San Mateo 7:11 - Táurinakene máechejiriruwa’i ema Viya tikaijare

¹¹ Etiripa murakasamure'e'ineni, ituka'i ijaraka ena echichanaveana eta jákani tiurinana nayasearapiana'i, ¡mavetijicha ema Tata Vikaiyakene tiávi'a'i te anuma, ema tíjaraka'eyare'i tamutu eta táurikeneana eyasearuanayare'i!

Ignaciano

¹¹ Etiarihi éti vahi ecaji­ra­hihini nayehe ena achaneana. Iúrihisera nayehe ena echicha­naveana. Mavetijicha ema Tata Ecaiyaquene tiávihahi te anuma. Éma, vahi ticavi­ja­ru­hemahi eta eyase­serepi. Tíjara­ca­he­yarehi tamutu eta táuriqueneana eyasea­rua­na­yarehi.

San Mateo 7:11 ပူးပေါင်းရင်းမြစ်များ

San Mateo 23:9

Tási'a wá'iware ekuka'e Tata Nukaiyakene, nákani achaneana te juka apake'e, taicha marari'i ema yátupikene'i Ekaiyakene'i, ema tiávi'a'i te anuma.

San Mateo 7:10

¿Étaipa te nayaseaka'epuka eta jima, íjaraka'pukaini eta pachepare nanika'ini?

San Juan 3:16

Taicha ema Viya, tétavikawa'i eta máemunasira'avi viti achaneana te juka apake'e. Eta máemunasira'avi, máijaraka'i ema makarichukene'i Machicha, eta máukupaisira'i eta ani viye'e. Tíjaraka'aviya eta vítaresiraya máichekuarakinepa eta vitaresira.

Romanos 3:19

Vechaichu'i tamutu eta táechejisi'akene'i eta wanairipi. Taka'e'i, eti iáwaku'ana'i eta wanairipiana, emutu'i ekaviurewa'i. Te jena sácheyare, waipa ekatiuchawaima'i, táurikainapa eta ekaikuñairayare emutu eti maye'e ema Viya,

Romanos 3:9

Eti nujaneanana, wa'i ekuimijachawa viti israelítana viúripana'i naye'e ena apamuriana achaneana, tájinakene viúriwaina'ini te mamira'u ema Viya, taicha vímatiekene'apa eta vimutuira'i vikaviurewa me Viya, ena juriyuana énapa ena apawasana.

Romanos 8:32

Eta majapanuira'avi'i ema Viya, wa'i mawayuaka'ini máijararekapa ema Machicha eta nakapasira'i víchavene'i vimutu víti. Tási'a, mavetijinapa eta makatiuchira'aviyare puiti te tamutu eta jákani víchawakenewana.

Gálatas 3:22

Esama eta juka máechejiriruwa'i ema Viya eta Takapika'ukene Ajureka ani taka'e, namutu takipaikawaka eta pekatu, enasera ena tisuapana eta maechejiriruwa ema Jesucristo najachapaya eta naikuchi'i maikure'i ema Viya.

Santiago 1:17

tamutu eta juka vima'akeneana'i taurikeneana'i, tamutu tiasi'a'i te anuke'e anuma, ema Viya tepiyaka'i eta tiavi'ana te anuma. Ema Viya émaparasaichu'i: eta maye'e tajina titsiwachawaima'i tamutu'i tikaechera taicha eta majaraiwa.

1 Juan 3:1

Íma'a, tétavikawa eta máemunasira'avi'i ema Tata Vikaiyakene, tímijarecha'avi'i machichanaveana. Puíti'ipa yátupikene'i machicha'avipa'i. Énasera ena apamuriana achaneana wicha'a nákaikutiara'ini eta makachichaira'avi'i ema Viya, taicha wicha'a náimati'ini eta máemunaraiwa'i ema.

1 Juan 4:10

Eta vemunaraiwa ani taka'e: vítisera wa'i vitíwaina'ini vémunaka ema Viya, matiwa'i ema témunaka'avi'i, eta máemunasira'avi ema Viya, máijarareka'i ema Machicha, mawaneka'i tépenayare te crusu étavene eta makaepa'airayare eta vipekaturana.