Tito 2:14 - Táurinakene máechejiriruwa’i ema Viya tikaijare

¹⁴ Ema, máepenina'avi'i, mawaraira'i makaichepaikaya tamutu eta víchira'i eta tamaurikeneana'i. Máepachinachayare tamutu eta tamaeperajiwana eta viáchanewana. Taicha mawara'a'i machanerakene'aviyare. Taka'e, puiti vichaya eta táurikeneana.

Ignaciano

¹⁴ Éma, máepeni­na­havihi, mavarairahi macaiche­paicaya tamutu eta víchirahi eta tamauri­que­neanahi. Máepachi­na­chayare tamutu eta tamaepe­ra­jivana eta viáchanevana. Taicha mavarahahi machane­ra­que­ne­ha­viyare. Tacahe, puiti vivapi­na­va­yarehi vicha eta táuri­ queneana.

Tito 2:14 ပူးပေါင်းရင်းမြစ်များ

San Mateo 1:21

Taka'e, te máuchukapa ema amuya, pinakayare eta máijareyare Jesús. Ema tikatiuchayare ena achaneana, taye'e eta napekaturana.”

San Mateo 20:28

Taicha éneichu'i maka'e'i ema Machicha ema Ajaira, wa'i étaina taímiteka'ini makaitatikasi'ini, émayare'i títati'e eti.

San Mateo 3:12

Márajapainapa tinerejirikainapa nákani yátupikeneana'i té'ikanayare. Takutinapa mákani achane tiákatayajirika'i eta ma'arusura máunakainapa eta taki. Tási'a mákijikapa eta tapirakiji, máijuchainapa te yuku máitawakakayare'i eta tamuruira.”

San Juan 10:15

Éneichuware taka'e'i eta nímatirawaka'i ena nuchanerana. Ena tímatinuana'iware. Eta néñamairawaka'i, nuti nímijararekawa'i eta nítaresira náichavene'i ena.

San Juan 6:51

Nutira eta pan tikaitarekara'i, taukupairu'i te anuma, nákani tinikanayare eta neche, máichekuarakireyare eta náitaresiraya, eta juka pan nijararu'eyare eta'i eta neche, taicha nuwara'a takaitarekawaka'ini namutu ena achaneana.”

Hechos 15:14

Ema Simón Pedro timetaka'avipa te tépanawainapa majakapawakainapa ema Viya ena apawasana machaneranayare'i ema.

Hechos 15:9

Ema Viya, nájina manerejiruina eta máemunasira'avi, témunaka'avi'i vimutu viti, eta taka'e'i, masípasinawakaipa eta nasamureana ena táichavene'i eta nasuapira'i.

Hechos 20:28

Tiuri puiti, ejaneakawayare eti, éneichuware ejaneakayare ena iúmuriwana, taicha etupara'aipa maye'e ema Machanewa Viya eta ejaneasirayare ena manerejiruana'i ema Viákenu, énavene'i tépena'i ema, máepusaika'i eta máitine.

Hechos 9:36

Te jena sácheana'i, sutiari'i esu esena tikaijaru Tabitá, te naéchejiriruwa griego eta takayemakene'i Dorcas. Esu, tikawasa'i eta te awasare Jope. Ésuichu'iware té'ika'i ema Jesús. Eta suítaresira'i esu suka esena, sukajiwaka ena páureana eta suíma'akeneana.

Gálatas 1:4

Ema Viákenu tíjarakawa'i tépena te crusu taicha mawara'a'i tikuchuku'a'aviyare taye'e eta víkuñayare'ini táichavene eta vipekaturana, makamitiasina'avi'ipa'iware eta vijamurachiraini'i eta tamaurikeneana taye'e eta juka apake'e, eta taka'e'i eta mapanereru'i ema Tata Vikaiyakene.

Gálatas 2:20

Eta nusuapira'i eta máepenira'i ema Cristo te crusu, nujakapakare'i me Viya, puiti, waipa nútijiwaina necha eta nítaresira'i, émapa téchanu'i ema Cristo tamutu eta nítaresira'i. Émapa nukasiña'i taicha yátupi'i eta makasiñakarewa'i taicha yátupikene'i Machicha'i ema Viya. Eta máemunasiranu'i, tímijararekawa'i níchavene'i nuti.

Gálatas 3:13

Ániware taka'e eta Takapika'ukene Ajureka: “Mákani achane ichape eta maviurewa, tikaetatakasiyare'i te yukuki, eta táikutiara'i eta máikuñasirayare ema Viya eta máchanewa.” Viti achaneana, ichape eta víkuñayare'ini taicha eta vimaitauchira'i tamutu eta wanairipiana, émasera ema Jesucristo, tépenina'avi'i te crusu, tamuriasira'i tamutu eta víkuñayare'ini víti.

Efesios 1:11

Eta maye'e ema machicha Jesucristo ema Viya tinerejika'avipa tatiwa'i apaesa vijachapa eta maikure'avi'i, eta taka'e eta maitauchirayare'i ema Viya eta mapanereru'i.

Efesios 2:10

arairuinapa eta vítaresira maicha ema Viya, émaichuware tikajuruka'avi eta vé'isira'i ema Jesucristo, mawaraira'i víchayare eta táurikeneana, eta víchira'i, vítaucha'i eta mapanereruana akane.

Efesios 5:2

Émunajirikakayare eta ítaresiraya. Ekutiyare ema Cristo eta máemunasira'avi'i. Ema, makurisamurechaipa ema Maiya eta máimijararesirawa'i víchavene'i víti, makuti'i eta uvesa nakaparu'i, eta námawa'u'i me Viya.

1 Timoteo 1:15

Nuwara'a námutu'ini ena achaneana nasuapa eta vé'iru'i taicha yátupi'i eta juka vímiturapiana: Ema Viákenu Jesucristo tímiteka'i te juka apake'e makuchuku'awakayare'i ena tikapekaturara'iana.

1 Timoteo 2:10

Étaipa náurinawa'i yátupikene'i, eta náimeresirawaina eta yátupina náe'isira'i ema Viya, náichirainaware eta táurikeneanapa.

1 Timoteo 2:6

Ema Viákenu Jesucristo tíjarakawa'i tépena taicha eta makuchukuira'aviya vimutu viti achaneana, puítisera mawara'a máimimatichayare namutu eta juka arairu'i vímiturapiana.

1 Timoteo 6:18

Taka'e, ena vichamuriana ríkuana'i, pímitukawakaicha'aware eta náuriwainaicha, náimikatara'i ichape taye'e eta ematanekana. Nájapanura'i nakajira'i naye'e ena tikamunuwanapa'i, tátupiruwa te nasamure eta náijarasiraina.

Tito 2:7

Tamutu eta juka, pinakipairuyare píti eta piúriwaina, apaesa étaina náe'ika ena vichamuriana eta piúriwa'i píti. Etanaichu eta pímiturapiya, wa'i pi'apapikaima'i eta pímitukasiwa'i. Wá'iware pikuitsiwacha. Tapikauchakare eta pímituresiraya,

Tito 3:8

Etasera eta juka yátupikene'i tasuapakarewa eta juka vímitukasiwa'i, eta juka néchejisi'akeneana'i puiti, nuwara'a pímitukayare tamutu sácheana apaesa náimiyanawa naicha eta táurikeneana ena vikutikeneana tisuapajira'iana me Viya. Tétavikawa'i táuriwa eta vímiturapiana, tájina táichirawaina, taicha eta juka tíjarakara'i eta náuriwaya naye'e namutu ena achaneana.

Hebreo 1:3

Ema tikaye'e'i eta majaraiwa'i máijararu'i ema Maiya. Eta máukupaisira'i eta viye'e, tímimaticha'avipa eta máuriwa'i ema Maiya. Tási'a, te tamutupa eta makaepa'aira'i eta vipekaturana, tichawapa te anuma. Ánaki ema Maiya makaejakapa te maejasi'ayare te mawaure,

Hebreo 10:24

Puiti vikamesawa eta vétumechawayare vímikatajirikakayare eta tápajusirawaina eta vémunaraiwanaya, vímitukakayarewa eta víchirayare eta táurikeneana.

Hebreo 9:14

Eta apana taka'e'i eta juka, ¡tavetijichapuka eta maitine ema Cristo ichape'i eta taitupajijiasirawa'i! Eta taka'e'i maimereka'i maye'e ema Machanewa Viya, maitawakaka, émasera ema Viákenu Cristo tijararekawa'i emajiwa te mamira'u ema Maiya, eta makatajiwaira'i tajina tachipe'ini, eta maitine étapa tepachinacha'avi'i eta vipanereruana eta vichira'i eta tamaurikeneana tiama'aviyare'ini eta vepenira, puitisera tajinapa eta taviucha'avi'ini eta vikaemataneasira ema Viya.

Santiago 4:8

Puiti, yátupina eta epauchira'i ema Viya. Tási'a, ema apanaware tipaucha'eyare. ¡Ínajikapa puiti eta íchira eta tamaurikeneana epekaturana! Émitisikainapa eta ejamurachira eta tájiparakana te esamureana, eti ewara'ana e'ikana émunaka ema Viya, waipa ekupanerecha eta naye'erepiana ena achaneana masuapajiraira'ana te juka apake'e.

1 Pedro 1:18

Ema Viya tikuchuku'a'eipa taye'e eta tamauriwaini'i eta ítaresirana, iámapirikaicha'a eta naye'erepianaini ena iáchukanaveanaini. Échaichu'i eti eta mawacharesira'e'i ema Cristo eta iúchukuira'i, wá'isera plátaina'ini, úruina'ipukaini,

1 Pedro 1:22

Puiti tipachinaipa eta iáchanewana táichavene'i eta esuapira'i eta yátupikene máimiturapiana ema Jesucristo. Eta taka'e, ímerekawainapa puiti yátupina eta émunasirakaka'i naye'e ena echamuriana. Ewapinawaware eta te esamureana eta émunasirakakaira'i.

1 Pedro 2:12

Iúri'isera eta ekachaneraicha'a ena achaneana te juka apake'e máimatira'ana'i ema Viya. Tayanapane nakatianaka'e, naechejika eta eye'e, ekuti'i ena máuritaresirana náicha'e. Ímerekayaresera eta iúriwa'i apaesa ena nakunachayare ema Viya, nawara'ainapa náe'ika ema, taicha náima'a'i eta táuriwa'i eta ítaresirana'i.

1 Pedro 2:9

Étisera manerejiru'eipa ema Viya, machicha'eipa. Tachicha'eipaware eta máwasa. Tituparaka'eipaware ema eyaseuchinawakayare ena achaneana eta maye'e. Majupa'a'e'iware ema Rey. Puiti émapa makarichu'i técha'e'i, taicha maveku'akene'eipa taye'e eta timapiku, tímisiapa'eipa taye'e eta táurikakarekene majaraiwa ema.

1 Pedro 3:18

Taicha ema Cristo, éta'eichu'i vímikapaka'i, táichavene'i eta vipekaturana. Ema, tétavikawa eta máuriwa, matapiraware'iware. Tíjarakawa'isera tikatajiwaya víchavene'i víti wínarajikeneana, mawaraira'i tiáma'avi me Viya. Tépena'i eta máke'e, étasera eta máchanewa tímiyanawaichucha títareka.

1 Juan 1:7

Té'esera yátupina eta visuapira eta mawanairipiana, vinasi'ichu'i eta te majaraiwa'i ema Viya, takuti'i eta manasiraichu'i ema eta te majaraiwa'i. Tási'a, eta vinasiraichu'i eta te majaraiwa'i, viúritarekayare'i eta viúrujiusirakaka naye'e ena vichamuriana. Éneichuware máepachinachayare tamutu eta vipekaturana, taicha te tépenapa ema Jesucristo Machicha ema Viya, máepusaika'i eta máitine eta máepachinachira'aviyare'i.

1 Juan 1:9

Té'esera vitupiruwa'i eta vimetauresirawa'i eta vikapekaturairana maye'e ema Viya, je'ewarepa vikasiñawainapa maye'e ema Viya, ema matapijraware, japanupavinapa eta vichira eta vipekaturana, tási'a tepachinacha'avinapa eta taiñema'ikeneana vipanereruana.

1 Juan 3:2

Nuparapenaveana némunarukeneana, machicha'avipa ema Viya. Vuícha'asera tímecha'avi ema eta viúriwayare. Véchaipasare eta vikutirayare ema Jesucristo eta te machawa. Taicha víma'ayare eta máima'ikene ema.

Apocalipsis 1:5

Ema Viákenu Jesucristo, ema yátupikene'i tiámaparaucha'avi'i eta juka vímitukasiwana'i. Éneichu'iware ema máinapuiru'i téchepuka te máekari. Namutu'i makachuriakawakaya ena reyeana te juka apake'e. Ema, yátupi'i eta máemunasira'avi'i, masipasina'avi'i eta viáchanewana taye'e eta vipekaturana te máitine máepusairu'i,

Apocalipsis 5:9

Tijirana'i eta juka jirasare arapiru, ánipa naka'e: “Pikarichu píti tituparakavi'i eta pikaratasirayare eta ajureka, pivepistasirayare eta taye'eana sello, Tituparakavi'i taicha píjarakawa'i píti tímikapakavi'i, eta pepusaisira'i eta pítine eta viwacharesira'avi'i vimutu te mamira'u ema Viya víti apaimamajikene'avi'i te juka apake'e, apánapaneneji'iware eta vechejiriruwa. Apawasana te juka apake'e.