Tito 2:10 - Táurinakene máechejiriruwa’i ema Viya tikaijare

¹⁰ Wá'iware nakuavijaka eta nakaye'ekeneana ena nákenuana. Yátupina eta nakasiñakarewaina taye'e tamutu eta natupara'ana'i. Náimereka yátupina eta náuriwaina apaesa tajamurachakare eta vé'iru'i, étaichu'i eta vímiturapiana maye'e ema Makatiura'ikene'i Viya.

Ignaciano

¹⁰ Váhivare nacuavijaca eta nacaye­he­queneana ena náquenuana. Yátupina eta nacasi­ña­ca­revaina tayehe tamutu eta natupa­ra­hanahi. Náimereca yátupina eta náurivaina apaesa tajamu­ra­chacare eta véhiruhi, étarichuhi eta vímitu­rapiana mayehe ema Macatiu­ra­hi­quenehi Viya.

Tito 2:10 ပူးပေါင်းရင်းမြစ်များ

San Mateo 24:45

“¿Makañári'ipuka ema makajurure máetaviucha'i eta mauriwa, tisuapajira'iware, ema makenu matuparaka'i ena tiavi'ana'i te mapena eta máijarasiraya eta nanikakene tamutu sacheana?

San Mateo 5:16

Ene eka'eyare eti, ímerekayare eta ejaraiwayare naye'e ena achaneana, apaesa eta náimairaina'i eta táurikeneana íchakeneanayare, ena apanaware nakunachayarepa ema Tata tiávi'a'i te anuma.

San Lucas 1:47

taicha tétavikawapa eta táurisamurewa eta nusamure ñicha eñi Viya tikatiura'ikene eta nuye'e.

San Lucas 1:80

Ema amuya eta majurusira'i, tiámawaipa'i eta masuapajiraiwa'i maye'e ema Viya. Wá'iware étaina'ini te taju'e eta awasare eta majurusine'i. Wáma'ikuru'a'i eta majurusira'i. Tiámainukawapa te ajairapa, tímerekawapa naye'e ena israelítana, tépanawapasera tikametarairu.

San Lucas 16:10

“Nákani tiúri'i eta náechapajirisira'i jákani, ene taka'eyare'i eta táuriwayare eta náechapajirisirayare. Nákanisera wa'i tiúri'i eta náechapajirisira'i jákani ánichichakene'i, éneyareichu'iware wa'i tiúrima'i eta náechapajirisirayare eta kamurikene'i.

San Juan 12:6

Ema maka Júlasi, wa'i étaina'ini eta majapanuiraina'ini ena páureana. Étachuchaneni mawaraira'i mayumuruka eta plata, taicha ema tiámera'i'i. Títekapa émaichu'iware tiúnarekara'i eta plata.

1 Corintios 4:2

Puíticha, mákani tikatupara'ayare taye'e eta ematanekana, takamunu'i yátupiyare eta máitauchiraina.

Efesios 4:1

Yátupi nuti témeratakanu'i puiti táichavene'i eta né'isira'i ema Viákenu, eta taka'e, nutuparaka'eya, takuija íchirawaina eta ítaresira te mamira'u ema Viya, taicha eti máichu'akene'eichu'i ema, mawaraira'i machanera'eyare.

Filipenses 1:27

Eta ítaresiraya, ímereka yátupina eta é'isiraina eta máimiturapiana ema Cristo. Tayanapane wá'ipuka nukuiteka eta eye'e, ímiyanawasera eta étumechirawaina eta iúrujiasirakaka'i, nusamairirika'e'ini táuri'ini eta ímiyanirawa'i é'ika emutu, etanainaichu'i eta epanereru, ewapinawa'i eta ekametarairuira eta vé'iru'i taye'e eta viúchukuiraya,

Filipenses 4:8

Títekapa, nuparapenaveana, epanerechinawayare taye'e tamutu eta yátupikeneana, taye'e tamutu eta tipikauchakareana, taye'e tamutu eta ítauraiwaya takuija taviucha'e, taye'e tamutu eta tikatajika'eyare eta íchira'i eta táurikeneana. Epanerechayarewa taye'e tamutu eta ekurisamurechira'i ema Viya, taye'eware tamutu eta tikunachakareana. Ekasamure tamutu jákani táurikeneana apaesa tikunachakareyare tamutu eta íchakeneanaya.

1 Timoteo 1:1

Ema Pablo maye'e apústule ema Jesucristo. Mawanekasiwa'i maye'e ema Viya. Makatiura'ikene'i viye'e, émapa ema Viákenu Jesucristo, ema vikunekene'i eta mápechirawayare tichawa,

1 Timoteo 5:17

Ena pastoreana, te tiúri'ipuka eta náechapajirisirawaka ena vichamuriana, ichapeyare eta náemunakakarewayare'i. Tatuparakawaka'i tiuriyare eta viwachachira, taicha ena, eta náematanerepi'i tímiturekana'i tikametarairuana'i.

1 Timoteo 6:1

Ena vichamuriana músuana'ipuka, tatuparakawaka'i napikauchayare ichape ena nákenuana'i, wa'i tijikapairi'ianaima'i apaesa wa'i nakuyunaka ena achaneana eta máijare ema Viya, wá'iware nakukaeka'i eta vímiturapiana.

1 Timoteo 6:3

Natiari'inapuka ena nákani nawara'a tímiturekana eta apana titukakareana tase'akenechucha te napanereruana, wa'isera yatupikenena'ini, nawarairachucha na'apapikayare'i eta vímiturapiana, tájinasera wa'i tave'apikaima'i eta juka yátupikeneana'i tási'akeneana'i maye'e ema Viákenu Jesucristo,

Tito 1:3

Puitisera titekapa eta maikutiara'i eta maimechira'avuyare eta maechejiriruwa taye eta nametarairu eta matupararunu'i eta majapanuiranu'i eta mawanairipi ema Viya yatupikene tikatiura'ikene viye'e viti.

Tito 3:4

Puítisera, waipa wáka'e'ini, taicha máitsiwachaipa eta vítaresira ema Makatiura'ikene'i Viya eta maemunasira'avi'i viti achaneana,

1 Pedro 2:12

Iúri'isera eta ekachaneraicha'a ena achaneana te juka apake'e máimatira'ana'i ema Viya. Tayanapane nakatianaka'e, naechejika eta eye'e, ekuti'i ena máuritaresirana náicha'e. Ímerekayaresera eta iúriwa'i apaesa ena nakunachayare ema Viya, nawara'ainapa náe'ika ema, taicha náima'a'i eta táuriwa'i eta ítaresirana'i.

1 Pedro 3:16

Tátupiruwa táuriware tamutu eta íchakeneana, eta náimaira'ena namutu ena achaneana, apaesa ekamatinaka nákani téchejisiaraka'eana'i eta táuriwa'i eta é'isira'i ema Cristo, nátsiri'apaini eta náechejijisira.

2 Juan 1:9

Viti visuapa'i eta máimiturapiana ema Cristo, viti viáwa'aka'i ema Tata Vikaiyakene émapa ema Machicha, wá'isera náwa'akaima'i ema Viya nákani wa'i náwara'a'ini nasuapa eta máimiturapiana ema Cristo. Tasapi'apa, náimituka'i eta naye'echirawaihu eta napanereruana.