Tito 1:3 - Táurinakene máechejiriruwa’i ema Viya tikaijare

³ Puitisera titekapa eta maikutiara'i eta maimechira'avuyare eta maechejiriruwa taye eta nametarairu eta matupararunu'i eta majapanuiranu'i eta mawanairipi ema Viya yatupikene tikatiura'ikene viye'e viti.

Tito 1:3 ပူးပေါင်းရင်းမြစ်များ

Marcos 1:15

Ánipa taka'e'i eta mametarapi: “Eta mawasa ema Viya akenuka te anuma tiane'ipa titekapaucha'e eta eye'e. Échawa éñauchawa me Viya tási'a ejákapa eta ekasiñawairaina me Viya, esuapapa eta Arairu maechejiriruwa.”

Marcos 13:10

Taka'e te tiane'ipa eta taitekapiraya eta taitaviraya eta juka apake'e, ekametarairuyare eta Tiúrina Echéjirirukawa taye'e tamutu awasareana. Te ítekapapa te tamutu, tépanawayare'i eta táichekuirayare.

Marcos 16:15

Tási'a máichawakapa: “Eyana epaika tamutu eta awasareana eta te juka apake'e, ekametarairuyare eta tiúrina echéjirirukawa naye'e ena achaneana.

San Lucas 1:47

taicha tétavikawapa eta táurisamurewa eta nusamure ñicha eñi Viya tikatiura'ikene eta nuye'e.

Hechos 10:36

Taicha ema Viya makaitekapa'i eta máechejiriruwa viye'e viti israelítana. Vimetakawakayare nákani tikasiñawana'i maye'e ema Jesucristo. Émara Viákenu vimutu.

Hechos 17:26

“Akane te, máepiyakapa ema achane. Apánapaneneji'avi'isera máicha ema. Tamutu eta apake'e viáwapaika'i máicha. Máimikutiarachapa'isera eta táenasi'ayarepa'i eta viáwasanayare'i. Éneichuware, máimikutiaracha'iware eta táichekuirayare eta vítaresirana.

Romanos 15:19

Nímechawaka'i ichape eta tiáramikareana eta nítupajijiasirawa maicha ema Machanewa Viya. Taka'e'i eta nítauchira'i tamutu eta nukametarairuira'i eta máimiturapiana ema Jesucristo. Tamutu'i nupaika, népanawa'i te Jerusalén, nícheku'apa taye'e eta tinapaika Iliria.

Romanos 16:25

Vijirauchira ema Viya. Ema, mawara'a'i tétumecha'eya taye'e eta é'isira'i ema Viákenu Jesucristo. Eta taka'e'i eta nukametarairuira'i, nímitukawaka'i namutu ena achaneana eta majakapirawaka'i ema Viya eta nakasiñawaira'i me Machicha. Akane eta táepanirawa'i eta apake'e, ema Viya Eterno mapanerechapa eta majakapirayare namutu ena achaneana tikasiñawanaya eta maye'e.

Romanos 16:26

Ena israelítana énapa ena apánapanenejikeneana achaneana, namutu tijakapakareanayare'i. Étaipa eta náechejisi'akeneana'i ena víyara'anaini profetana taye'e eta Takapika'ukene Ajureka. Nájinasera nákaikutiara'ini.

Romanos 5:6

Víti, tájina viviyaima'i eta vikuchukuirawaina'ini, émasera ema Cristo, te tiúri'i eta máimaira'i, tíjarakawa'i tépena víchavene'i víti máurira'ana'i.

1 Corintios 9:17

Taicha nuti, wa'i nútijiwaina'ini níjarakawa'ini maye'e ema Viákenu eta nukametarairuiraya, étapapukaini nujakapi'a'ini eta nuwachayare'i eta maye'e. Nuwanekasiwa'isera me Viya eta matuparasiranu'i eta juka némataneyare'i.

Gálatas 4:4

Émasera ema Viya, te máima'a tiuri eta táitauchirawayarepa eta mapanereru'i, máewatakapa ema Machicha te juka apake'e. Ema Jesús, tiáchanechawapa te suju'e esu maena. Eta máuchusira'i, viwasima'i eta vikake'era'i viti achaneana, eta majurusira'i, tikarawa'upa eta viye'erepiana viti israelítana,

Efesios 1:10

Tamutu eta juka mapanereruana'i títauchawayarepa'i, jákani tatuparakipa'i. Te jena sácheyare manerejikaripa, ema Viya manakainapa ema Machicha Jesucristo akenukakeneyare'i, téchayare'i tamutu eta táichararakawana, nasuapayare'iwa namutu ena tiávi'ana'i te anuma, énapa ena tiávi'ana'i te juka apake'e.

Efesios 2:17

Eta tímiteka'i ema Jesucristo, timetapana'avi'i eta táurinakene echéjirirukawa eta najakapakarewaya namutu ena achaneana. Ema, tiúricha'aviyare'i maye'e ema Viya vimutu, viti vínapukana'i vímati eta máechejiriruwana, étipa eti epaenumawa'i ímati eta máechejiriruwana.

Filipenses 1:13

Énaipa ena tasuntarurana eta palacio énapa ena apamuriana achaneana náechaipa'i eta táemeratasiranu'i eta né'isira'i ema Cristo.

Colosenses 1:23

Taka'e, nuwara'a étumechawayarechucha, ímiyanawa táuri eta é'isira'i. Wa'i ekuyakujiekene'awa eta ekuchapira'i eta iúchukuiraya. Wa'i ekuemepurureka eta esuapiraipa'i eta máechejiriruwa ema Viya. Tétavikawa'i tasuapakarewa'i naye'e namutu ena achaneana te juka apake'e. Núti'ipa nuti Pablo wanairukakenenu'i, étaichu'iware taka'e'i eta nukametarairuira'i.

Colosenses 1:6

etupiruwa'i esuapa eta ímitukasiwa'i, te esamainapa eta máemunasira'e'i eti apanawa ema Viya. Étaichu'i eta juka naímiturapi'i naye'e ena apamuriana achaneana tikawasana'i te apanana awasareana.

1 Tesalonicenses 2:4

Víti manerejiru'avi'i ema Viya taicha máecha'i eta vítauchirayare'i eta vituparakasiwayare'i maye'e, eta taka'e, tituparaka'avi'i muraka viámayare eta máechajiriruwa naye'e ena achaneana eta náuchukuiraina. Wa'i étaina viwara'a táememunaka'avi'ini naye'e ena achaneana. Vítaucha'i eta mawara'akeneana ema Viya eta vikurisamurechi'a'i ema, taicha ema, máimararaka'i eta visamureana.

1 Timoteo 1:1

Ema Pablo maye'e apústule ema Jesucristo. Mawanekasiwa'i maye'e ema Viya. Makatiura'ikene'i viye'e, émapa ema Viákenu Jesucristo, ema vikunekene'i eta mápechirawayare tichawa,

1 Timoteo 1:11

Taicha nuti nutuparakasiwa'i me Viya eta nímituresiraya eta táurinakeneana'i máechejiriruwana, eta tímikaiju'echa'aviya taye'e eta táurinakene máwasa ema Viya, tétavikawa'i eta makunachakarewa'i ema.

1 Timoteo 2:3

Taicha ema Viya Makatiura'ikene máurika'i eta víchira'i víti eta júkana.

1 Timoteo 4:10

Taicha yátupikene eta echéjirirukawa, ema vikasiñakene'i yátupikene'i Viya. Ema, técha'avi vimutu viti achaneana. Vivetiji viti vé'ikanaipa ema, tétavikawa'i eta makatiuchira'avipa'i.

2 Timoteo 4:17

Émasera ema Viákenu tijaneakanu'i, tímikatakanu'i, wa'i máisapanu'ini nanakanu'ini te tapena eta sárareana tinikara'iana. Nítujikawa'i núchuka nuyana taye'e eta apanakeneana awasareana, nukametarairu'i naye'e ena apawasakeneana.

Tito 2:10

Wá'iware nakuavijaka eta nakaye'ekeneana ena nákenuana. Yátupina eta nakasiñakarewaina taye'e tamutu eta natupara'ana'i. Náimereka yátupina eta náuriwaina apaesa tajamurachakare eta vé'iru'i, étaichu'i eta vímiturapiana maye'e ema Makatiura'ikene'i Viya.

Tito 2:13

Tási'a, vikunewainapa eta machavirayare ema Viákenu Jesucristo, ema Makatiura'ikene'i viye'e. Eta máitesiraya mámayarepa'i eta tapachinakene majaraiwa.

Apocalipsis 14:16

Taka'e, ema téjaka'i te úkaji, tíja'uchawapa makurujikapa ena náekenereruana'i manerejiruana'i ema Viya, makuchukawakapa eta te juka apake'e.