Tito 1:5 - Táurinakene máechejiriruwa’i ema Viya tikaijare

⁵ Péchawaichu'i te nunakikavinapa te tikaijare Creta, nutuparakavi'i pítauchayare tamutu eta numaitaureana'i, eta nutupararuvi'i pinerejikaya ena pinakakeneanayare eta náwakureanaya ena pastuleruanaya téchapajirikanayare nákani náijamuripachu tisuapajira'iana.

Ignaciano

⁵ Péchava­richuhi te nunaqui­ca­vinapa eta te tiúrupuhi te mar ticaijare Creta. Nutupa­ra­cavihi pítauchayare tamutu eta numaitau­reanahi. Eta nutupa­ra­ruvihi pinere­jicaya ena pinaca­que­nea­nayare eta návacu­reanaya ena pastoreanaya téchapa­ji­ri­ca­nayare nácani náijamu­ripachu tisuapa­ji­rahiana.

Tito 1:5 ပူးပေါင်းရင်းမြစ်များ

Hechos 11:30

Taka'e, náimiamarekapa maye'e ema Bernabé émapa ema Saulo, náijarakayare'i ena náiyara'ana te judea.

Hechos 14:23

Éneichuware, natanukapa nawakurechapa ema naiyakarayare'i te naurujisirarewana náijamuripachu'i, tási'a te taekenepa eta nayujarasira'i tási'a etapa naijimaira'i, nayaseakapa ema Viákenu, eta majaneasiraina táuriwaina eta náe'isiraya namutu ena tikasiñanaipa ema Viya.

Hechos 2:11

narari'iware ena juriyuana naimiuchure'i ani, énapa ena tepiyakawana'i juriyuana. Éneichuware ena tiási'ana'i te Creta, étapa te Arabia. ¡Tási'a vimutu'isera visama eta véchejiriruwapachu eta táurikakarekeneana tási'akeneana'i me Viya!

Hechos 27:12

Taicha wa'i táuri'ini eta anuereku, tájina naicha'ini, napanerechaichucha tiyananayare, taye'e eta apanaware anuereku Fenice taye'e eta juka Creta. Tinapaika'i te kaja'a etapa tauchusine eta sache.

Hechos 27:13

Tépanawapa eta tékatitikawa'i te wana. Tiápajuekawanapa ena, náimijachapa tímiyanawanayare'i tiuri eta náe'isirayarepa'i eta tékatikawa, taka'e tiapajuekawanapa, tijuchecherekanapa eta tiúrupu'i te Creta.

Hechos 27:21

Ichapemuri'i eta sácheana wa'i vinika'ini, taka'e, ema Pablo titupi'a te namira'u, máichawakapa: –Tátanaveana, tiúripanaichu'ipukaini esuapanu'ini te wícha'a viúchuka'ini taye'e eta Creta; puiti wa'i vikukatajiwa'ini.

Hechos 27:7

Te jena sacheana wa'i vijurikatipa'ini eta vipaisirapa'i, muraka'i eta tékatikawa eta viákapirapa'i. Wuekene eta vikaemataneasirapa'i, vítekapirapa te tánara eta anuereku Cnido. Taka'e, vétavikawarepa eta anuereku Salmón te tasumuki eta apanaware tiúrupu'i tikaijare Creta. Viávikupuichapa eta tiúrupu'i, étapa tiávicha'avipa;

1 Corintios 11:34

Té'esera matiari'ipuka mákani téku'asamureipaicha, tiúripana manikanuma te mapena, apaesa waipa makuemechareka'e ema Viya, eta tamaetupisirawa'i eta iúrujisirawa'i. Étasera eta juka apamuriana téchakareana'i viye'e, níma'ainepa nuti netupirikaya te níteka eta ara eye'e.

1 Corintios 14:40

Takapika'u'isera támutu eta iúrujisirawana, ekaejarusinawapa'i tamutu eta íchakeneanayare te iúrujisirawana'i.

1 Corintios 4:17

Eta taka'e, néwatakayare eta ara eye'e ema némunarukene nuchicha Timoteo títaura'i eta makaemataneasira'i ema Viákenu. Ema, temecha'eyare, eta takayemakeneana eta nímiturapiana eta vé'isira'i ema Cristo. Táurikene'i eta máimiturapiana taicha étaichu'i eta nímiturapi'i naye'e ena vichamuriana te jákani nupaisineanapa'i.

Colosenses 2:5

Tayanapane viyere'ikaka'i, wa'i víma'akaka'ini, núrisamure'isera tikuti'ine'i étaina'ini návi'a'ini eta ara eye'e, néchira'i eta tamajinaira'i íchirawaina'ini, yátupi'i esuapa eta é'isira'i ema Cristo.

1 Timoteo 1:3

Péchaipa'i eta juka numetaruvi'i, te nuyanayarepa taye'e te tinapaika eta Macedonia, eta nutuparasiravi'i pinasiyare'i taye'e eta awasare Éfeso. Wicha'a pijunijikaima'i taicha pímatirípa'i píti ena nani nawara'a'i ti'apapikana eta vímiturapiana. Wa'i pikuisapawaka

2 Timoteo 2:2

Píti pímatirichu'i tamutu eta nímiturapiana, taicha pisama'i eta nímitusirawaka'i ena vichamuriana te awasareana, puiti pitanukaya ena apamuriana vichamuriana nákani pímitureana títaura'iana'i, pituparakaya ena tauri eta náimitusiraina ena apamuriana vichamurianayarewa, tákutirichu eta nímitusiravi'i nuti.

Tito 1:12

Matiari'ini'i ema naye'eni'i profeta najaneanaichu ena Cretenseana, maka'e'i eta máechejiriruwa'i naye'e: “Ena nujaneanana cretenseana, tépiya'ira'iana ena, tíñe'i eta náichakene nakuti eta sárare tíñe'i, kánisiukiana, plújuanaware ena.”