San Mateo 8:6 - Táurinakene máechejiriruwa’i ema Viya tikaijare

⁶ Máichapa: –Tata, ema nukajurure tikajuma'i te nupena, murakaki'a, tási'a tétavikawa'i eta takatiwa masama.

Ignaciano

⁶ Mayase­recapa, ánipa máicha: —Tata, mararihi puiti te nupena ema amaperu numusura ticajumahi eta áire. Tétavi­cavahi tacativa masama. Pájapa­nupaini, picana­ra­si­na­nu­panaini éma —máichapa.

San Mateo 8:6 ပူးပေါင်းရင်းမြစ်များ

San Mateo 4:24

Nasamairikapa ena achaneana tikawasana'i te tinapaika te Siria, tási'a, námawakapaipa ena nakajumakeneana, apánapanenejikene'i eta najumana, nakatiru'awana'i, énaipa ena náwa'aruana'i ena éreanana, ena tirapapasiana, énapa ena murakaki'ana, namutu ena makanarakawakapa'i ema Jesús.

San Mateo 8:7

Ema Jesús, májikapapa: –Nuyanayare nukanarakapana.

San Mateo 9:2

Títekapanawarepa ena apamuriana, námapa'i te áchuji ema achane muraka'a. Te máima'apa ema Jesús eta nakasiñawaira'i me Viya, máechejikapa ema makajumakene: –Pétumechawa, nuchicha, eta pipekaturana'i nukaepa'ainavipa.

Hechos 10:7

Te tamutupa eta máchejisira'i ema ángele, tiyanapa tichawa. Taka'e, máichu'apa ema Cornelio ena apinana mamusurana. Máichu'aware ema émana masuntarura. Éneichuware tipikaura'i maye'e ema Viya,

Hechos 8:7

Náima'apa eta makanarasirawaka'i ena nakajumakeneana kamurikeneana, ena murakaki'ana, ena tiyayakareana, énapa ena masariana. Kamuriana ena éreanana máimijunakeneana'i te náke'e ena achaneana náwa'aruana'i; tipiárarekanapaipa eta náuchusirapa'i.

Hechos 9:33

Ánaki maetupiakapa ema achane tikaijare'i Eneas. Uchu añuipa'i eta makajumaira'i. Wa'i táuri'ini mayamuriaka'ini, wá'iware máechepuka'ini te makamane.

Colosenses 3:11

Tayanapane apawasananaji'avi'i viti vé'ikana'i ema Viákenu, émasera ti'etamuricha'avipa viti israelítana, étipa eti apawasanana, énapa ena máikachasianana, te mamira'u ema Cristo, waipa apawasananaji'avina'ini, étanainepa eta víma'i maicha ema, tayanapane tájina ikutiaraina te iáke'eana, wá'isera tikachuriaka'eanaima'i ena tinakana'i eta naikutiarana te nake'e, tayanapaneware ekakenu'ipuka, wá'iwaresera vikachuriaka'ema'i viti wa'i musu'avina, ema Cristo tiáwa'aka'avi'i vimutu.

Colosenses 4:1

Eti apanaware eti nákenuana'i ena músuana, tiúriyarewa eta ekawanairipiraya, wa'i ekuimipananajikawaka. Échawayare eti apanaware eta máimararasira'e'i ema Viya, éma'i Iákenukene'i te anuma.

1 Timoteo 6:2

Étaipa te nakakenu'ipuka mákani vichamuri'i, tiápajukawayare eta napikauchirayare. Wa'i tímipanawanaima'i eta nachamurira'i ema, náimerekayare yátupi eta táuriwaya eta náemataneana, taicha ema nakaemataneyeru'i, nachamuri'i máemunaruware ema Viya. Piti nuchicha Timoteo, pímitukayare tamutu eta juka naye'e ena vichamuriana. Pémechawakayare eta vímiturapiana.

Filemón 1:16

waipa tákutima'i kape juka másinekene'i: puiti píma'ainapa eta máuriwayare makamunukarewayare eta piye'e. Nuti, némunaka muraka ema, énenapa pika'eyare piti apanawa, eta pémunasiraya ema maka.