San Mateo 9:8 - Táurinakene máechejiriruwa’i ema Viya tikaijare

⁸ Te naima'apa eta juka, ena achaneana tipikanapa. Tasi'a tétavikawaine'i eta nakunachira'i ema Viya, taicha eta máitupaijiasirawa'i eta máijarasira'i ena achaneana.

Ignaciano

⁸ Ichape­rinehi eta náramirahi namutu ena achaneana natiari­hi­que­neanahi. Tétavi­ca­va­rinehi eta nacuna­chirahi ema Viya taicha eta máitupa­ji­jia­sirava ema Jesús eta máijara­sirahi ema Maiya.

San Mateo 9:8 ပူးပေါင်းရင်းမြစ်များ

San Mateo 12:23

Namutupa ena, tiyaserejirikakanapa eta naramira'i: “¿Émapachupuka ema maka, Machicha ema David?”

San Mateo 15:31

Namutu ena nani nakajumakeneana makanarakawakapaipa'i ema. Ichapeine'i eta náramira'i ena achaneana eta náechejisiraipa ena úpana, énapa ena túpupaikeana tinarakanapaipa, tiúripaipa eta napaisira ena masariana, tímairikanapaipa ena púchukiana. Eta náurisamurewa'i, nakunachapaipa najírauchaipa'i ema Viya, naye'e ena Israelitana.

San Mateo 28:18

Ema Jesús témeña'awapa naye'e ena, tási'a máichawakapa: –Ema Viya tijarakanu'i eta tuparairukanuya'i taye'e eta anuma, tási'a étapa eta apake'e.

San Mateo 5:16

Ene eka'eyare eti, ímerekayare eta ejaraiwayare naye'e ena achaneana, apaesa eta náimairaina'i eta táurikeneana íchakeneanayare, ena apanaware nakunachayarepa ema Tata tiávi'a'i te anuma.

San Mateo 9:7

Ema murakaki'aini'i, téchepukapa, tiyanapa te mapena.

Marcos 2:12

Ema makájumakeneni, téchepukapa mave'apa eta maiverema, tipaikapa te namira'u ena achaneana, tiyanapa te mapena. Eta náimaira'i, ichapeine'i eta náramira'i namutu ena natiari'ikeneana'i, tétavikawaine'i eta nakunachira'i, tási'a na'asulupayachapa ema Viya. Ánipa naka'e'i: –Wa'i vima'asarena'ini eta juka.

Marcos 7:37

Tétavikawa eta náramira'i ena nametaruana'i ánipa naka'e: “Tétavikawa táurikakarewa tamutu eta máichakeneana'i ema Jesús. Ena nárami'i eta maichakeneana'i, ¡Tisamara'ianawarepa máicha ena tú'ukiñana, ena úpana techeikanawa maicha!”

San Lucas 13:13

Taka'e, ema Jesús manakapa eta mawa'uana te suápusi. Enewanepa titupina'a'i esu, tinarakapa eta sujumaini'i. Ichapeine'i eta sukunachira'i ema Viya.

San Lucas 17:15

Taka'e, ema émana, eta máimairawa'i eta manarasiraipa'i, tichawapa te mávi'a'i ema Jesús. Tipiarakapaipa'i muraka eta makunachira'i,

San Lucas 17:18

Makarichu'i tichawa ema maka apawasana, makunachapaipa ema Viya.

San Lucas 18:43

Jé'esareine'i, tíja'uchawapa timairika ema púchuki. Taka'e, máe'ikapa ema Jesús, makunachapaipaware ema Viya. Énapa ena achaneana tímararakana'i eta manarasira'i, ichapeine'i eta nakunachira'i ema Viya.

San Lucas 2:20

Taka'e, ena pástuleruana tichawanapa te najanearesi'a'i eta uvesana. Te napaisirapa'i te achene nájirauchapaipa na'asulupayachapaipa ema Viya, eta naimaira'i nasamira'i, tamutu titauchawa'i eta máechejiriruwa'i ema ángele.

San Lucas 23:47

Taka'e, ema kapita romano. Te maima'apa eta taichararakawa'i makunachapa ema Viya, maka'epa: –Yátupikeneichuyapa, ema maka achane matapiraware'i.

San Lucas 7:16

Te naima'apa ena achaneana tipikanaine'i, taka'e tepanawanapa najiraucha ema Viya. Ánipa naka'e: –Jé'eware ema maka achane yátupikene profeta, titekapa'i te vitarakumuri. Éneichuware naka'epa: –Ema Viya titeka'i maimikatakaya eta mawasa.

San Juan 15:8

Eta juka ímerekaipa eta makunachakarewa'i ema Tata, eta ekaemataneasiranu, apaesa tétavikawainapa eta makunachakarewaya ema. Tási'a, ekaecheraipa'i eta yátupira'i nímiture'e.

Hechos 11:18

Taka'e ena machamuriana tikawasana'i te Jerusalén te nasamapa eta juka, timátinanapa. Nakunachaine'i ema Viya, naka'eipa'i: –¡Yátupi'i eta majakapirawaka'i ema Viya ena apawasana, eta náeñauchirawa'i. Kuti'avianaipa eta, máichekuarakirenapa eta vítaresiraya!

Hechos 21:20

Te nasamapa ena mametaruana'i, nakunachaine'i ema Viya. Taka'e, náichapa ema Pablo: –Tiuri nuparape. Píma'apasera natiari'ira ena kamurikeneana ena vijaneanana té'ikana'i ema Jesús. Énasera, murakakeneana'i, té'ikana'i eta maye'erepini ema Moisés.

Hechos 4:21

Taka'e, ena tuparairukana, tisemanapa eta nasamira'i eta namasuapira'i. Taka'e, náipikararekapa. Tájinapasera náicharaka'ini. Nakaitikapa, tájina naviurewaina'ini. Taicha namutu'i ena achaneana nakunacha'i ema Viya táichavene'i eta náima'akene'i.

2 Corintios 9:13

Ichapeyare'iware eta najirauchirayare'i ema Viya, nakunachirayarewa ema, eta ewapinairawa'i eta ekajirisira'i eta ímeresirawa'i eta esuapira'i yátupi eta vé'iru'i, étaipa eta máimiturapi'i ema Cristo. Tímereucha'e'iware eta ejapanuraiwa naye'e nákani tikamunuana'i.

Gálatas 1:24

Taka'e, ichapeine'i eta nakunachira'i ema Viya níchavene'i nuti eta nékesirawa'i.

1 Pedro 2:12

Iúri'isera eta ekachaneraicha'a ena achaneana te juka apake'e máimatira'ana'i ema Viya. Tayanapane nakatianaka'e, naechejika eta eye'e, ekuti'i ena máuritaresirana náicha'e. Ímerekayaresera eta iúriwa'i apaesa ena nakunachayare ema Viya, nawara'ainapa náe'ika ema, taicha náima'a'i eta táuriwa'i eta ítaresirana'i.