Tito 1:4 - Táurinakene máechejiriruwa’i ema Viya tikaijare

⁴ Piti Tito yátupikenevi, nichavi'i taye'e eta vikasiñawaira'i me Viya, taicha eta vimatikenepa'i viti apina'avi. Émainapa ema Tata Viákenu Jesucristo tikatiura'ikene viye'e viti achaneana taetaviucha'ini eta piuriwayare te mamira'u.

Tito 1:4 ပူးပေါင်းရင်းမြစ်များ

San Lucas 2:11

Puiti te jena awasare Belén, máwasaini ema rey David, tiúchukaipa ema Tikatiura'iyare eye'e emutu eti. Ema, tikaijare Cristo Tataya.

San Juan 4:42

Tási'a, náichawarepa esu esena: –Puiti émakenepa visama'i. Waipa tákarichu'ini visuapa'ini eta pimetarapi'i. Véchapa viti apanawa eta émakenera'i ema Cristo, ema vikuchapakene'i, ema tikuchuku'a'aviyare vimutu viti achaneana.

Romanos 1:12

eti apanawa ímikatakanu'ini wakutikaka'ini, vétumejirikaka'ini eta vikasiñawaira eta vé'isira'i ema Viákenu.

Romanos 1:7

Emutu eti ekawasana te Roma, maemunarukene ema Viya manerejiru'ekene'i machaneranayare'i santuana: Nu'asulupayacha ema Tata vikaiyakene eta iuriwaina eta itaresira te maijare ema Viakenu Jesucristo.

2 Corintios 12:18

Te nuwanekapa ema Tito, émapa ema makachanekenepa'i, téjirapana'eanayare'i, ¡tájinaware mayaseaka'e'ini ema! Taicha vikutikaka'i víti eta viúriwa'i eta eye'e, táichavene'i eta vémunasira'e'i ichape.

2 Corintios 2:13

Nímijacha'i nuchimapa'ini ema nuparape Tito. Tétavikawa eta néñamirawa'i, nuwaraira'i néchayare'i tája'apuka eta íchararakawa'i eti. Eta taka'e nukametawapa naye'e ena, nuyanapa ánaki te awasare tikaijare Macedonia.

2 Corintios 4:13

Eta Takapika'ukene Ajureka, ani taka'e'i: “Nuti nukasiñawa'i maye'e ema Viya, tási'a wa'i nupikakarakawa'ini eta néchejisirayare maye'e.” Éneichu'i vika'e'i víti puiti. Vikasiñawa'i maye'e eta makatiuchira'aviyare.

2 Corintios 7:6

Émasera ema Viya, tétavikawa'i eta máetumeraiwa'i naye'e nákani tikainajiruwanaipa'i, nútiipa nétumechawaine'i maicha ema, eta nímairapa máitekapauchiranu'i ema Tito;

2 Corintios 8:16

Nu'asulupayacha'i ema Viya eta manakasamurechira'i ema Tito máeñamirawa'i eta eye'e, takuti'i eta nusamure néñamirawa'i eta eye'e.

2 Corintios 8:23

Nuti nuwara'a'i náimatiyare'i namutu ema Tito, eta émaira'i nujupa'a taye'e eta juka vématanerepi, vikutikaka'i eta vikaemataneasira'i, véchapajirisira'e'i eti. Étaipa te nakayasesererupuka naye'e ena apinana vichamuriana makachanekeneanayare'i ema Tito, énerichuware emetakayare eta neréjiana'i ena apamuriana vichamuriana, táichavene'i eta táuriwa'i eta nakaemataneasira'i ema Cristo.

2 Corintios 8:6

Eta nímaira'i nuti eta nawapinawaira'i eta nakajirisiraya, nupanerecha'i nuwanekaya ema Tito machawa máiteka eta ara eye'e apaesa táitauchawapaini eta enakiruwana'i eti apanawa, kape juka épanirawainapa, puiti ítauchawanepaini.

Gálatas 2:3

Énasera wa'i nákanesa'avi'ini eta nanaka'i eta vikutiarana, émaipa ema Tito apawasana'ineni ema.

Gálatas 3:26

Puiti, eta ekasiñairapa ema Jesucristo, machicha'eipa ema Viya.

Gálatas 3:28

Tayanapane apawasasajiana'e eti, tayanapane'iware ekasirikikíji'i eti ajairana, ena esenana, tayanapane'iware músuanapuka, wa'inenipuka musuanaina, té'esera te mamira'u ema Viya, étanaichu'i eta víma'i.

Efesios 1:2

Nuwara'a makatajika'e'ini ichape ema Tata Vikaiyakene, emapa ema Viákenu Jesucristo, náijaraka'e'ini eta táuriwaina eta epanereruana.

Colosenses 1:2

Puiti nukajure'e eta juka ajumeruka eye'e eti nuchamuriana ekawasana'i taye'e eta awasare Colosas, taicha eti machanera'eipa ema Viya, tiúri'i eta é'isira'i ema Jesucristo.

1 Timoteo 1:12

Nuti nu'asulupayacha ema Viákenu Jesucristo, taicha eta máichuiranu'i mawanaranuyare'i, tétumechanu'i yátupi taicha máima'a'i eta nítauchirayare'i eta nutuparakasiwayare'i maye'e,

2 Timoteo 1:1

Nuti Pablo maye'enu apústule ema Jesucristo, ema Viya tiwanekanu'i eta nukametarairuirayare eta máechejiriruwa, taicha makaechejiriruwa'i eta máijarasira'aviya vikuchi'i víti eta vítaresiraya táichavene'i eta máwa'asira'avi'i ema Machicha Jesucristo,

2 Timoteo 1:2

puiti nápechawaware nukajurevi eta piye'e piti nuchicha Timoteo némunarukene. Nuwara'a makatajikavini majapanuvini ema Tata Vikaiyakene, émapa ema Viákenu Jesucristo. Náijarakavini eta táuriwaina eta pipanereruana.

2 Timoteo 4:10

Puiti tijunijikanuipa ema Demas, taicha tétavikawa'i majamurachira'i eta mawara'a tikaima'akeneyare te juka apake'e, tiyanapa makaiju'e'i taye'e eta Tesalónica. Émasera ema Crescente, néwataka'i te tinapaika Galacia, éneichuware ema Tito, néwataka'iware te tinapaika te Dalmacia.

Tito 1:3

Puitisera titekapa eta maikutiara'i eta maimechira'avuyare eta maechejiriruwa taye eta nametarairu eta matupararunu'i eta majapanuiranu'i eta mawanairipi ema Viya yatupikene tikatiura'ikene viye'e viti.

Tito 2:13

Tási'a, vikunewainapa eta machavirayare ema Viákenu Jesucristo, ema Makatiura'ikene'i viye'e. Eta máitesiraya mámayarepa'i eta tapachinakene majaraiwa.

2 Pedro 1:1

Nuti Simón Pedro, mawanaranu'i ema Jesucristo. Maye'enu'i apústule. Nukajure'e eti nuchamuriana, taicha tétavikawa'i eta ewapinairawa'i eta juka vé'iru'i. Puiti eti apanawa ejakapakare'iware me Viya, ekaikuchipaware eta iúchukuiraya maicha ema Viákenu Jesucristo.

2 Pedro 1:11

Tási'a, tétavikawaya eta iúrikakarewaya eta machimapira'eya ema Viákenu Jesucristo te makuchuku'a'epa eta te juka apake'e, mámira'eya eta te máwakureya. Máitawakakaya eta makachanera'aviya vimutu.

2 Pedro 2:20

Takutikene nákani tínajikawana'i eta náe'isira'i ema Viákenu Jesucristo, tichawanapa taye'e eta tamaeperajiwa'i eta náitaresirana te juka apake'e, ena, tiápajupanawanapa eta nakaikuñairayare, taicha eta naviurewa'i.

2 Pedro 3:18

Tajurukapaichuchaini eta ímatiraina, eta máemunasira'e'i ema tikatiucha'avi'i ema Viákenu Jesucristo. Tétavikawa'ini eta vijirauchira, te vinarasirana, te véjamisirana ¡vímiyanawayare! ¡Amén!

2 Pedro 3:2

Nuwara'aware yátupina eta esuapiraina eta Takapika'ukene Ajureka nájureana'i eta akane ena víyara'anaini santu profetana, étapa eta máimiturapiana ema Viákenu Makatiura'ikene, étaichu'iware vímiturapi'i puiti eta eye'e viti apústuleana.

1 Juan 5:14

Tási'a, tájina táeñamawakare'ini eta viyasearuana'i ema Viya, taicha vécha'i víti eta masamira'avi'i, taicha eta viyasearapiana tási'akeneana'i eta vímatiekene'aira'i eta mawara'akene'i ema Viya.

San Judas 1:3

Tiuri nuparapenaveana, ichape eta nuwaraira'i nukajure'e emutu eti taka'e eta viuchukuiraya te apana vitaresira vimutu viti, tási'a puiti nima'apá eta vikamunukeneana nuyaseaka'ewa ímiyanawa étumechawa eta esuapajiraiwaina eta mawanairipiana.