Tito 2:12 - Táurinakene máechejiriruwa’i ema Viya tikaijare

¹² Puiti ema Viya mawara'a eta táuri eta vítaresiraina te juka apake'e. Mawara'a yátupina eta vítusiraina vipanerereka, étapa eta vítauraiwaina tamutu naye'e ena achaneana, étapa eta vítauraiwaina maye'e ema Viya. Waipa víchaima'i eta tájiparakana tamaurikeneana'i. Wáipaware víchaima'i eta tajamurachakeneana eta viáke'e,

Ignaciano

¹² Puiti ema Viya mavaraha eta táuri eta vítare­siraina te juca apaquehe. Mavaraha yátupina eta vítusiraina vipane­rereca, étapa eta vítauraivaina tamutu nayehe ena achaneana, étapa eta vítauraivaina mayehe ema Viya. Vaipa víchaimahi eta tájipa­racana tamauri­que­neanahi. Váipavare víchaimahi eta tajamu­ra­cha­queneana eta viáquehe.

Tito 2:12 ပူးပေါင်းရင်းမြစ်များ

San Mateo 12:32

Ema Viya maemetavikaya eta maviurewana'i maye'e ema Machicha ema Ajaira, te'esera mákani kaeka'i'i ema Machanewa Viya, waipaine'i makaepa'aima'i eta mapekatura, tájina majapanukarewaima'i puiti juka vítaresiraicha'a, tavetijipa te apana vítaresira.

San Mateo 16:24

Taka'e ema Jesús máichawakapa ena máimitureana: –Nákani nawara'a náe'ikanu, takamunu náinajikawa tamutu eta ti'apapirikawaka'i, náijarakawa eta táimikapasiraina eta náe'isiranu'i.

San Mateo 28:20

tási'a ímitukayarewa eta nasuapiraina, tamutu eta nímiturapiana'i eta eye'e, nuti nukune'eyare tamutu sacheana, tási'a te'epa eta taichekuinepa eta apake'e.

San Lucas 1:6

Ema Zacarías ésupa esu mayena, tájina náichirawaina'ini te mamira'u ema Viya. Tamutu'i naitaucha eta mawanairipiana ema Viákenu, taka'e tájina náechejisiekenena'ini naye'e ena achaneana.

San Lucas 1:75

eta víchiraya eta taurikeneana, tási'a vika'erayare'i te mamira'u ema tamutu eta vítaresira.

San Juan 14:30

Ánipine puiti eta juka néchejirisirawa'i eta eye'e, taicha áwanepaipa títekapa ema wínaraji, ema yátupi'i tákenu'i eta juka apake'e. Wá'ikenesera títa'akanuima'i nuti,

San Juan 6:25

Te títekapanapa, ena achaneana te apachara eta kákiure, náetupiakapa ema Jesús. Tási'a, nayaserekapa: –Maestro, ¿tájamu'u pítekapa'i eta ani?

Hechos 24:16

Nuti, eta nusuapira'i tamutu eta juka, wa'i náwara'a'ini néjekapawa'ini te mamira'u ema Viya, wá'iware náwara'a'ini néjekapawa te namira'u ena achaneana.

Hechos 24:25

Eta máechejirisirawa'i ema Pablo, mametakapa eta maitaresira wa'i maichaima'i eta tamaurikeneana etapa eta nakaikuñairaya ena masuapajiraira'ana te apana naitaresira, taka'e ema Félix tiáramekaine'i maichapa: –Puiti'ichu piyana. Nimichu'avine te nitujikawa.

Romanos 12:2

Éneichuware eta ítaresirana, waipa ekue'ika eta taye'erepi eta juka apake'e, ítsiwachapasera eta epanereruana, apaesa támutupa apanaina'i eta ítaresiraina, tási'a, ímatisarepa eta mawara'akeneana'i ema Viya, ítukayarewa icha eta táurikeneana. Ekurisamurechayare ema eta íchira eta tatupiruwakeneana'i.

Romanos 6:12

Eta taka'e eti, waipa ekuisapa eta tapamisira'e eta pekatu. Wá'iware ekusuapa jákani tajamurachakeneana'i eta iáke'eana, taicha tétavikawa'i eta tamauriwa'i eta tajamurachakeneana'i.

Romanos 6:19

(Nímikutichina'e'i eta juka, taicha wa'i máejerarena eta ekaikutiarairaina eta, nuwara'a yátupina ekaikutiaraya) Kape eta ítaresira'i, étaicha'a íjarareka'i eta iáke'e taye'e eta tamaurikeneana, étaviucha'i eta ewínarajiwanaini'i, puiti íjararekaya eta iáke'e íchayare eta táurikeneana, táuriwaya eta ítaresira, takuija ta'apapika'e eta ekaemataneasiraya ema Viya.

Romanos 8:13

Taicha te etachuchapuka esuapa eta tamaurikeneana tawara'akeneana'i eta iáke'e, tájinapa iuchukuiyaima'i, ekaikuchi'i eta épeniraya, té'esera é'ika'i eta mawara'akene'i ema Machanewa Viya, ínajikayarewa eta íchira eta tawara'akeneana'i eta iáke'e, ejákapainapa eta íkuchi'i eta ítaresirainapa.

2 Corintios 1:12

Visamawa'isera viti eta vikunachirawa'i eta tájinaira'i víchirawaina'ini, wá'iware apipiema'avina'ini. Santuru'a'avi'ipa te nataraku namutu ena achaneana, evetijipa eti. Éma'isera ema Viya tímikataka'avi'i táuri'i eta vítaresira'i táichavene'i eta máemunasira'avi'i, wa'i vítijiriruwaina'ini eta vítupajijiasirawana'i.

2 Corintios 7:1

Taka'e, némunarukeneana nuparapenaveana, wa'i táwara'a'ini vínajikawa'ini taye'e eta juka vikuchapakene'i puiti. Taka'e, vépachinachayare'i tamutu eta viáke'e étapa eta viáchanewa. Víjarakawayare'i tamutu te visamureana me Viya taicha eta vipikauchira'i ema.

Gálatas 1:4

Ema Viákenu tíjarakawa'i tépena te crusu taicha mawara'a'i tikuchuku'a'aviyare taye'e eta víkuñayare'ini táichavene eta vipekaturana, makamitiasina'avi'ipa'iware eta vijamurachiraini'i eta tamaurikeneana taye'e eta juka apake'e, eta taka'e'i eta mapanereru'i ema Tata Vikaiyakene.

Gálatas 5:24

Taka'e, viti vé'ikanaipa ema Jesucristo, waipa víchaima'i eta tamaurikeneana'i tajamurachakeneana'i eta viáke'e taicha tamutuipa'i vikapaka.

Efesios 1:4

Akane, te tamira'u eta táepanirawapa eta apake'e, ema Viya tinerejika'avipa maye'e ema Machicha Jesucristo apaesa vitinapa machaneranayare ema, eta taka'e tajinainapa eta vipekaturaina,

Efesios 2:2

kape juka ítaresira'i eti, e'ika'iware eta taye'erepiana eta apake'e, tamaurikeneana'i. Esuapa'iware eta mawara'akeneana ema wínaraji, ema mapamikawaka'i ena achaneana masuapajiraira'ana'i me Viya.

Colosenses 1:22

Eta taka'e'i eta máimitesira'i ema Jesucristo te juka apake'e. Tépena'i te crusu táichavene'i eta makaepa'airayare eta etapirawanaini'i, masantuchira'eyarewa, apaesa takuijapa ekuawamira'u te jena sácheyare eta mámira'eyare te mamira'u ema Viya.

1 Tesalonicenses 4:7

Taicha víti máichu'akeneanaipa ema Viya, mawara'a tiúrinayare eta vítaresiraya, waipa víchaima'i eta juka tamaurikeneana.

1 Tesalonicenses 4:9

Puiti tájinapa, waipa néñamawa eta eye'e eta émunasirakaka'i, taicha ema Viya tíjaraka'eipa eta émunasirakaka'i.

1 Timoteo 4:12

Pikuneuchawa, apaesa wa'i nakuepuruvi eta pímituresira'i, taicha eta piámaperuwaicha'a. Pímerekayare eta piúriwa apaesa étaina náe'ikavi ena vichamuriana. Tauri eta péchejisiraina, eta pítaresiraina. Pémunara'i naye'e ena vichamuriana, énapa ena apamuriana achaneana.

1 Timoteo 6:17

Énerichuware ena vichamuriana'i tikaima'akeneana'i ríkuana'i, pímitukawakayare eta wa'i nakukajamurawa, wá'isera nakukasiñawa eta nakaima'akenéra'i, taicha tijurikati títawa eta náima'akeneana'i, témitiekene'apa tamutu. Nákasiñawasera maye'e ema Viya, jé'ewarekene ema tikasiñakare, ema tíjaraka'avi'i tamutu eta vikamunukeneana, viúrisamurereka'i máicha.

1 Timoteo 6:9

Énasera nákani tipanerechana'i tirrikuchawana, apánapanepa eta najamurachakeneana, takananesirikapa eta naplatanechiawaya, énajiwapa tímikuñakawana taicha eta najamuraraiwana súnsurupiana'i, eta juka tikauyayakare'i étaina táimikuñaka eta náchanewana.

2 Timoteo 3:12

Yatupisera namutu nákani, tiwara'anaya tiuri eta naitaresira, eta nawa'asira ema Viakenu Jesucristo katajiwanayare taichavene eta napanajirisiraya.

2 Timoteo 4:10

Puiti tijunijikanuipa ema Demas, taicha tétavikawa'i majamurachira'i eta mawara'a tikaima'akeneyare te juka apake'e, tiyanapa makaiju'e'i taye'e eta Tesalónica. Émasera ema Crescente, néwataka'i te tinapaika Galacia, éneichuware ema Tito, néwataka'iware te tinapaika te Dalmacia.

Tito 3:3

Víti, akane éneichuware vika'i maiturere'avini'i masuapajira'avi'i. Tatajina vechakenena, vicha'i eta tamaurikeneana taicha tamusura'avi'i eta taiparakana te juka apake'e. Vicha'i eta ta taiñema'keneana, vikapinarureka'i tikaticha'aviana'i tási'a vikatichajirikaka'iware.

Hebreo 8:11

Waipa nákamesaima'i tikaimitukasiana naye'e ena nachamuriana, énaipa ena naparapenaveana eta náimatiranuyare nuti yátupikenenu'i nákenunu'i, taicha namutuinapa tímatinuanayare, ena amaperuana, ena ichanaruana, énapa ena ichavikana.

Santiago 1:27

Vítisera, eta vítauchira'i eta yátupikene té'ikakare, te viwara'a tájina véchejisiakarewaina te mamira'u ema Tata Vikaiyakene: tatuparaka'i vijapanuyare vítatiyare ena amaperuana wáchachichana énapa ena náepenaimakeneana taye'e eta nakamunuirawana'i, tituparaka'avi'iware wa'i víchaima'i eta pekatuana te juka apake'e.

2 Pedro 2:9

Eta taka'e, ema Viya tétavikawa'i eta makatiuchira'avi puiti, tikuchuku'a'avi eta viatajiwana viti vé'ikana'i ema, taye'e eta viátajiwana, énerichuware yátupi'i matsekaipa eta náikuñayare nákani achaneana masuapajiraira'ana'i.

2 Pedro 3:11

Tási'a eti, échaipa'i eta juka táitavirayare'i eta anuma étapa eta apake'e. Puítipa takamunuipa'i ámutu'ini ésenika'ini ema Viya, étaviucha'ini eta iúriwa'i eta ítaresira,

1 Juan 2:27

Eti, máwa'aru'eipa ema Machanewa Viya, mawaneru'i ema Jesucristo. Tási'a, nájina apanaina ákamunu'ini náimituka'e'ini, taicha tímituka'e'i tamutu ema Machanewa Viya. Ema, yátupikene'i eta máechejiriruwa. Ánasichu iáwa'aka'i ema Jesucristo.

1 Juan 2:6

Ema tika'eana viti viáwa'aka ema Viya, tási'a, takamunu'i eta táuri'ini eta naitaresiraina'ini tákuti'ini eta táuriwa'i eta máitaresira'i ema Jesucristo.

1 Juan 5:19

Taicha vécha'i eta makachichaira'avi'i ema Viya, kamuripananasera ena machanerana'i ema wínaraji.

San Judas 1:18

naicha'ineni: “Eta taitekapiraya eta juka añuana, natiari'inapa ena achaneana, kaeka'ira'ianaya eta naitaresiraya napanerechaya eta nae'isiraya eta tamaurikeneana.”

Apocalipsis 14:12

¡Eta taka'e, ena machanerana'i ema Viya, ena tisuapana'i eta mawanairipiana, túmesamureanayare eta náe'isiraya ema Jesús, puiti nakamichayare'i tamutu!