Tito 2:11 - Táurinakene máechejiriruwa’i ema Viya tikaijare

¹¹ Ema Viya, japanu'avi'i vimutu viti achaneana. Eta taka'e, máimitesina'avi'i puiti ema Machicha eta makuchukuira'aviya.

Ignaciano

¹¹ Ema Viya, acaneripa eta majapa­nui­ra­havihi vimutu viti achaneana. Eta tacahe, máimite­si­na­havihi puiti ema Machicha eta macuchu­cui­ra­haviya. Eta juca tímicae­che­rachahi víti eta majapa­nui­ra­havihi ema Viya.

Tito 2:11 ပူးပေါင်းရင်းမြစ်များ

San Mateo 28:19

Eyanayare puiti, epaikayare tamutu eta awasareana. Tási'a ímitukayare ena achaneana, nuchaneranaina ena apanaware, íkachasikawakaya te máijare ema Tata, ema Machicha, tási'a émapa ema Machanewa Viya,

Marcos 16:15

Tási'a máichawakapa: “Eyana epaika tamutu eta awasareana eta te juka apake'e, ekametarairuyare eta tiúrina echéjirirukawa naye'e ena achaneana.

San Lucas 24:47

tási'a etayareichu'i námapikayare eta maíjare eta naímitusirayare ena achaneana tikawasana'i te tamutu eta awasareana. Étaipa te juka Jerusalén, emétakawakayare eta náeñauchirawaina me Viya, apaesa makaepa'a eta napekaturana,

San Lucas 3:6

Naima'aya namutu achaneana eta máitekapiraya ema tikuchuku'a'aviya mawaneru ema Viya.’ ”

San Juan 1:14

Émaichu'ineni ema Echéjirirukawa, tépiyakawapa ajaira'i, tási'ia tikachane'avipa viye'e viti, tási'a vima'a'i eta majaraiwa, majachapakene'i me Maiya, táicha makarichu'i machicha, tetavikawa'i eta yátupikenera'i maemunaraiwa'i.

San Juan 1:9

Eta yátupikene'i tijara'i timikaucha'i namutu ena achaneana tiavi'ana'i te juka apake'e.

Hechos 11:23

Taka'e, te títekapapa ema Bernabé te Antioquía, máima'apa eta máimikatasirawaka'i ema Viya. Tiúrisamureine'i, maechejirikawakapa namutu ena, eta náetumechirakakaina eta náe'isira'i ema Viákenu.

Hechos 13:43

Taka'e titawapa eta naurujisirawa'i eta te peti naurujisirarewa ena juriyuana, kamuriana ena juriyuana té'ikanaini'i eta naye'erepianaini, namutu ena nae'ikapa ema Pablo emapa ema Bernabé, enasera naechejirikapa eta naetumechirawaina eta nae'isira'i najakapira'i eta maemunasira'i ema Viya.

Hechos 13:47

Taicha víti viwanekasiwa'i me Viya, vítauchayare eta juka mawanairipi, ani maka'e'i: ‘Nutuparakaviyare píti pimikauchayare tamutu awasareana te juka apake'e, Piamayare eta néchejiriruwana pikametarairuyare naye'e ena achaneana ánaki te tayere'ikenepanana taye'e eta juka apake'e.’

Hechos 17:30

Te vikasiñaraji'ipuka eta vépiyaruana, vimáimatiraicha'a. Ánakiapaipa eta makamichira'i ema Viya, ena achaneana eta nakasiñaira'i eta nasiñarajiana. Puítisera waipa makamicha eta juka. Tiwaneka'avipa vimutu viti eta véñauchirawaina eta maye'e.

Hechos 20:24

Tájinasera wa'i nupikakawa, tayanapaneine népenapuka, wa'i néñama eta nítaresira. Nuwara'a nímiyanawaya eta núriwa'i maye'e ema Viya, nuwapinawa'i eta nítauchiraya eta nutuparakasiwa'i maye'e ema Viákenu Jesucristo. Taicha ema tituparakanu'i nukametarairuya eta máemunasira'avi'i ema Viya vimutu viti achaneana.

Romanos 10:18

Nutisera nuyasereka'e ¿Wa'ipuka esama'ini eta maechejiriruwa ema Viya? ¡Tiuriesama'ineni! Taicha eta Takapika'ukene Ajureka ani taka'e: “Tamutuipa'i te juka apake'e tikasama'u'i, eta máechejiriruwa ema Viya tamutuipa'iware takaitatapa'i'i te juka takiñakukujiana te apake'e.”

Romanos 5:15

Eta mapekatura ema Adán waipaine'i takutinasima'i, eta vijarakasi'i tiasi'a maye'e ema Viya. Taicha eta maejekapirawa'i ema emanaichu achane namutu tepenarakana'i, etasera eta tiasi'a me Viya vijarakasi'i tajina tawachaina'ini tiasi'a maye'e ema emanaichu'i achane, ema Jesucristo, eta tiapajupanawa'i tikatiucha'avi'i vimutu.

Romanos 5:2

Máichavene'i ema Cristo, tétavikawa'i eta majapanuira'avi'i ema Viya. Tási'a, tijakapa'avipa, táichavene'i eta vikasiñawaira'i eta maye'e, vijakapirayare eta víkuchi'i visiapirayare te majaraiwa'i ema Viya.

2 Corintios 6:1

Tási'a, viti mawanara'avi'i ema Viya, viyaseaka'eyare ímiyanawa tauri eta é'isira'i ema. Wa'i ekuemepurureka eta máemunasira'e'i, majakapira'e'iware.

Gálatas 2:21

Wa'i némepururekaima'i nuti eta máemunasiranu'i ema Viya. Narari'isera ena tímijachawana'i tijakapakareana maye'e táichavenechucha eta nawaraira'i naitaucha eta wanairipiana. Ena nani, tímikutijirikawa'i náemepurureka'i eta mapanereru étapa eta máemunasirawaka'i. Tímikutijirikawa'i náemepurureka'iware eta máepenira'i ema Jesucristo te crusu.

Efesios 2:5

Tíjaraka'avipa arairupa eta vítaresira táichavene'i eta viúrujiasira'i ema Cristo. Táichavene'i eta majapanuira'e'i, tikuchuku'a'eyare'i.

Efesios 2:8

Taicha eta viúchukuirayare eta viápechirawaya vítareka, étavene'i eta majapanuira'avi'i ema Viya. Vijakapakareipa eta maye'e, táichavene'i eta vikasiñaira'i ema Jesús. Wa'i étaparakaina takuchuku'a'avi'ini eta víchakeneana'i, ema'i ema Viya tijarakasicha'avi'i eta viuchukuira.

Colosenses 1:23

Taka'e, nuwara'a étumechawayarechucha, ímiyanawa táuri eta é'isira'i. Wa'i ekuyakujiekene'awa eta ekuchapira'i eta iúchukuiraya. Wa'i ekuemepurureka eta esuapiraipa'i eta máechejiriruwa ema Viya. Tétavikawa'i tasuapakarewa'i naye'e namutu ena achaneana te juka apake'e. Núti'ipa nuti Pablo wanairukakenenu'i, étaichu'iware taka'e'i eta nukametarairuira'i.

Colosenses 1:6

etupiruwa'i esuapa eta ímitukasiwa'i, te esamainapa eta máemunasira'e'i eti apanawa ema Viya. Étaichu'i eta juka naímiturapi'i naye'e ena apamuriana achaneana tikawasana'i te apanana awasareana.

2 Tesalonicenses 2:16

Nuparapenaveana, tétavikawa'i eta máemunasira'avi'i ema Viákenu Jesucristo, émapa ema Tata Vikaiyakene. Tayanapane wa'i viúri'ini, énasera nawara'a'i tikurisamurecha'avianaya. Tási'a, vikunewainapa eta viúrikakarewaya, máichekuarakirenapa náicha,

1 Timoteo 1:14

Tási'asera tétavikawa'i eta máemunasiranu'i ema Viákenu Jesucristo, ichapeine'i eta máijarasiranu'i eta nusuapira'i yátupi ema, étapa eta máijarasiranu'i eta némunaraiwa'i.

1 Timoteo 2:4

Taicha mawara'a'i ema máimimatichayare namutu ena achaneana eta yátupikeneana máechejiriruwana apaesa náuchuku'a ena apanawa.

2 Timoteo 1:10

Puíticha, eta majapanuira'avi'i ema Viya, máewatasina'avi'i ema Machicha Jesucristo tikatiucha'aviyare'i. Ema, máechepure'i te máekari. Puiti manakika'i eta Arairu máechejiriruwa'i, eta makaitaresira'aviya, máepenakaka'avinapa.

2 Timoteo 4:17

Émasera ema Viákenu tijaneakanu'i, tímikatakanu'i, wa'i máisapanu'ini nanakanu'ini te tapena eta sárareana tinikara'iana. Nítujikawa'i núchuka nuyana taye'e eta apanakeneana awasareana, nukametarairu'i naye'e ena apawasakeneana.

Hebreo 12:15

Ejaneakawaicha yátupina. Wa'i ekuimipananajikawa eta esemirana. Machu tapareakawaka ena echamuriana eta ewínarajiwana, takuti jákani sukureka máurira'ana, tapareakayare eta apana sukureka táurinakene'i, táimikapakapa.

Hebreo 2:9

Marari'isera ema Jesús. Tiúkupaika'i ánipi'i te juka apake'e, nakachuriakaipa ena ángeleana eta náitupajijiasirawana. Eta máemunasira'avi'i vimutu viti achaneana, ema Viya máimikapakaicha'aware te crusu vítivene'i. Té'esera te táekenepa, makaejakapa ema Jesús taye'e eta tajara'ikene máwakure'i takapika'ukene, táitsiwa'i eta makatajiwaira'i eta máepenira'i.