i takumapuruji eta nunasira'i eta nuwa'uana te piápusi.

2 Timoteo 2:14

Pémechawaka ena pímitureana tamutu eta júkana. Pékatiakaicha muraka te máijare ema Viákenu. Wa'i nakuewataemajirikáka te jákani náechejirisirawana. Taicha tájina táijarakaima'i, machu étaina ta'apapika eta napanereruana'i ena vichamuriana eta nasámararasiraina'i.

2 Timoteo 2:21

Eta taka'e víti, ichape eta vijaneasirawayare taye'e eta tamaurikeneana. Yátupiyare'i eta vikamunukarewaina maye'e ema Viya, vítauchirayare'i eta vikaemataneasira ema. Jé'esare, ichapenapa eta vimunawayare'i maye'e.

Tito 1:16

Ena timijachawana'i naimati ema Viya, tímatikareana'isera eta namáe'isira'i ema Viya, taicha náichaichucha eta tamaurikeneana tíñema'iana, émasera ema Viya makaticha tamutu eta juka náichakeneana táiñema'ikeneana, ena nani, masuapajiraira'ana'i eta maye'e, tájinasera wa'i náituruekene'aima'i ena nani náicha'ini eta táurikeneana.

Tito 2:14

Ema, máepenina'avi'i, mawaraira'i makaichepaikaya tamutu eta víchira'i eta tamaurikeneana'i. Máepachinachayare tamutu eta tamaeperajiwana eta viáchanewana. Taicha mawara'a'i machanerakene'aviyare. Taka'e, puiti vichaya eta táurikeneana.

Tito 3:14

Pímitukayare ena vichamuriana eta achanesamurewakaina, máejerarena eta nakajiraiwaina naye'e ena achaneana, yátupina naitaucha eta nakamunukarewana'i.

Tito 3:8

Etasera eta juka yátupikene'i tasuapakarewa eta juka vímitukasiwa'i, eta juka néchejisi'akeneana'i puiti, nuwara'a pímitukayare tamutu sácheana apaesa náimiyanawa naicha eta táurikeneana ena vikutikeneana tisuapajira'iana me Viya. Tétavikawa'i táuriwa eta vímiturapiana, tájina táichirawaina, taicha eta juka tíjarakara'i eta náuriwaya naye'e namutu ena achaneana.

Hebreo 13:21

Ema Viya, máimikataka'e'ini ítaucha tamutu eta mawara'akeneana, íchira'i eta táurikeneana apaesa ekurisamurecha'ini ema, tamutu eta ítaresira eta é'isira'i ema Machicha Jesucristo. ¡Máitawakakayare eta vikunachira ema Cristo! Amén.

2 Pedro 1:12

Taka'e nuti, nupamikawa'i puiti eta némechira'eya eta júkana, tayanapane nímati'e'i eta ímatiraipa'i, murakaipaware eta é'isira'i eta yátupikeneana ímitukasiwana'i.

San Judas 1:5

Németeaka eti échaipa eta náichararakawa'i ena viáchukanaveanaini israelítana eta náuchusirapa te awasare Egipto, nuwara'asera némecha'e, éma'i ema Viákenu tikuchuku'awaka'i namutu ena. Té'esera te táekenepa, máitapaimurí'apa ena masuapajiraira'ana'i.