San Mateo 8:4 - Táurinakene máechejiriruwa’i ema Viya tikaijare

⁴ Tási'a, ema Jesús máichapa: –Pima'a wa'i pikumetajirika piyanayaresera pímerekawa maye'e ema tiyujarakara'i, pikamawa'uyarepa'i eta pi'asulupayachiraya taicha eta makanarasiravi'i taicha eta juka eta mawanairipi'i ema Moisés.

Ignaciano

⁴ Tásiha, ema Jesús máichapa: —Pímaha, nacuija picumetaca eta nútirahi nucana­ra­cavihi. Piyana­va­nesera pímerecava nayehe ena tuparai­rucana, apaesa náimamacavi. Énainapa timeta­ji­ri­ca­nainapa eta yátupirahi pinaraca, pipachi­hairapa. Piyana­yareva me Viya. Picama­va­hu­ya­repahi eta pihasu­lu­pa­ya­chi­rayare taicha eta macana­ra­si­ravihi —máichapa ema Jesús.

San Mateo 8:4 ပူးပေါင်းရင်းမြစ်များ

San Mateo 10:18

tási'a ena tiáma'eanaya te namira'u ena akenukana, té'eware te namira'u ena reyeana, táichavene'i eta é'isiranu'i, taka'e ekamapurawainapa échejisianuyare eta nuye'e te namira'u ena maimatira'ana ema Viya.

San Mateo 16:20

Taka'e ema Jesús, matuparakawapa muraka ena máimitureana nakuija nakumetaka eta émaira'i ema Cristo.

San Mateo 17:9

Tási'a te tiukupaikanapa te tapusi eta mari, ema Jesús mawanekawakapa ena: –Wa'i ekumetajirika eta juka íma'akene'i, tiámainukawa te máechepukapaini te máekari ema machicha ema Viya.

San Mateo 3:15

Émasera ema Jesús majikapapa: –Tájinachucha táichawa, tikamunukare'i nítauchayare eta mawara'akene'i ema Nukaiyakene Tata Viya. Tási'a, ema Juan tísapawapa.

San Mateo 5:17

“Wa'i étaina tímitekanu'i nuti nukaepa'apana eta nawanairipiana ena profetanaini, wa'iware étaina taimitekanu'ini nukaichepaika'ini, eta tímitekanu'i nuti, níminekapaekene'a'eyare eta takayemakeneana.

San Mateo 6:1

“Échapawayare eta ekajirayare ena páureana, wa'i ekunakikawa te namira'u ena achaneana, te ewara'apuka náimararaka'e eta ekajira'i eta nakamunukene, ewaraira'i tikunacha'eanayare. Émasera ema Tata wa'i tikunacha'ema'i, waipaine'i tijaraka'ema'i eta ikuchi'i.

San Mateo 9:30

Jé'esare, enewanepa tinarakana'i, tímairirikanapa tási'a, murakapa eta matuparasira'i: –Wa'i ekumetajirika eta nukanarasira'ewaka'i.

Marcos 13:9

“Etijiwayare ekuneuchawayare, taicha tikarataka'eanainapa tiáma'eanainapa naye'e ena tuparairukana, téstaka'eanainapa te peti náurujisirarewa ena juriyuana. Ena tiáma'eanainapa te namira'u ena akenukana, té'eware te namira'u ena reyeana, táichavene'i eta é'isiranu'i, taka'e ekamapurawainapa échejisianuyare eta nuye'e te namira'u ena.

Marcos 3:12

Tási'asera ema Jesús mawanekaipa'i muraka wa'i nakumetajirika, eta émaira'i tikanarakawaka'i.

Marcos 5:43

Émasera ema Jesús mawanekawakapa náijaraka eta sunika esu amaperu. Matuparakawarepa muraka eta wa'i nakuechejisi'a eta náima'akene'i.

Marcos 6:11

Te wá'ipuka nakujakapa'e te jákani awasare, wá'iware nakuwara'a nakusama'e, iúchukawaneyare. Étatapewachawanumayasera eta máteji te íwapeana táikutiarayare eta máikuñasirawakayare ema Viya, taicha eta namawaraira'i najakapa'e'ini.

Marcos 7:36

Taka'e, ema Jesús matuparakapa ena achaneana, eta wa'i nakumetajirika ena apamuriana, énasera timetajirikanaichucha.

Marcos 8:30

Émasera ema Jesús, matuparakawapa muraka, eta nakuija nakumetaka eta émaira'i ema Cristo.

Marcos 9:9

Tási'a te tiukupaikanapa te tapusi eta mari, ema Jesús matuparakawakapa, wa'i nakumetajirika'ini eta juka náima'akene'i, tiámainukawa te máechepukapaini te máekari ema Machicha ema Ajaira.

San Lucas 17:14

Taka'e, ema Jesús máesenikawakapa. Tási'a, máichawakapa: –Eyana, ímerekawa te namira'u ena tuparairukana apaesa náimamaraka'e. Énainapa nametajirika eta iúriwaipa, enarasiraipa'i eta ejumanaini'i. Nasuapawane'i ena. Tási'a, eta nayanira'i, tinarakanapaipa.

San Lucas 21:13

Taka'e ekamapurawainapa échejisianuyare eta nuye'e.

San Lucas 4:41

Maverana'i ena éreanana mákijiruanapa'i te náke'eana ena nakajumakeneana, tipiararekanapaipa eta náuchusirapa'i: –¡Pítira Machichavi ema Viya! Émasera ema Jesús waipa máisapa'ini náimiyanawa'ini naechejika'ini ena, taicha náimati'i ena, eta émaira'i ema Cristo.

San Lucas 5:14

matuparakapasera ema Jesús. Ánipa máicha: –Pima'a wa'i pikumetajirika piyanayaresera pímerekawa maye'e ema tiyujarakara'i, pikamawa'uyarepa'i eta pi'asulupayachiraya taicha eta makanarasiravi'i taicha eta juka eta mawanairipi'i ema Moisés.

San Lucas 8:56

Ichapeine'i eta náramira'i ena tikachichana, émasera ema Jesús matuparakawarepa muraka eta wa'i nakuechejisi'a eta náima'akene'i.

San Lucas 9:21

Émasera ema Jesús, matuparakawapa nakuija nakumetaka eta émaira'i ema Cristo.

San Juan 5:41

“Nuti wa'i nákamesa nakunachanu'ini ena achaneana.

San Juan 7:18

Mákani achane émajirikawa'i téchejisi'awa, mawaraira'i tikunachakareyare'i. Nútisera, eta nuwaraira'i ekunachayare ema Tata tiwanekanu'i, wa'i népiya'ira'ima'i. Nutupiruwa'i néchejisi'a eta yátupikeneana tisuapakareana.

San Juan 8:50

Nuti wa'i nukunachawaima'i. Matiari'isera ema tikunachanu'i. Ema técha'avi'i, te nútipuka nétupikawa'i.