Tito 2:5 - Táurinakene máechejiriruwa’i ema Viya tikaijare

⁵ náitusirayarewa tipanererekana, napikaucha ena náimanaveana. Nasuapajira'iware naye'e. Napikauchakare nakaenakare te napenana, náitusiraina náechapajirika eta nayereruwana. Náuriwaina ena, apaesa takuija náechejisiakarewaina taye'e eta náe'isira'i eta máechejiriruwa ema Viya.

Ignaciano

⁵ Náitusi­ra­yareva tipane­re­recana. Napicaucha ena náimanaveana. Nasuapa­ji­ra­hivare nayehe. Napicau­chacare nacaenacare te napenana, náitusiraina náechapa­jirica eta nayere­ruvana. Náurivaina éna, apaesa tacuija náechaji­sia­ca­reváina tayehe eta náehisirahi eta máechaji­riruva ema Viya.

Tito 2:5 ပူးပေါင်းရင်းမြစ်များ

Hechos 9:36

Te jena sácheana'i, sutiari'i esu esena tikaijaru Tabitá, te naéchejiriruwa griego eta takayemakene'i Dorcas. Esu, tikawasa'i eta te awasare Jope. Ésuichu'iware té'ika'i ema Jesús. Eta suítaresira'i esu suka esena, sukajiwaka ena páureana eta suíma'akeneana.

Hechos 9:39

Taka'e, tiyanapa ema Pedro, máe'ikawakapa ena. Te títekapanapa, náimisiapapa eta te taju'e suávi'a'i esu Dorcas. Namutu ena esenana tepenaimana, te náima'apa ema Pedro, náurujiakapa. Náimechapa eta namuiri'ana supariruana'i esu te achaneicha'a.

Romanos 14:16

Máchuware émechejisiawa taye'e eta ímatikene'i tiúri.

Romanos 2:24

Taicha taka'e'i eta Ajureka: “Ena achaneana wa'i napikaucha'ini ema Viya, íchavene'i eti.”

1 Corintios 11:3

Nuwara'asera némecha'eyare eta juka apanaware téchakare'i, ema Tata Vikaiyakene, ema machutiri'a'icha ema Cristo. Ema Cristo, émapa vichutiri'a'i vimutu viti ajairana. Ene naka'e'i ena ajairana nakaparapekeneana, ena nachutiri'ana'iware ena esenana nayenana.

1 Corintios 14:34

Ena vichamuriana esenana timatinanayare'i, wa'i téchejikanaima'i. Nasamarasinawaichucha. Taicha suíjaraichu'i me Viya esu esena susamararasirayareichu'i.

Efesios 5:33

Tási'a, nuwara'a yátupina ákaikutiara eta juka nukayemakene'i, tituparaka'e'i eti ajairana, yátupina eta émunasiraina ena eyenana takuti eta émunasira'i eta iáke'e, éneichuware eti esenana, tituparaka'e'i epikauchayare'i ena ímanaveana.

Colosenses 3:18

Éti'ipa eti esenana ekaimakeneanaripa'i, epikauchayare'i ena ímanaveana, esuapajira'iyare eta naye'e, taicha etupara'a'i eta é'isira'i ema Viákenu.

1 Timoteo 5:10

Ésupa súkani tímatikare'i eta táuriwana'i eta suématanerepiana. Súkani tiúri'i eta sukajurusira'i ena suchichanaveana. Súkani tijakapara'i te supena naye'e nákani tichimarachanapa'i. Súkani tiuri eta suéchapajirisira ena vichamuriana. Súkani tamutu'i suítapara'a suicha eta táurikeneana.

1 Timoteo 6:1

Ena vichamuriana músuana'ipuka, tatuparakawaka'i napikauchayare ichape ena nákenuana'i, wa'i tijikapairi'ianaima'i apaesa wa'i nakuyunaka ena achaneana eta máijare ema Viya, wá'iware nakukaeka'i eta vímiturapiana.

Tito 2:4

náimitukayarewa ena amaperuana esenana náemunasiraina ena náimanaveana énapa ena nachichanaveana,